الجزء4
هدى\هلو نور حبيبتي طبعا مستغربه اني مااحجي وياها شنو هل سلام الحار المهم
كتلهم جبتلكم كيكه لان جنت مطلوبه نذر لشغله والحمد الله صارت طبعا اني نور كل هل تخطيط علمود ارجع علاقتي بهدى
كصيت قطعه جبيره ولداوي حبيبتي كالت شكرا حبيبتي نور كتلهه انسي الراح حبيبتي احنه باجر عكبه ميتين وضحكنه
اجيت وره شويه كتلهه هدى ممكن سؤال كالت اي نور اسئلي
كتلهه هذا النقيب الي باب الدائره شو ذابح روحه عليج بس يباوع هدى كالت صدك كتلهه غير يوميه من تطلعين فاك عينه عليج ومرات يمشي وراج
هدى كالت صدك ممنتبهه كتلهه وج غير شاب يجنن كافي ضابط وكافي جسمه يجنن
هدى كالت والله ماادري بس اني مزوجه يدري بيه كتلهه واذا مزوجه اصلا بعدج طفله هدى صفنت كامت تفكر كالت مااعرف ممنتبه
كتلهه اليوم من ننزل شوفي شون راح ينتظرج
صدك قبل لاننزل بربع ساعه دزيت رساله لعلاء كتله حبيبي راح ننزل انتضر هدى وباوع عليهه اريدهه تحس بيك
رجعلي رساله اوك ماشي حبيبتي نزلنه شفت علاء واكف عللا باب سياره الشرطه مرتجي لابس نظاره منزلهه ويباوع على هدى اني متت من الغيره بس لازم اتحمل
كتلهه هدى شوفي وج راح يموت هيه ضحكت كالت عزززززززا واني ممنتبهه كتلهه هنيالج شوفي يجنن
>>>>>>>>>>>>>>>>>
هدى كالت عزه وج والله ولا منتبهه اني كتلهه هدى كافي اشششش لاتبينيله خاف يكول هاي هيه تريدني المهم طلعنه اني وهدى علاء ذب حجايه كال دمرتيني ام شال الاسود يقصد هدى جانت لابسه شال اسود المهم هيه اخذت سياره واني توني اريد اخذ تكسي اجاني عصاام زوجي هوه واطفالي بسيارته عززززه هذا شجابه همزين ماطالعه ويه علاء جان ذبحني
المهم صعدت بالسياره بوست اطفالي كال ها شلونج يحجي معلك هوه ابو الراهي عود اليوم يم اهلج نروح مشتاقلهم كتله اوك ماشش
صدك رحنه بيت اهلي سلمت عليهم كعدت لكيت اخويه اسامه كاعد عل حاسبه
كتله اسامه حباب بقيت اني الوحيده بالعراق ماعندي حساب فيس سويلي واحد
كال ماشي ادللي صدك سوالي حساب اخذ جهازي نوت3 جان نوعيته كنكل بي دخل الحساب كال شسمي الج كتله سمي ثار الخيانه جان عصام يباوعلي خزر اني دنكت
اخذت الحساب طبيت علمني اسامه على ارسال طلبات على الحضر على المراسله على النشر
طبعا اخذت الجهاز رحت بغرفه زوجه اخويه بسرعه خابرت علاء كتله حبيبي شلونك سويت فيس شسم حسابك بسرعه تره مستعجله
كال حبيبتي اسمه شموخ رجل حاط صورتي الشخصيه او اذا مطلع حطي رقمي الاسيا راح يطلعلج حسابي كتله اوك باي حبيبي وسديته
صدك حطيت الرقم طلع شموخ رجل علاء حبيبي طلعت صوره اباوع عليه ابوس بي اكو صوره ماخذهه هوه وجماعته بالشمال يم الشلالات لابس بيهه برموده وفانيله
جسمه مشعر وعضلات حضنت الموبايل تمنيته يتحول علاء بهل اثناء دخلت مرة اخويه كالت هااشبيج نوور
جفلت ااااااوف شون جنت بحضن دافي كتلهه لا لا حبيبتي اسو اسمهه اسو مابيه شي بس تعبانه اسراء كالت ياله صبينه غده
رحت تغديت وغديت اطفالي جان يدك جهازي عصام كال منو كتله ماادري رقم غريب كال جيبي اخذه فتح خط كال هاي بنيه
عصام الو منو انته كالتله عيني اني هدى صديقت مرتك جان عصام صااار اصفر كال هاي هاي هاي هدى كتله هاا همزين عرفتهه جان يغلس
اخذت الجهاز الو حبيبتي هداوي جان عصام يباوع عليه صار احمر يكول بينه وبين روحه نور الي تكره هدى صارت حبيبتهه ليش
المهم ها هدى حبيبتي خير شكوو كالت نور احجيلج الصراحه كتلهه خير ولج شكو كالت هذا علاء دوخني معقوله يحبني واني مااعرف
كتلهه انتي ثوله يلا باجر نحجي هسه مااكدر كلهم يمي هدى كالت نور كتلهه ها هدى حبي كالت شو كمت احبه اموت عليه اني بيني وبين روحي كتلهه حبتج حيه
أنت تقرأ
خيانة الزوجية
ChickLitقصة عراقية حقيقية ليس من الخيال احداثها تتكلم عن الخيانة الزوجية اتمنا تنال اعجابكم....... اطلب منكم تفاعل و متابعة للحساب الناشر سلام العراقي
