ألـهيصَم "خطوط سوداءَ "
الكاتبه::- banen ahmad
شوكت يندك علينا ويضحك الباب
ويترس بيتنا وصوتك يسرنا
وترد انت ويجني الراحن وياك
وتجيبة وياك يالماخذ عمرنا
- جبار رشيد........
----------------------------------
- بأسم الله الرحمان الرحيم 🤍🤍.
---------
تقرب عليه علي وحجه بصوت ناصي بس اني اسمعه
- هاي جانت خطيبت ذيب وتموت عليه
هوه حجاها باوعتلهه أشوفهه تتبسم درت عيني على ذيب أشوفه يباوعلهه علي ضل يضحك
غمضت عيني واخذت نفس عميق وخليت أيدي على بطني وسويت نفسي اتوجع
- اخخ يمه
باوعلي ذيب وحجه
- تتوجعين؟ ماخذه الدوه؟
باوعتله وعلى وجهي علامات الوجع وحجيت
- لا مابيه شي
حجيتهه بخنكه حجت حور من يمهه
- اخذهه حتى ترتاح لان تعبت من الطريق
باوعلهه ذيب وهز راسه وكام على حيله وحجت البنيه
- شصير منك؟
اندار عليه ذيب وحجه
- مرتي
حجاهه ومدلي أيده سندت نفسي وكمت ويا مشينه يم الدرج وهيه ابتسامتهه اختفت من وجهه صعدنه وصلنه للغرفه نترت أيد ذيب وفتحت الباب ودخلت
مشيتي صايره مثل مشيت البطريق اروح يمنه ويسره دخلت وهوه دخل وعاكد حواجبه
ذيب - شبيج؟
أيڤانا - شفتهه متغيغه مو مثل قبل صايغه احلا وأجمل وعيونهه صايغات حلوات ومتندم لان طلگته وتغيد تغجع تخطبهه؟؟
- شني بربوك ركبج جني؟
اتنفس بسرعه وابجي
أيڤانا - ذيببببب ليش ماكايلي من قبل انتَ جنت خاطب ومطلك؟
باوعلي وهز ايده
- ماخاطبهه بس راحت دعشه شافتهه وانا جنت شبهه مقنتع
- وهسه مقتنع وتغيد تغجع تخطبهه
- غير متزوجج شلون ارجع اخطبهه؟
- ذيبببببببببب انتَ ماشفت نفسك شلون صفنت عليههه من دخلنه
YOU ARE READING
الـهيصَم " خطوط سوداءَ "
Randomقصه حقيقيه :: بقلم رحيق الـعلي . شفتها وهيه ذبت عليه الزيت الچان على الطباخ ذبته على صدره اول مره اشوفه هيج متوجع شكد اتمنيتها موهيج ويا بس مع الاسف حطمت كُل طفولته وچان الثمن غالي؟؟
