لمستنا الاولى(باللهجة الجزائرية)

1 الشخصيات

المهم البنات مش رايحة نحط لي فوطو تاع الشخصيات نحس هاك خير ❤️

خلوني نعرفكم قبل على الشخصيات تاع الكرونيك :
خالد: عمرو 29 سنة ضابط في الشرطة تقريبا عندو 5 سنين وفي هاد ال5 سنين مكانش قضية جاتو ومحلهاش اسمو في كل محضر يحضر وسيرتو على كل لسان توفى والديه كي كان كان صغير ورباتو عمتو الكبيرة هو وختو سيليا
جاي طويل بزااف طويل عندو كور هايل لي تشوفو تدوخ صح بزاااف شبابب وعندو وحد الكاريزماا انورمال

ليلى :طفلة شابة صغيرة عندها 19 سنة عايشة حياتها نورمال مع عمها وخالتها(عمها وخالتها متزوجين) من نهار تطلقو والديها كل واحد وين راح وخلاوها عند عمها لي دارها اكثر من بنتو وطول يشوفها امانة خوه لضك معلابلهمش وين راه!! تقرا بيولوجيا عامها الدوزيام في الجامعة
بيضا ماهي طويلة ماهي قصيرة نص نص شعرها شاتا (دايرا الخيمار)حلوة ومسرارة جسمها ماشاء الله متناسق وجاي شغل كيوت

سيليا: خت خالد الصغيرة عندها 20 سنة انسانة بزاف هايلة وبزاف متفهمة عايشة عند خوها ومرات تروح عند عمتها بحكم هي لي رباتها بقالها عام وتكمل قرايتها مام هي تقرا بيولوجيا
بيضا قصيرة وشاابة يايما وش نقول ووش نخلي تهبل الله يبارك مش دايرا خيمار (الله يهديها)

سامي :صاحب خالد الروح بالروح مام هو ضابط في الشرطة عندو 28 سنة مالقري اكبر منو بصح يتفاهمو بزااف سامي كان يعيش مع يماه لي انسانة بزاف هايلة وكي تطلقت ختو بقات معاها في ولايتها وهو رجع لويلايتو ،عقليتو شوي صعيبة من ناحية الغيرة، يتقلق بالخف مام خالد كيما هو فولة وتقسمت على زوج
الطول تقريبا هو وخالد كيف كيف مام في الكور بزااف شااب يايما العزيزة وهيبتو طاغية

____________
.
.
سلام البنات كي راكم؟!
المهم ذا اول كرو نكتبو😂 متحمسة وعارفة رايحة نحبس بصح ان شاء الله اذا لقيت تفاعل مانحبسش نتمنى منكم حاجة اذا كشما جاتكم افكار ولا مشاهد في راسكم ماتبخلونيش مدوهالي🤭💋
اذا كتب ربي من غدوة نبدا نحط وموعد التنزيل مزال ماحددت

بالنسبة لسامي وسيليا مزاااال حكايتهم ماتبان🤭🤫