2.
ကုန်ကားက ဆိုင်ကို အသီးအနှံတွေလာချတယ်။
စတော်ဘယ်ရီ တွေပါတာမြင်လိုက်တော့
ဂယူဗင်းက မဆီမဆိုင် မျက်လုံးဝိုင်းလေးကိုတောင် တွေးမိလိုက်သေးတယ်။
စတော်ဘယ်ရီနဲ့ ပတ်သက်တဲ့ မီနူးတွေ
တော်တော်စုံလာတဲ့အခါ ထိုကောင်လေးက
ထပ်ရောက်လာပြန်တယ်။
ဂယူဗင်းကတော့ လိုတာထက်ပိုတဲ့ အပြုံးတွေကို ဆင်မြန်းထားတယ်။ လုပ်ယူနေတာမဟုတ်ဘဲ အလိုက်သင့်လေးပေါ်ပေါက်လာတာတွေဖြစ်တယ်။
"ဒီနေ့တော့ စတော်ဘယ်ရီ ရှိတယ်"
ဂယူဗင်းက အသိပေးလိုက်တော့ "အာ"
ဟုဆိုတာ ဂယူဗင်းကို ကြည့်လာပြန်တယ်။
"စတော်ဘယ်ရီနို့ တစ်ခွက်ပေးပါ"
ခဏကြာတော့ မှာထားတဲ့ သောက်စရာ
ရောက်လာတယ်။ဘောပင်ကို လှည့်နေရင်းနဲ့
ဂယူဗင်းက အကြံတစ်ခုရောက်သွားတယ်။
" ဗူးပေါ်မှာ ရေးပေးဖို့ နာမည်ဘယ်လိုခေါ်လဲ "
ဂယူဗင်းက ရွယ်တူလို သုံးနှုန်းနေရင်တောင်
စိတ်ထဲရှိပုံမပေါ်တဲ့ ဧည့်သည်လေးကြောင့်
ဂယူဗင်းက ဆက်ပြီး ရွယ်တူလို သုံးနှုန်းမိနေတယ်။
"ရစ်ခီ"
ကိုရီးယားနာမည်မဟုတ်ဘဲ အင်္ဂလိပ်နာမည်ကြောင့် ဂယူဗင်း မျက်ခုံးတစ်ဖက်တော့ ပင့်မိသွားတယ်။
အဲတာကြောင့်ကို ကိုရီးယားလေယူလေသိမ်းက
နားထောင်ရတာ တစ်မျိုးလေးလို့ တွေးမိနေတာ။
ကြောင်လေးတွေ နို့သောက်သလို၊စ
တော်ဘယ်ရီနို့ကို ပိုက်လေးနဲ့ တစ်ငုံချင်း စုပ်နေလို
ဂယူဗင်းက ရစ်ခီကို လှမ်းကြည့်နေမိတယ်။
ရစ်ခီက ပထမ တစ်ငုံမှာ မျက်နှာရှုံ့မဲ့သွားတာ
မြင်တော့ ချဥ်များ ချဥ်သွားသလားဆိုပြီး
ဂယူဗင်းက စတော်ဘယ်ရီကို
ချက်ချင်းအပြစ်တင်လိုက်တယ်။
စတော်ဘယ်ရီတွေဆို ချိုရမှာလေ၊အထူးသဖြင့်
ရစ်ခီ လျှာဖျားပေါ် ရောက်တဲ့အခါမှာပေါ့။
"အစ်ကို ညီမရော နာမည်ပြောရမလား"
ခပ်ရွယ်ရွယ်ကျောင်းသူလေးက
အပြုံးကြီးကြီးပြုံးပြီး
ဂယူဗင်းကို ပြောလာတယ်။
