၁၆ နှစ်အရွယ်ရိပေါ်က အရွယ်နဲ့မလိုက်အောင်ပဲသန်မာထွားကျိုင်းလွန်းတယ်။ သူကအမြဲ ချည်ကြမ်းဘောင်းဘီနဲ့ နွမ်းဖက်နေတဲ့ဂျိုင်းပြတ် အင်္ကျီကိုသာဝတ်ဆင်တယ်။ ဆံပင်တွေကိုတော့စုည်းပြီးချည်ထားကာ နှဖူးမှာ ဆံပင်တိုအနည်းငယ်ကျနေတယ်။ ရိပေါ်ကချောတဲ့အထဲပါပြီး မိန်းကလေးတွေအကြိုက်ဖြစ်ပေမယ့် သူကငယ်ငယ်တည်းက ခုချိန်ထိ သဘောကျတာတစ်ယောက်တည်း။
အခုရိပေါ်စိတ်အရမ်းတိုနေတယ်။ ရှောင်းသခင်လေးက အသက်ကြီးတာနဲ့ပိုပိုလှလာတယ်။ အဲ့ဒီတော့ အခုအုပ်ချုပ်နေတဲ့ဘုရင်ဆိုးက မျက်စိကျနေတဲ့သတင်းကိုသူကြားခဲ့တယ်။ အဲ့သတင်းကြောင့်ရှောင်းသခင်ကြီးလည်း တစ်အားကိုဒေါသထွက်နေပြီး သားဖြစ်သူရဲ့လုံခြုံရေးကိုတင်းကြပ်ထားတယ်။တစ်ချိန်လုံးမူးရူးနေပြီး။ကာမလိုက်စားနေတဲ့ရွံစရာဘုရင်လက်ထဲ သူ့သားကိုမထည့်နိုင်ဘူး။ အဲ့ဒီလိုပဲရိပေါ်လည်းစိတ်တိုတယ်။ ဒါပေမယ့် အစေခံတစ်ယောက်ဖြစ်တဲ့သူက သခင်လေးအတွက်ဘာမှ မလုပ်ပေးနိုင်တာကို ဒေါသထွက်မိတယ်။ ရိပေါ်ထင်းခုတ်တာကိုရပ်ပြီး ထွက်လာခဲ့တယ်။ ပြီးတော့ သခင်လေးနဲ့ချင်းချင်း အမြဲစကားပြောတဲ့ ဝါးရုံပင်အောက်ကို အရဲစွန့်ပြီးထွက်လာခဲ့တယ်။
သူရောက်တာနဲ့ နှစ်ယောက်လုံးကရယ်နေတာကိုရပ်ပြီး ရိပေါ်ကိုကြည့်လာတယ်။ သခင်လေးကဆံပင်ရှည်ကိုတစ်ဝက်သာထုံးဖွဲ့ပြီး အထက်တန်းစားတွေဝတ်တဲ့ ဆင်ဆွယ်ရောင်ပိုးထည်ဝတ်ရုံရှည်ကိုဝတ်ထားတယ်။
"နင်ဘယ်သူလဲ။"
ချင်းချင်းမေးတာကို ရိပေါ်မဖြေ။ ရှောင်းကျန့်က ရိပေါ်ကိုစိုက်ကြည့်ပြီး ရှေ့တိုးလာတယ်။ ရှောင်းကျန့်မျက်နှာမှာ မာနအငွေ့သက်တွေ ဖုံးလွမ်းနေတယ်။
"အစေခံလျို့ရဲ့ သားမဟုတ်လား။"
*သ သခင်လေးကငါ့ကိုသိနေတယ်တဲ့လား"*
ရိပေါ်ဝမ်းသာအားရ ခေါင်းတဆက်ဆက်ညိမ့်ပြီး
"သခင်လေးကျွန်တော့်ကိုသိတယ်။"
"ယောက်ျားချင်းကို ရွံစရာမျက်လုံးနဲ့လိုက်ကြည့်နေတဲ့ မင်းကိုငါသတိမထားပဲနေမလား။"
Part-1
Start from the beginning
