The President Secret

Chapter 6

Harry mit chu a hma mite pathum ah ai chuan pakhat phone ken ah chuan a fu a, a thlen hma khan video in an cover a, engmah la thleng lo mahse hmeichhe tan khan buaina ani thei tih a hria, chuvang chuan phone kha atih chhiat hmasak phawt a ngai. Tihchhiat dan ngaihtuah a a tiang a vai lai chuan a phone kengtu ber chuan Harry chu a rawn pan hnai a, Harry chuan nui suk hian a duh chin a rawn thlen chuan chu pa inrin hma chuan a kut chu a na takin a vua a, a tum ang ngeiin a phone ken chu a thlauh nghal a, a keh nghal chhuaih a, a chhiat pawh a rinawm.

A sira ding Harry an ala hliam ve loh chuan thinrim tak hian, "I chak dawn lo hre rawh Zawnga" tiin thinrim tak hian ava pan a, a thinrim luat ah I hmai a sen tun thei hial, a thian te pahnih lai na takin a hliam tawh a, thinrim chu awm ve tak ani.

Harry bul ava thlen chuan a theih tawp in vuak leh a han tum a, mahse a thei der lo, a lo in dang emo a bum thei zel tlat a tin ni. Chupa chuan a ai chuan ava pan hnai leh a, hnungah a thian te pahnih pawn an lo chang ve ran a, Harry an vuak a tum leh lai chuan chupa chuan a tiang ken chu ava man sak a, a man velah chuan a hnunga mi pakhat zawk chuan Harry chu hnunglam atangin ava man thut a, phakhat pawn a thianpa chu a pui ve nghal a.

Harry chu a che buai ta tlat, a thir tiang ken chu mipa chuan laksak in chhuat ah chuan a paih ri ral* a, a ban leh lam leh lam ah chuan an lo manbet a, "Hun I neih lai khan kal vat tur che lom" tiin pakhat chuan a pum ah a hnek chawrh a, an hmeichhe hren pawh a rawn au nghal tuar a. A thiante bulah chuan man nghet tura hrilh in Harry hmai leh pum vel ah chuan a han hnek leh a, Harry chuan thawm chhuah miah lo chuan alo tuar a.

Hmeichhe hlauthawng thawm lo chhuah chu a bula mi chuan ngaithei lo vatin a hmaiah chuan a beng chawrh a, hmeichhia a nihna angin a dim lo hrim*, a mipatpui insual pui ang mai ani.

Harry chuan thei leh thei lo hian hian hmeichhia chu a han en a, hmeichhia chu ṭap ri ngam silo hian a mittui a tla zung* a, a beidawng mai anih chuan a chhungah thil ṭha lo tak a thleng dawn tih a hria, amah chu dam in a chhuak emo chhuak lo emo, hmeichhia saw chu dama a chhuah ngei* a ngai tih chu a in hrilh nawn tlut* a.

Chupa chuan hmeichhe kamis dar chu a pawt sawkin kamis chu a thler nghal duai a, "Khawngaih in min chhuah ru" tiin hmeichhia chu a au lawm* a, mahse tumah chuan an ngaihsak lo, a hrehawm leh thlaphang au aw te chu an beng ah chuan rimawi ang mai ani.

Harry vuan tu mi pathum te chuan an ṭhianpa in hmeichhe pawi sawilo chunga a thil tih mek chuan hmuhnawm ti takin an thlir a, an nui leh dar* hlom bawk ṭhin, chutia Harry an ngaihsak loh lai tak chu remchang ah hmangin Harry chuan an inrin loh lai chuan a bei thut a, an dinna a balu chu ṭham in hmai ah a vawm vak a, a thir tiang chu lain hmeichhe bula mipa awm chu ava vawm a, a tum ang chiah in a lu ah tak a fuh bawk.

"Rawn kal vat rawh" atih tuar a, hmeichhia pawh chuan hmanhmawh takin ṭap pur chuan Harryvlam panin a tlan a, mahse Harry ber chu a tlan ṭha thei ta tlat lo a ke lehlam ah khan an vaw hman viau ani. A lehlam lah in engmah a feel lo, mahse chuvang chuan beidawn emo hnual phah loin theihtawp chuan a tlanpui a, an hnung lawk ah midang thawm pawh a hriat theih.

An tlan reng chuan an rawn um pha dawn tih a hriat avangin Harry chuan hmeichhia chu a biruk pui a, an biruk lai chuan hmeichhia chuan Harry ban thi hnuang chu a hmu a, Harry pawn a thi tih pawh a hrelo.

An mahni um tu thawm chu a bo tial* a, rei fe an nghah hmuah chuan Harry chuan thisen a hlauh nasat vangin nikhua a hre mang tawh lo, hmeichhia zawk chu inti huaisen in kawngpui lam a a han pan a, motor rawn tlan a hmuh hmasak ber chu phar din a han tum a, mahse ding loin a tlan tlang a, a hnung a motor rawn tlan a hmuh chuan hmeichhia chu a motor hmaah chuan ava ding chawt a, ding loh theih ani lo, vanneih thlak takin an mi tawh pa chu mi fel tak ani a, an chanchin te a hrilh chuan rang takin Harry lam chu an zuk pan a.