يا فاتنة الرُوح، رُدي لي رُوحي

Part : 7

تنهد بـ تعب؛ يا عبدالله لـ مصلحكم ولله لـ مصلحتكم و ماني بـ جابركم على شيء.

لف انظارة لـ عُدي؛ اسف ي عُدي اختي مِهب ..

ما كمل كلامه من نظق عُدي؛ ماله داعي تعتذر، معذور معذور و اكيد البنت انصدمت من كلام الجد انت شف وضعها و عطنا الاكيد.

تنهد؛ يصير خير و الحين اعذرونا.

طلع من الجلسه و البيت كله بـ كبره و يده محكمه على يد فاتن.

فاتن؛ عبدالله .. شوي شوي خلعت يدي.

وقف و ركب السياره بدون ما ينطق بـ اي حرف و ركبت جنبه و لفت له؛ عبدالله وشبلاك؟ .. لي ساعه اتكلم معك و سافهني.

زفر يهدي نفسه و لف لها؛ اسمعي ياروح اخوتس انتِ، انا ماراح اتزوج نوف و مالي بالزواج درب، و انتِ السؤال لك راضيه بـ عُدي؟..

ما نطقت بـ اي حرف تنتظره يكمل كلامه.

عبدالله؛ ولله ان عُدي رجال يشهد على افعاله الكل و طيب و يبي يحطه على عينه و راسه و انا اعرفه.

هزت راسها بـ رفض و من جت تتكلم قاطعها يكمل كلامه؛ استخيري قبل ترفضين ماراح تخسرين شي.

تغورت عيناها بالدموع تحاول عدم البكاء لكن .. اكمل كلامه وهو يعتصر كفوفها بـ رفق؛ يشهد الله علي ان كل هذا خوفن عليتس و حبن لتس، ماراح ابقى لتس طول العمر .. لقدر الله و صار شي مابيتس تصيرين بدون سند ابي تصيرين عند رجل يحميتس و يحطتس بـ عيونه و تصيرين قلبه و روحه و يخاف عليتس اكثر من نفسه .. تنهد بـ تعب و عارف انها مهب متقبله كلامه بس كله علشانها، ماوده يجبرها عليه يبيها توافق برضى تام و راحه و تصير سعيدة نفس اي بنت ثانيه.