هــي الــتـي عـلـمـتـنـي كــيــف اعــشــقــهــا

Part 67

_________________
(الـمـغـاسـل )
صيته تطالع نفسها بالمرايه وتستوعب الكلام الي قالته ام سحاب !
زيد تنحنح
صيته حطت الشرشف على شعرها : هلا
زيد تقدم وشافها وضاعت علومه : سلام
صيته : وعليكم السلام
زيد يفتح موضوع: شسمه شسمه ايي شلونك
صيته: بخير
زيد: علامك تقل زعلانه
صيته: لا زعلانه ولاشي ورجاً هاذا الحوار لايرضي ربي ولايرضيني
وناظرته وطلعت وهو تنهد ماتعطيه مجال يعبر عن حبه

_________________
( الـمـجـلـس )
نوره ونجلاء يحشون بـ بهاج ورائد ، ورائد وبهاج واقفين ورا الباب بأنصاب بسوالفهم وكلهم مصدومين من الكلام الي يركبهم !
زيد جاء وجنبه صيته
زيد عقد حواجبه : وش فيكم كأنكم بساس مطروده من المجلس؟
بهاج سحب زيد وسد فمه ونطق : اسكت
صيته : خيرر وش تسوون ؟
بهاج : يااختي الفاضله طرفي شوي عن الموضوع
صيته : وش قله الادب ذيي!
رائد انخرش: بسم الله الرحمن الرحيم ، جن جن اللهم سكنهم مساكنهم اعوذ بالله
زيد ناظر رائد بحده : عيب ماهي اختك او زوجتك تتكلم معها كذا!
بهاج رفع حواجبه ونطق بهمس : اقعدد بدينا غيره
زيد : لاتذكريني بماضيك انت ونوره وجرجرتك لها وحتى باقي ماتزوجتو
بهاج : اجل استر على ماوجهت
رائد : بسم الله علامك تناظريني مالي دخل انا معصوم
صيته : احد يفهمني وش قاعدين تسوون !
بهاج اشر لها بمعنى "ولا صوت "
زيد : خليك واقفه نشوف وش يسوون
بهاج هبد زيد ونطق : اسكت
رائد حط اذنه عند الباب : هاه؟
زيد وبهاج حطو اذانهم عند الباب ويتسمعون
نجلاء تتكلم مع نوره : ايي ورائد ماطقع منه
نوره : حقيقي الرجال مالهم امان حتى بهاج طقعوع وخالي زيد بعد
بهاج ورائد وزيد ناظرو ببعض بصدمه وصيته مو فاهمه شي !
نجلاء : انا قررت قرار امدد العزوبيه الي لا نهايه
رائد عض على شفايفه وتنهد والتفت عليه بهاج ونطق : عاديي البدايات مكابر
رائد : ان شاء الله
نوره نطقت بتأييد لموضوع نجلاء : صادقه بطول العزوبيه معك ماتهنيت بحياتي الا طالعلي واحد بسم الرحمن الرحيم مادري منين طلع
بهاج فتح فمه بصدمه
زيد : عادي عادي صرت طقوع معك عادي دامنا كلنا طقعان
رائد : قوماً تعاونو ماذلو وحنا اجتمعنا بصفه "الطقوع "
نجلاء: بنت انتي متزوجه كيف تمددين العزوبيه
نوره تشرب قهوتها : عادي سهله ارمي عليه النونو وامدد العزوبيه
استوعبت نوره وش قالت ونطقت بخوف : لاا امزح مابغى اترك النونو
نجلاء : وينهم الثلاثي الداشر!
نوره : اكيد متفقين على شي ويخططون ماجتمعو الا على بلا
نجلاء : شهاده حق قومي قومي ندورهم هالسرابيت
نوره قامت : يلا
وتقدمو وفتحت نوره الباب وطاح بهاج ورائد وزيد من فتحت الباب
شهقت نجلاء : يتسمعون لنا!
نوره تغطت : وجع انت وياه وش حركات الورعان ذي تتسمعون لناا !
بهاج كان تحتهم كلهم ودف رائد وزيد عنه : تقعلو
صيته وراهم ميته ضحك على طيحتهم من انفتح الباب
نوره مسكت اذن بهاج ونجلاء مسكت اذن رائد وصيته مسكت اذن زيد وجلسوهم بالمجلس واتجههو للمطبخ يخططون عليهم والعيال ميتين ضحك وطلعو من المطبخ ونوره معها ملعقه خشب ونجلاء معها طاوه وصيته معها مغرفه وكل وحده قدام حبيب القلب ومتخصرات ومعصبات
وبهاج وزيد ورائد مرخين ظهورهم ويتأملون عصبيتهم والبنات متنرفزات من برودهم
بهاج : وش طقم فتيات القوه ذا وردي وازرق واخضر
نوره لابسه وردي ونجلاء ازرق وصيته اخضر
البنات مع بعض: اكرمنا بسكوتك
نوره تناظر بهاج ونطقت : انت يابو اذاني او ابو هاجوس
نجلاء تناظر رائد ونطقت : وانت يابو راس
صيته التفتت على نوره : وش معيارته؟
نوره : ماله بس سميه ابو خشم
صيته التفت لزيد : ابو خشم
نوره : علمً
نجلاء : يوصلكم
صيته : ويتعداكم يالثلاثي
نوره : انتم معاقبين
نجلاء: الليله
صيته : بـ تنظيف
نوره : السطح
بهاج ورائد وزيد عدلو جلستهم بصدمه ويتلفتون لبعض
بهاج : بس عندنا اعتراض
رائد: وتبرير
زيد : لموقفنا
البنات مع بعض : مافي تبرير كل شي شفناه بعيوننا !
بهاج : طيب ببرر
نوره هزت راسها بنفي ونطقت : نو حبي
بهاج ضحك من الصدمه ورائد وزيد ضحكو من ضحك بهاج
رائد بضحكه : ابو سالم مضيع يحسبنا ببجي هههههههههه
بهاج ضرب كفه بكف رائد بمعنى "كفك " ونطق بضحكه : ايييي
زيد انصرع : بطنييي بطنيي
بهاج : هه جتك النفاس الثانيه
صيته ونجلاء التفتو على نوره ونوره استوعبت والتفت على بهاج : مين النفاس الاولى اذا خالي زيد النفاس الثانيه !
بهاج : حشى مو انتي اقصد رائد نفاس
رائد : وش دخلنيي
نجلاء : البخ وانثبر لاارنك بالطاوه ذيي
زيد: خوفي من المغرفه تطلع صوت
صيته تقدمت : تبي تجرب ؟
زيد هز راسه : لالا نمزح وش فيك
رائد التفت لبهاج : بهاج احسدك !
بهاج : على وش تحسدني ؟
رائد : حرمتك رقيقه وانثويه وناعمه  جايبه ملعقه خشب ماتوجع خوفي من هالخبيثات طاوه ومغرفه
بهاج : ياجعنلي فداها ياشيخ هي وانوثتها ونعومتها
نوره طاحت عينها على بهاج ورائد الي يتساررون وتقدمت وهبدت بهاج ورائد
بهاج يحك مكان الضربه : والله ماهي ببسيطه هالملعقه
رائد : احوهه تحرق تحرق هالملعقه توجع
زيد يصارح ويركض : انقذونيي من هالمتوحشه
صيته ربطت قميصها على خصرها (عليها ليقنز) وتركض ورا زيد تبي تهبده لانه ذب عليها وقال لها " الغول شريك " لانها لابسه اخضر
نجلاء التفت لرائد : دورك ياتنظف ياتنهبد
رائد : لاتكفين توي منمغط من حرمه بهاج مغطتني
بهاج همس : ورع مالنا الا ننحاش
رائد همس : اوافقك الراي
بهاج قام على انه بيبرر وبنفس الوقت رفع ثوبه وربطه على خصره
وقام رائد وهربو ونوره ونجلاء يناظرون بعض بصدمه !
نوره شمرت : وربي مااترك ابو اذاني
نجلاء ربطت شعرها البوي لفوق : وانا مااترك ابو راس
وراحو يركضون وراهم وكلعاده نوره تنسى حملها
وصيته ورا زيد ونوره ونجلاء ورا بهاج ورائد الي يركضون بسرعه
بهاج استوعب انه اذا ماعقل ماراح يصير اب بعد ٨ اشهر! لازم يعقل
وقف والتفت لنوره الي يالله يالله تركض من التعب ومسكها
نوره : بهيج اتركني وش فيك ماسكني ؟
بهاج : اجلسي انتي حامل
نوره : مابغى
بهاج تنهد وهز راسه بيأس من عنادها ونزل وشالها
نوره : بهاج نزلني مو عند البنات!
بهاج تجاهلها ونزلها على العتبه وجلسها وراح يجيب قاروره مويه من المطبخ وطلع لقاها جالسه وحاطه يدها على خدها بطفش وتناظر رائد ونجلاء وصيته وزيد وابتسم بخفه وجلس جنبها وحط يده على خصرها وسحبه له وفتح قاروره المويه وشربها نوره ونوره زعلانه ليش يقطع لعبهم!
بهاج ضحك : خلاص روقي عاد ! ابشري بعد ٨ شهور ان شاء الله بلعب انا وياك والورع معنا وبتحد انا وياه ضدك ونكسر عنادك
نوره ابتسمت بخفه بس صدت وماشاف بهاج ابتسامتها
وبهاج عباله صارت بخاطرها وقام ونطق : رائد وزيد انثبرو عيب عليكم كبر البعير تراكضون وتحارشون بنات! اجلسو الزمو اراضيكم
نوره ناظرت بهاج يخرب لعبهم عشانها ونطقت : اتركهم هاذي فرصه حياتهم يتقابلون
رائد وقف من الصدمه والتفت لبهاج وتخصر : هاه؟؟ وش تقول؟ لا تحارشون البنات؟ رجاً لاتتكلم عن المحارش وانت قائد ومؤسس المحارش
زيد : ايي دبلت كبد نوره بمحارشك لا تتكلم بشي حنا عارفينه زين
صيته تخصرت : وجع والمقالب الي خوفت نوره فيها؟
نجلاء : يلا عد لي كم مقلب مقلبت المسكينه وحارشتها ؟ توك تحس ؟
بهاج : بسم الله الرحمن الرحيم اكلتوني
رائد ضحك : تعيش وتاكل غيرها
بهاج ضحك وجلس جنب نوره على العتبه وسحبها له وهي قافله معها الوسيعه
زيد وصيته جالسين عن المسبح يسولفون ونجلاء جالسه جنب نوره ورائد منسدح بعتب عند العتبه تقربياً عند نجلاء
نوره التفت على بهاج وتحس ودها تبكي من زمان مابكت
بهاج التفت عليها وشاف عيونها دموع وعرف انها تبي تبكي من غير سبب
نوره بدموع وتأشر على بطنها : كلها منك !
بهاج من الصدمه ضحك : افا ليه ماتبينه ماتبين ورع ولانونو على قولتك؟
نوره بدموع : ماقلت اني مابغاه بس كلها منك
بهاج مسح دموعها : ياحبيتي انتي والله لو اقدر اشيله عنك شلته
نوره دمعت زياده من كلمه الحنونه : ياخي ليش مافيك غلط ، انت كذا تبكيني
بهاج عقد حواجبه ومنلخم !
بهاج بينه وبين نفسه : والله والبلشه اذا صرت عصبي بكت واذا صرت حنون بكت وش اصير ؟ اصير مهرج والله خوش فكره نضحكها
رائد كانت اذانه عند نوره وبهاج والتفت على نجلاء بصدمه وهمس : بنت الله يعنين بعاج
نجلاء بهمس : ليه؟ الا من حظه عنده وحده مثل نوري
رائد بهمس : ياختي حرمته بكايه
نجلاء بهمس : حبيبي ماشفت شي هاذا بعض من كل لقبها ام دميعه
ولكن رائد وقف عند اول كلمه "حبيبي" ابتسم بخفه وصد
نجلاء : بهاج لاتزعل نوري
بهاج : افا وش سويت
نوره بدموع : ماسويت شي بس احس انك بتسوي شي قلت ببكي الحين
وبكت نوره وبهاج كاتم الضحكه ونجلاء كاتمه الضحكه
بهاج حضن نوره وهو كاتم الضحكه ونطق بأسلوب تهديد : والله الي يزعل نوره بزعله وازعل الي حوله بعد الا نوره مابعدها نوره
نوره ابتسمت بحضنه
رائد مات ضحك وماسك بطنه : بطنيي بطني
نجلاء تناظر السماء وتحاول ماتضحك بس لعلها انفجرت
وبهاج اذا شاف احد يضحك يضحك معه ومات ضحك
نوره تناظر فيهم ومستغربه ليش يضحكون وشافت اشكالهم وضحكت معهم
بهاج التفت وطاحت عينه على الي يسولفون عند المسبح : عانو
كلهم التفتو وابتسمو التفتو لبعض
نوره : خلوهم سوو نفسكم ماشفتو
وكلهم اتفقو مع نوره
زيد متكي على سياج المسبح وغارق بعيون صيته الي ناسيه شرشفها داخل وهاذي فرصته الوحيده يحلل النظره الاولى
وهي تسولف عن التخصصات الي بالجامعه وهو مو يمها غارق بعيونها
وصيته تشرح وتطلع صور ومجتهده جاهله انه غارق بعيونها
زيد ميل راسه بتأمل ونطق من دون لايحس على نفسه : احبتس
صيته اتسعت عيونها بصدمه وتوقعت انه بقيس النبض ونطقت برجفه : ايي زي ماقلت لك التخصص هاذا مطلوب برو.....
قاطعها وهو هايم بعيونها : خلينا من التخصصات انا احبتس
صيته من الصدمه صارت تتأتئ
زيد ابتسم من خجلها وماتوقع ان صيته يمكن يوم من الايام تخجل !
صرخ زيد وناسي الي حواليه : احبتس يام جدايلل
بهاج ونوره ونجلاء ورائد التفتو لهم ومصدومينن !
صيته بهاذي اللحضه ودها الارض تنشق وتبلعها من كميه الاحراج
بهاج ابستم بصدمه : سواها ولد ابوه
نوره ابتسمت
رائد : سوا الي عجزت عنهه
نجلاء بهمس : اذكرك! انت اعترفت بالشارع قدام الملا
رائد ابتسم من انها تتذكر اعترافه لها
بهاج يصفق : كفووو الف مبروك منك المال ومنها العيال
زيد استوعب والتفت على بهاج وابتسم بوهقه
نوره ركضت وحضنت صيته : صيوتت اعترفف
صيته بادلتها بصدمه وهي ماتؤمن بالحب ابداً صح انها تحس بشعور اتجاهه زيد بس ماتبغى تعيش علاقه محرمه فـ عشان كذا مااعطته اجابه
نوره عارفه صيته وبغت تقطع الاحراج وصفقت بيدينها : يلا يلا على السطح
بهاج: افا ليه
نوره : نظفوه انتم معاقبين لاتحسبوننا نسينا !
رائد : طيب اسم..
قاطعته نجلاء : لالالا قدامي على المطبخ شيلو المنظفات
نوره : بنات وش رايكم ينظفون البيت ويريحوني
صيته : فكره حلوهه
نجلاء : يلا امشو بالطيب ولا بهبدكم بالطاوه
وماكان بيد العيال اي عذر الا انهم يوهقون صيته
رائد : طيب خويتكم ذي صيته معنا كانت
نوره : صيوت كيفها تسمع عادي بس انتم لا
زيد : افاا وبهاج مو عادي ؟
نوره : عادي بس مو عادي فاهم كيف
بهاج اعطاها وضعيه حياه الفهد وانصرع على الجدار : لايازمن
نجلاء : قومو قومو بس يلا
وقامو العيال زي الشاطرين وراحو للمطبخ ووراهم البنات
دخلت نوره المطبخ وطلعت ٣ مريلات ومدتهم للعيال وكانت لون المريلات ورديه ودرجات الوردي 
بهاج : دقيقه ثوبي جديد بروح اغير لبسي والعيال يلا
نوره : انتظرك
وراح بهاج والعيال يغيرون ثيابهم والبنات يخططون فجأه دخلو العيال والبنات تجمدت ملامحمهم بصدمه من ملابسهم!
بهاج لابس شورت اصفر وتيشرت اخضر وشرابات ونظاره شمسيه !
زيد لابس تيشيرت وردي وسروال سنه
ورائد لابس وزره وفنيله وطاقيه مذهبه
بهاج يدور حول نفسه بثقه  ويرفع النظاره على شعره: خقيتو صح ؟
رائد يهز راسه : مدام مافي مسكله الحين ينزف كل شي مافي كوف
زيد : لاداعي لاداعيي
البنات من الصدمه ضحكوو
نجلاء : حلو في عامل خلوه يكرف
رائد هز رايه : مافي مسكل
صيته : ليه ليه البس ثوب ياخي
زيد : اعجبك صح ؟
نوره : بهاج متاكد انك بتصير اب بعد ٨ شهور؟
بهاج يمسح على شعره بثقه : اكيدد وبخلي ورعي يلبس كذا
البنات هزو روسهم بيأس منهم ونوره مدت للبنات المريلات واشرت لهم يلبسونهم
نجلاء رمت المريله على رائد ونطقت : البس
رائد هز راسه وخذا المريله وربطها عليه : مدام قرقر واجد
صيته مدت المريله لزيد : خذ
زيد خذا المريله ولبسها وابتسم
نوره مدت المريله لبهاج بس بهاج مستغل للحظات وصب الصابون على يدينه ونطق : اوهه ماقدر البسه
نوره تنهدت ونطقت : نزل راسك طيب بدخله
بهاج: مصممه البسه؟
نوره : اي لازم بتنظف واجد
ابتسم بهاج ونوره قدام وحاوطت خصر بهاج وربطت المريله وهو مستانس والعيال حاسدين بهاج وذكاء بهاج واستغلاله للفرص
نوره القائد وصيته ونجلاء الي يراجعون قرارات نوره
نوره : يلا شيلو المنظفات ونظفو كل البيت
صيته : وش رايك يطلعون الاثاث بعد وينظفونه ويرجعونه
نجلاء: فكره مش بطاله
نوره : يلا سوو الي يبونه البنات
بهاج كش على البنات وكش على العيال ونفسه : مالت علي وعليكم ماعدا نوره ابك انا لواء وانظف ؟
رائد : اهجد بس هاذا بيتك وحرمتك راس البلا هي وقرارتها
زيد : صح نوره جنيه
نجلاء صفقت : يلا يلا
وخذو العيال المنظفات واتجهو للسطح والبنات معهم
بهاج التفت : نواره تقدرين تطلعين الدرج لدور الثالث؟
نوره : ايي وشدعوا ترا عاديي
بهاج تقدم بيشيل نوره بس نوره رجعت خطوات لورا بالرفض
نجلاء : بهاج نزل المنظفات العيال يشيلونها وانت شل نوره
صيته : ايي حرام مسكينه حامل
بهاج : اي طيب بشيلها بس هي رافضه !
نوره : بنات مالها داعيي !
زيد : هات المنظفات
تقاسمو المنظفات رائد وزيد وطلعو للسطح وبهاج والبنات يحاولون بنوره
بهاج : الدعوى عناد ؟
نوره : لا بس عيب
صيته : اي عيب تتكلمين عنه اذا رجلتس خايف عليتس ويبي يشيلتس !
بهاج : اوافقك الراي يالمصارعه
نجلاء : طيب اكسر عنادها وانت تعرف عاد كيف تتصرف بعنادها
نوره : بنات!
بهاج : نواره من الاخر تبين بالطيب ولا ؟
نوره : بمشي
بهاج تجاهلها وشالها بين يدينه وهي تتفلت وتبي تنزل وبهاج شاد عليها عشان ماتضر نفسها والنونو معها
بهاج بحده : نوره اهجدي
نوره حست بحده صوته : اف منك
بهاج مثل عليها انه معصب عشان تهجد وطلع بهاج وبحضنه نوره والبنات ورا بهاج ويصورون لغدير والبنات ، ووصلو السطح
بهاج نزل نوره : انطلقي ، متي يوم شلتك؟ لا
نوره : عيب عن....
قاطعها بهاج : مو عيب قولي انك مستحيه من الاخر يعني
نوره سكتت لانها فعلاً تستحي من البنات اذا شالها
زيد : يلا ياعيال قوماً تعاونو ماذلو يلا يلا
وبدو العيال يرشون المويه ويحطون صابون ويتزحلقون بالسطح وصيته ونجلاء ماتحملو يهجدون وراحو يتزحلون بالماء ونوره واقفه تناظرهم وبخاطرها تلعب معهم بس حملها يمنعها
وبهاج يضحك ويتقلب من الضحك وطاحت عينه على نوره واختفت ضحكته تدريجياً وهو يشوف نظراتها للبنات ولهم وهم يبعبون وواضح ودها تلعب قام واتجهه لها : والله لعوضك والله وتالله لعوضك
نوره ابتسمت : عن ايش تعوضني انت اساساً معوضني عن اشياء كثيرر
بهاج : انتي بس اطلعي بالسلامه اذا جبتي الورع والله ماهمني كثر ماهميتيني انتي والله لعوضك اللعب والوناسه الي انحرمتي منها وزي ماقلت الورع بداله ورع بس نوره مابعدها نوره !
نوره ابتسمت وكلامه لمس قلبها
بهاج جلس : مااتركك جالسه لحالك
نوره جلست جنبه : بهاج لاتحرم نفسك الوناسه عشاني
بهاج حط يده على خصرها : مامن وناسه اذا انتي مو معي مااستانس اذا شفتك متضايقه او بخاطرك شي
نوره نزت راسها : بتحرم نفسم كل شي عشاني؟
بهاج حط يده على فك نوره ورفع راسها : ماحرم نفسي انا شي نوره مو فيه مااستانس فيه
نوره حطت راسها على كتفه وسكتت وافكارها متلخبطه
بهاج شد على خصرها وناظرهم وكل واحد منهم ناسي الي حوله ويضحك مع حبيبته ويناظر زيد وصيته كيف الابتسامه ماتفارق وجيههم ورائد ونجلاء كيف محارشهم لبعض والتفت لنوره وابتسم وقام وقومها معه
نوره : وش فيك ؟
بهاج : اسمعي يابنت الاجاويد ماخليها بخاطرك وهالحين نلعب بس على الخفيف
نوره ابتسمت : لا اخاف على النونو
بهاج : النونو ماراح يجيه شي اذا لعبتي بحذر
نوره : كيفف العب بحذر والدنيا ماء وصابون بدحدر !
بهاج سكت ومسكها وبدا يركض فيها على الخفيف عساس تستانس ويجلسها عساس انزلقت وكذا ونوره تضحك وهو يبتسم اذا شافها تضحك
ونوره تركض على الخفيف وبهاج يركض جنبها عشان اذا طاحت يقدر يمسكها قبل تطيح وهي تضحك ومستانسه وبهاج يضحك معها ويرش عليها ماء وهي تغمض عيونها وتضحك وترش عليه ماء ويضحكون
ورائد شغلته محارش يهبد نجلاء ويركض ونجلاء تركض وراه وتهبد رائد
وزيد وصيته لعب واستهبال
وقطع كل هاللحظات السعيده الصوت الي يطلع من الغرفه الي بالسطح
جمدت ملامح البنات بخوف وكل وحده مسكت الحب حقها
نوره بخوف تخبت ورا ظهر بهاج ونطقت بخوف : بهاج غير البيت فيه جني مابغى اعيش فيه
بهاج التفت عليها وضحك
نجلاء واقفه جنب رائد وماسكه يده وتكابر ماكأنها خايفه
وصيته رفعت القميص على خصرها بتصارع الحرامي وزيد فخور بصيته
بهاج ورائد وزيد تقدمو بفضول والبنات حضنو بعض بخوف وصيته تهديهم انها بتطرح الحرامي
بهاج عقد حواجبه : من يجي بيتي هالحزه؟
رائد : يمكن قطو ؟
زيد : قطو يتحرك كذا ؟
بهاج : اش اسكتو
وتقدمو العيال وبهاج بما انه لواء ويعرف كيف يداهم المكان وطلب من العيال يوقفون عند الباب وفعلاً نفذو طلبه
ودخل بهاج وشاف انسان لابس اسود بأسود يفتش بالمستودع !
بهاج : يالطيب
الحرامي التفت بخوف
بهاج تقدم بيكتف بس الحرامي طلع من المستودع وبهاج يركض وراه والبنان شافو الرجال صرخو بخوفف
نوره بصراخ : جني جني
نجلاء : حرامييي
الحرامي اتجهه للباب بس شاف رائد وزيد ووراه بهاج
بهاج ضحك : حرامي غبي درج
الحرامي التفت وشاف البنات واتجهه لهم وسحب نوره وحاوط رقبتها
بهاج تقدم : والله ماتتركها اني مااتركك
الحرمي : اتركوني اتركها
نوره ببكى : بهاج الجني مسكني
بهاج : نوره لاتخافين
بهاج التفت لرائد واشر له بمعنى " قدم بلاغ " وفهم عليه رائد وبلغ بدون لحد يلاحظ
زيد سحب البنات وخباهم
بهاج : تدري انت من تتكلم معه ! مع اللواء بهاج!
الحرامي جمدت ملامحه بخوف وهو يعرف من اللواء بهاج ومعروف بين العصابه ان اللواء بهاج يشكل خطر عليهم
نوره ببكى : افف يالجني يدك ثقيله فك رقبتي
الحرامي حس ماله هيبيه وهمس : انا مجرم مجرم
نوره ببكى : افف جني مجرم بهاج تعال اهبده
بهاج تحمس : اجيك وربي اذا هاذا طلبك بس ؟ جيت
تقدم بهاج و
الحرامي : اقلتلها ترى
بهاج وقف مكانه ويدور فرصه ينقذ نوره فيها ! والتفت الحرامي وبلحظه بهاج تقدم واخذ السكين من يده ورماها ودف نوره بخفه عشان ماتطيح
وصرخ : زيدد خذ نوره
وطرح الحرامي وزيد تقدم وسحب نوره وحطها مع البنات ونوره منهاره خوف تحسبه جني وتقدم رائد يعاون بهاج وبهاج تذكر خوف نوره منه وسطر الحرامي تسطير ورائد يتذكر انه خوف نجلاء وسطره مع بهاج وربطوه ونزلو على جيه الشرطه
بهاج ضحك : حرامي فاشل حاول تنتبه بالمرات الجايه تجي بيت من
الحرامي كشر
زيد دف الحرامي وجت الشرطه وشالته
والتفت بهاج وطاحت عينه على نوره الي جالسه على الكرسي ويدينها على وجهها وتبكي
ونجلاء وصيته عندها يواسونها ويعرفون ان الي حصل لها مو شي خفيف سكين بحلقها مو شي بسيط ! بأي لحظه تنتهي حياتها وحياه النونو
تقدم لها ونزل على ركبه ورفع وجهها : عادك خايفه ؟
نوره بدموع : خفت على النونو
بهاج حضنها ويمسح على شعرها ويسمي عليها لين هدت وتجمعو بالحوش ويضحكون على اشكالهم ونوره واستيعابها
جتهم ام سحاب قايمه من النوم معصبه : بسم الله الرحمن الرحيم هالبيت مابه بركه ماارقد به زين الناس الي به مزعجين ابك انتم ماترقدون ؟ ماتهجدون ؟ اهجدو لعنبوكم ازعجتونا وازعجتو اقصى جار ابك انتم اذيه يالكلاب المجمع من اكبركم زيد الثور لاصغركم البريعصي نجلاء
نجلاء مسكت قلبها : اهخخ وصل حرجك
بهاج : يخالني اسمعي تبررينا
ام سحاب : مابي اسمع منك حرف يهالسربوت ابك انت ابو ابو بتخرب بنتي معك
بهاج : ياخالتي والله اني اب صالح
رائد بضحكه : صالح ولا محمد هههههههههه
نجلاء ضحكت : حلوه حلوه ههههههه
ام سحاب : هالحين يازيد نمشي للديره برقد زي الاوادم
نوره تقدمت : جديده وين الساعه ١٢ اليل خطر عليكم
ام سحاب : الخطر والله رقدتي عندكم انتي وازعاجتس
نوره : سمي
بهاج : خلاص بكرا روحو وبروح معكم
ام سحاب : لا انثبر لاتجلطني انت وسواقتك واغانيك
بهاج : سمي
زيد : اجل دقيقه البس ثوبي واجيكم القاكم بالسياره
صيته : تمام
وراح زيد يبدل ملابسه ونوره وبهاج يحاولون بام سحاب ورائد اخذ نجلاء ورجعها لبيتها من شاف انها مشاكل عايله
وجاء زيد وام سحاب رافضه تجلس الا لتمشي والساعه ١٢ الليل !
وركبت ام سحاب وصيته وزيد السياره وحركو
ونوره تدمع تكرهه لحظه الوداع وبهاج يضحك عليها
نوره التفت له : لاتضحك
بهاج : ابشري
ومثل انه يبكي ونوره ماتت ضحك على تمثيله
بهاج يقلد صوت نوره : لا تضحك
نوره : تكفىى بموت ضحك هههههههههه
وراحو يبدلون ملابسم المليانه ماء ونامو

_________________
انتهى البارت ♡
رضيت بالله ربًا وبالإسلام دينًا وبمحمد ﷺ رسولًا ونبيًا)، ♡
حسابي تيك توك :Ot348285
*اعتذر عن الاخطاء الاملائيه*
النجمه تدعم الروايه✨

وحشتونيييي😔🤏🏻
اعتذر للي مارديت عليهم معليش والله ماعندي وقت انشغلت ومو من عوايدي مأرد عليكن انا ارد على الجميع 😔
لكم بارت ثاني تعويض😉