الجميلة والسايكوباثِ ( الجزء الثاني )

دامِس ( 25 )

دامِس : اكعدي هنا وهسة بس اصب الأكل إجي أني وياج ناكل ..

ابيجيل : ابتسمت مجاملة .. راح وأني مصدومة من برودة واصرفة !! ما انكر أنو مو أول مرة هيج يسوي بس قبل شوية جان عصبي وكسر البيت كلة !

فعلاً ربع ساعة وأني كاعدة وحاضنة چلبوب وسارحة فززني صوتة وهوة ينقل الاكل ..

دامِس : سويتلج أكل يخبل .. كلشي أنتي تحبي سويتة الج ..

ابيجيل : فعلاً .. خلص السفرة وجان مسويلي كل الأكل إلي احبة .. صاحني ورحت كعدت وضلينا ناكل وهوة يفتح مواضيع ويحاول يضحك وياي ويسايرني ..

بس أني مصدومة من تصرفاتة ! ..

شوية شوية بدت تروح صدمتي وضليت أخذ وانطي ويا ..

بدون أي مبالغة .. أجمل عشاء بحياتي ..

شخصيته وتصرفاتة تخبلللل حرفياً .. حجية وياي سوالفة .. تصرفاتة وكلامة الجميل والحنون ..

مستغربة وفرحانة بهاذ تصرفة كلش ..

التهينا نلعب ونضحك .. انتبهت على شي ..

كل شوية وداير وجهة وكأن ضايج .. أو يسيطر على غضبة !! .. حسيت على هاذ الشي وبديت اضايق منة يدور وجهة وبعدها يرجع يباوع علية وهوة يتبسم ويضحك ..

ضجت وحسيت بالكوة يلعب وياي ويسولف ! .. عفتة وكمت بدون أي مقدمات ..

دامِس : شبيج .. وين رايحة

ابيجيل :حضنت چلبوبتي وكلت وأني امشي ..

- نعسانة أريد أنام ..

وكف .. وكال

دامِس : تسليتي اليوم !

ابيجيل : أي .. وصلت الغرفتي وقفلتها

نمت وعدى هاذ اليوم وحسيتة جداً غريب ..

****

- وخر ايدككك

صگار : شني هذن تصرفات المزعطة سمراء !!

سمراء : على الأقل ما ضحكت ويا رجال غريب ..

خزر عيونة حيل وكال بحدة ..

صگار : علمود اكسر راسجج

ضحكت بالرغم كسرة گلبي .. وكلت

سمراء : هية هاذ شغل الفصلية ..

وخرت أيدة وعفتة ورحت ..