ضحايا داعش

الرَابِع عَشْر

_ ج جل جلنارررر، صارت كدامي ووجهه اشوف مشوش صاحت بيه تحاجيني بس بعد انه سلمت الروح لربها ووكعت.

_______

سمعت صوت فرقان يصيح اسمي بضعف طلعت من مكاني راكضه عليه دحكتو ممدود ع الارض ودمو يجري ركضت علي مفجوعه من المنظر شلت راسو خليتو بحضني واحاجي.

جلنار : فرقان فررررقان- اضررب بوجهو- فرقان عدحاجيك جاوبني شنو هاي حالتك فرررقان قبانو كووم ، بدت عيوني تغورك بدموعها الحاره علي ياربي بس لاراح اخسرو هو هم سحلتو من ايدو ماكدرتلو ثقيل كلشش بكوه وصلت للصاله مددتو بالكاع وتلمست وجهو غادي ناررررر كلشش.

_ سترك يارربي هالولد عيموت هينا من الحرارة، ركضت للمطبخ المكلوب كلاب اوخر بالخراب من كدامي حتى اوصل للسنك فتحت الحنفيه واجاني مي قليل اخذتو بجدر لكيتو ع سنك متروك ورجعت بي يم فرقان فتحت هنادمو العسكري من كدام شويه وبديت ارش علي مي لعلو يصحى من برودتو، شويه وصار يتحرك وصرخت متوجع من رجلو سوده عليه.

جلنار : فراقدد خيووو حاجيني أجالك ليش هيج حالتك قبانو حاجيني عموت من خوفي عليك، احجي وعيوني مدمعه علي حالتو تكسر بكلبي كسر متوجع حيل ومابيدي اسويلو شي واحنا بنص هالخرابه هاي.

فرقان: جل جلنورر ره بنيتي، نطقتها بوهن وتعب قوي لزمت ايدو اطبطب عليها.

جلنار: فراقد اني هينا يمك دحكني يمك والله لاتخاف اني يمك اسم الله والقران عليك سوده عليه شصاير بيك .

فرقان : اااااخ رجليي ولج يمه اااخخ نعلعله يومي ع هالالم هذااا.

جلنار: اووووف شأسويلك وترتاح والله ماتحمل ادحكك هيج متوججع.

فرقان : نطيني شي اشد بي رجلي بسرعه، طفرت من مكاني ع شي قماشه ضليت اكلب بالاغراض الواكعه ولكيت وصله جريتها حيل من جوه الاغراض ورجعت بيها ألو.

_ هاكك لكيت هاي تفيدك ؟

فرقان: اريد شي بس كون ألف الجرح لايلتهب عليه تعالي لفيها ع الجرح زين وضبيها حيلللل بكل قوتج ضبي الوصله فتهمتي.

جلنار: ماشي ماشي، اخذت الوصله وبلشت الفها ع الجرح ع كيف وهو نتر بيه شدي حيللل بس ماينطيني كلبي لان ادحكو متوجع اوووف شديتها حيل ورجعت يمو امسح كصتو بالمي اخفف من حرارتو ضل متمدد مغمض عينو ويتنفس بصعوبه وبألم بقينا هيج لفترة طويله فجاة ندهلي.

فرقان: جلنار بنيتي_ بصوت ناصي_

جلنار: ها فرقان اسمعك محتاج شي متأذي؟

فرقان: بنيتي تلكين اجهزه بجيبي انطينياهن.

جلنار: تمام ايي هذذولي لكيتهم تفضل.

فرقان: شكرا حبيبتي وتعالي تمددي ارتاحي شوفي وجهج شصاير بي من التعب.

جلنار: صح مو وكتو بس كلش جوعانه معدتي عدتأذيني من الجوع وكليتي هم تنغز بيه من قلة المي.

فرقان : ان شاء الله حتفرج ماضل شي اصبري بنيتي وبعون الله نطلع منا.

جلنار: ان شاء الله، تمددت يمو.
فرقان أجالك ليش هيج رجلك شصار وياك داعشي ضربك؟؟؟

فرقان: ااااخ يجلنار حظي هذا المبخوت جاي امشي ببستان واصحابه مخلي مصيده بكاع جبيره وتعال يفرقان دوس عليها وماحسلج ع غير بحديده نغرزت ببطن جف رجلي شاغت روحي لسمه ونركعت ونوب فوكها وانه راجع لهنا يترصدني داعشي وبالربع ساعه رمي انه وياه ابن القنادر كتلته اخر شي واجيت وصللت للباب وفقدت الوعي بعد فد مره مادريت شصار.

جلنار: اووووف سوده عليه فراققققدد بيه ولابيك وكمت ابجي.

فرقان: ولللج لااا عليمن هالبجي يابويه والله مابيه شي عادي متعودين بنيتي هذني كرزات عدنا هسه شويه واصير احسن وكلشي مابيه جني حصان شرطه وداعتج، كرصت خشمها.

جلنار: بس _شهكه_ انت عددتوجع ادري بيك والله.

فرقان: طبعا بنيتي اتوجع بس هسه اطيب ويروح الوجع اششش اسكتي يلا كافيي بجي كافي عيونج حتنعمي من الدموع نهار كله تبجين شجاج يابنيتي شجاج،مسحت دموعها وكفشته شعرها اضوجها.

جلنار: لاااا شعرييي لاتخربه حيدر سواه اليييي.

فرقان : هلو هلووو حيدر كوافيره فلايستقر صاير يظفر شعر الافندي من وراي مادري بي والله.

جلنار : ها شنو غرت منييي؟

فرقان: ههههههه غرت مني غرت منيي، اقلد صوتها
ديلا نامي ارتاحي عوفي الهرمله ع صفحه ونامي بسرعه لابسطج.

جلنار: خاف اني ابسطك ع حالتك هاي ماتكدر تشيل ايدك.

فرقان : اي والله هم صدك يلا يلا كافي حجي نامي تصبحين ع خير بنيتي.

جلنار: وانت من اهلو فراقد.

فرقان_ خليت ايدي جوه راسي وعيني ع سكف صافن وافكر بوضعنا هسه والولد شصار بيهم ووين هم هسه باوعت لجلنار غافيه طلعت جهاز الداعشي وكتبت رقم حيدر بي، ياربي هاي اخر فرصه النا حتى نعيش واسلم هالامانه هاي لراعيها ياربي يجاوب عليه يارب.

رن رن رن.....

   بعد يومين

صافنه وعيني ترسم اشكال ع الارض وفجاه اجاني صوت من وراي.

_ هااا ابني.......

        _______________________________

وانتهى هالبارت

شنو رايكم بي ؟

مقتطفات عجبتكم ؟