يا فاتنة الرُوح، رُدي لي رُوحي

Part : 8

استقام و باس راسها و طلع من الغرفه؛ مابي ازعجك اكثر ارتاحي الحين ، تصبحين على خير يـ رُوح عبدالله.

و اغلق الباب بعد ما خرج من الغرفة ، و بدأت رحلة التفكير اللامُتناهية و الصعبة بالنسبة لـ فاتن.

بعد خروج عبدالله من عند فاتن توجه لـ تحت ، تنحنح يُعلن عن حضوره ، و سمع صوت الجد وهو يسمح له بالدخول.

عبدالله؛ السلام عليكم.

الجد عبدالعزيز؛ وعليكم السلام ورحمة الله وبركاته.

و ردوا الباقي بالسلام ، و توجه عند جده؛ يبه.

الجد عبدالعزيز؛ امر ي عيون ابوك.

مسك يد الجد يمسح عليها: ما يامر عليك ظالم ، بتكلم لك عن الي قلته و ياليت الكل يسمع.

الجد؛ كلنا نسمع لك تكلم.

تنهد عبدالله من الحمل الي عليه؛ بالنسبة للخطبه و الملكة ياليت ماتستعجل و تاخذ بـ راي البنات قبل كل شيء ، توهم البنات صغار ما خلصوا دراستهم و موافقتهم مُهمه بالاخير هذا زواج ماهو اي كلام و شيء بسيط .. و بنت عمتي علياء على عيني و راسي بس موافقته قبل كل شيء و نفس الشيء لـ فاتن ، صح ان عُدي رجال و ما ينقصه شيء بس موافقة فاتن قبل كل شيء.