هــي الــتـي عـلـمـتـنـي كــيــف اعــشــقــهــا

Part 64

_________________________
(قـبال بـحـر لـنـدن )
امام بحر لندن المظلم والممطر هناك شخص يدخن ومعصب
نفث بهاج الدخان وتنهد بضيق : تمام نقول انها مخبيه موضوع الحمل ماقلت شي لان وقتها بيننا مشاكل اما مسأله بتزوج ولد عمي حمدان وانسب الورع له وهو ولدي؟ افف يانوره كود تخربين ليتك ساكته ولاضيقتي خاطريي ماش ماعرفتها نوره مستحيل تحرم ولد من ابوه خصوصاً انها مجربه حرمان الاب كيف تسوييي كذاا كيفف !
تنهد بضيق وجلس على الكراسي وحط يدينه على وجهه مو مستوعب ان نوره كان في احتمال تحرم بهاج من ولده !
من جهه اخرى .....
نوره تمشي بالشوارع ضامه نفسها من البرد والخوف من الاشكال الناس السكرانين والمشردين ونظراتهم خوفتها وتمشى بخوف وتتصل على بهاج بس مايرد
دار ببالها انه رجع لـ السعوديه وتركها !
تنهدت بخوف ويدينها ترجف من البرد وقالت ودموعها على خدها : بهيج وينك بهيج ماتوقعت انك تتركني بفندق لحالي بدوله اجنبيه وتدري اني ماعرف فيها شي ليش تتركني
وقفت تتلفت يمين يسار والبكاء ضيعها ضاعت بالمكان وبدت تبكي بخوف
وترسل لـ بهاج : وينك! ورع خوفتني خلاص ادري اني غلطانه ارجع لاتصير بزر وتطلع وتتركني !
شافت ان الرساله ماوصلت جوال بهاج تنهد بضيق وبدت تمشي على هواها وتتمنى ان بهاج يطلع لها من تحت الارض
مسحت بطنها الي حتى ماهو بارز : ماما الحين حنا نلعب غميضه ندور بابا بهاج
حطت يدينها على وجهها وبكت وهي تمشي جاهله انها تعدت بهاج ولا شافته
بهاج رفع راسه على بنت تمسح على بطنها وكأنه ميز الصوت وضيق عيونه يحاول يميز الملامح بس البنت غطت وجهها بيدينها وتعدته !
بهاج عقد حواجبه : نوره ؟
نوره لفت على صوت يناديها وشافت بهاج واول ماشافته ابتسمت واتجهه له وحضنته
بهاج من صدمته مابادلها !
نوره ببكى : ليش تتركني وانا حامل بولدك ليش وانا ام عيالك ليش تطلع وانت تدري اذا طلعت وانت معصب تفقد السيطره على نفسك ليش ماخليتنا نتفاهم لاتطلع وانت معصبب عادي نتهاوش نحارش بعض نضحك نلعب نتضارب عاديي بس لاتطلع !
بهاج كلام نوره لامس قلبه وحس ان هو بعد غلطان المفروض يتفاهمون مايتركها
ورمى الدخان وضمها ويمسح على شعرها !
نوره تبكي وحاضنته وبهاج ندمان وحاضنها ومانطق بحرف !
نوره بدموع وغصه: اسفه حتى انا بنفسي ماتوقعت اني ممكن يوم من الايام افكر احرم اب من عياله وانا مجربه شعور حرمان الاب وجربت ضياع الطفل بدون اب وام جربتت كيف يمكنن اسويي كذاا مستحيلل اكيد الشيطان لعب بأفكاري اففف
بهاج شد عليها وشوي وتدخل بضلوعه : ياعيوني انتي كلنا نخطي ونتعلم من اخطائنا وخلاص هاذا ماضي وحنا قررنا وعاهدنا بعض ان مافي شي يمكن يزعلنا ومابيننا رسميات واعتذارت وادري اني غلطان اني ماسمعت تبريرك وطلعت من عندك وخليتك تخافين علي وتمشين بالبرد واليل والخطر عليك وخصوصاً انك حامل روحك وروح ببطنك لاتطلعين مهما صار انتبهي ولاتتوقعين اني يوم من الايام بتركك على سبب تافه وبلد اجنبي ماتعرفينه انا ولد مطلق ماخلي احد وراي واتمنى ماتخبين شي عني ثاني مرهه واوعديني ماتخبين عني شي واذا عندك شي مخبيته من زمان قوليه لاني مردي بعرفه قوليه الحين عشان مايصير شي بالمستقبل واتمنى يانورتي ان هاذي اخر مشكله نوصل لها اتمنى
نوره رفعت راسها من صدر بهاج وتناظرعيون بهاج وتنهدت بفرحه ودموع : بهيج انت عوض من ربي عوضتني عن اشياء كثير كنت فاقدتها وعلمتني اشياء كنت جاهلتها وياروحيي مافي شي اخبيه غير هاذا ووعد مااخبي شي عنك وانت اوعدني ماتطلع وانت معصب !
بهاج: وعد
نوره ابتسمت ودفنت راسها بصدره وبهاج جلس بالكرسي وجلست جنبه نوره بهاج بعد نوره عنه : ثوانيي
نوره : تمام
بهاج فصخ جاكيته وحطه على كتوف نوره وسكر السحاب عليها : لاتفصخينه شلت عيونك
وجلس
نوره : برد عليك !
بهاج: متعود انا لواء
نوره حطت راسها على كتف بهاج وبهاج حط يده على خصرها
وكلهم يناظرون البحر العميق بس علاقتهم اعمق من البحر
كل الطرفين يحسون بغرابه بعلاقتهم يومين يتهاوشون ويوم يتراضون ويتهاوشون ويدعون على الكاتبه ماخلتهم يتهنون بحياتهم
نوره قررت تقطع الصمت الي بينهم : بهيج تدري باقي على شهر على رمضان وحنا لسى بالشتاء !
بهاج : ياسرع الايام ! لا اذا جاء رمضان يعتدل الجو يصير ربيع كذا لابرد ولا حر
نوره : مابغى يجي العيد وبطني كبير
بهاج حط يده على بطن نوره : تستهبلين ؟ حتى وانتي بالاسبوع الثالث مو طالع شي ولاهو بارز يعني اظن مايوضح البطن الا من الشهر الخامس وورا
نوره : الدكتور بهاج وش عرفك ؟
بهاج: اتذكر امي وعمتي
نوره : ماشاء الله