_________________
( عـنـد بـاب بـيـت بـهـاج )
طلعت نجلاء من عندهم واخلاقها قافله وفتحت الباب ونطقت بعصبيه : نعم ؟
رائد نزل نظارته الشمسيه وعقد حواجبه : الاستاذه نجلاء ؟
نجلاء تخصرت بنفاذ صبر : وش تبي ؟
زيد حس بغيره : وش تسوين هناا!
نجلاء كشرت وجهها وسكرت الباب بس رائد حط رجله يمنعها من تسكير الباب ودخل ومسك عضدها : وش تسوين ببيت رجال ماهو محرم لك ؟!
نجلاء نفضت يدها : وجعع وش تفكيرك ؟ وش بسوي ببهاج يعني ؟ تراه اخويي متربيه معه ! وعنده زوجته وميت عليها
رائد : ماعندنا بنات يجبسون ببيت ناس
نجلاء تخصرت : ومن انت؟!
رائد: ولد خالك يالمصيونه !
نجلاء : واذا ولد خالي ؟! اقول لاتصدق نفسك وبهاج بحسبه اخوي
رائد بحده : لاتستفزينيي
نجلاء تكتفت : واذا استفزيتك؟ طيب ؟
رائد : امشي برجعك لبيت ابوك
نجلاء رفعت حواجبها : وش تخربط انت ؟ صدقت نفسك عاد امسي بس
رائد تنهد : طيب يانجلاء تغطي عنه
اتسعت عيون نجلاء بصدمه ونطقت : وجع ماتغطيت عنك عشان اتغطى عنه !
رائد : لا انا غير
نجلاء تخصرت : الله اكبر عاد وليه انت غير؟ ليكون ولي امري يالاستاذ رائد
رائد : لاتحديني انثر العفش
نجلاء ناظرته من فوق لتحه وخزته ونطقت: نثرت ولا مانثرت ماهي بفارقه معي وانت وش تبي جاي اساسا؟
رائد : ابي بهاج
نجلاء : تمام بروح اناديه انتظر هنا !
رائد : لا انا اتصل خليك
كشرت وجهها وخزته وراحت
رائد تكى على الباب وضحك بخفه من مكابرها عنه والحب طالع من عيونها
دخلت نجلاء ونطقت : رائد ينتظرك برى
بهاج التفت لنوره وغمز بمعنى "تهقين تفاهمو؟"
نوره ضحك وهزت راسها بمعنى "ايي"
قام بهاج وهو يضحك وراح ونجلاء نظراتها على بهاج الي شاكه ان هو الي مدبر كل شي والتفت لنوره : وش مدبر رجلك؟
نوره بجحده : مادبر شي المسكين تجيهه التهايم وهو راقد
نجلاء ناظرت الباب : اشك بوضعك انتي وياه
نوره : ايي قولي لي كحلتي عيونك فيه ؟
نجلاء التفت عليها بصدمه : بنت! وش هالكلام ؟
نوره ضحكت : ايي واضح واضح
نجلاء سكتت وجلست وسحبت القهوه متجاهله نظرات نوره الي وترتها
نوره : نجول امانه وش صارر
نجلاء : تهاوشنا كلعاده
نوره : افاا
نجلاء : ايي يبيني اتغطى
نوره ضحكت : يايوليي يالغيره تطلع من عيونه هههههههههه
نجلاء : اقول انا كارهه عايله الـ عبدالرحمن ومابي اتزوج منهم لارائد ولاغيره
نوره : علامك قلبتي على خوالك؟
نجلاء : مامنهم رجا ، كلهم عصبيتهم وحده وغيرتهم وحده وحنا الي ناكلها
نوره : اوافقك الراي بالعصبيه والغيره المبالغ فيها !
جاهلين بهاج ورائد الي واقفين ورا الباب يسمعون سوالفهم !
بهاج التفت على رائد وهمس : جحدونا !
رائد : والله اني داري
نجلاء : ويجيك الواحد غاز خشمه ويتكبر !
نوره شبكت معها بالموضوع :اييي
نجلاء : بنت انتي قلبتي على رجلك علامك عليه ؟
نوره : بزعل عليه زعلني قبل ٧ شهور
بهاج رفع حواجبه بصدمه : احح توجع
رائد : يالله داخلن عليك، بعير ماتنسى
نجلاء ضحكت : معك حق ازعلي خذي راحتك
رائد : المحرض الاكبر نجلاء ابو سالم
بهاج : الله يفكنا شر تحريضها
نوره : بزعل عليه واروح للديره خلاص بصير ثقيله مو كلمه تجيب راسي !
نجلاء تصفق لها بتعزيز : كفوو اي هاذي نوارتنا الثقيله
نوره : يلا هالحين اتصل على خالي زيد واروح واترك له البيت مع بنته
نجلاء : ايي هو ورعك اوت اوت ورائد اوت معهم
نوره هزت راسها بموافقه الراي
نجلاء : السرابيت زيد وصيته وينهم؟
نوره غمزت : القلوب عند بعضها
نجلاء بضحكه : اهاا هههههههههه
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
Part 67
Start from the beginning
