شمة : گعدت و اني اشوف نفسي بغرفة بيضه اخر شي اجينه نگع بالمشروع و ساجر خلى نفسة جدام وجهي شهگت و صرت ابجي و اصيح اجت الممرضه
"س س س س اجر و وينه وينه"
الممرضه : الحمد لله على سلامتج و لتخافين عالمريض مابيه شي
شمه : فصخت المغذي و گمت دلتني على غرفته واني اشوفه نايم وعليه اوكسجين وراسه ملفوف و صدرا هم بقيت واگفه عالباب بالساعه ليما حسيته صار يتحرك بقوة دخل الدكتور و هدا گعد مفزوع رحت يمه اشرلي وحضني
ساجر : اسف عرضتج للخطر شمه اسف اسف يعيوني انتي اسف يا حمامتي انتي
شمه : بقى يحجي و نام على جتفي
الدكتور : بعده تحت البنج ان شاء الله ماعدكم غير العافيه
شمه : تسلم دكتور
راح وبقيت متصنمه ماريد اتحرك و يگع من ضهري شفت وجها البريء بست خده رجعته لفراشه ونومته نمت بحضنه بست خده و اديته
"ياريتك مو للكل بس الي"
رجعت غفيت گعدت على بوسات رقيقه بشعري سحبت شالي وعدلت وردت اگوم اله ايده منعتني
ساجر : خليني فرحان شويه ياوجع گلبي
شمه :
ساجر : اوف احبج اموت بيج
شمه : بعد ساعه ويروح المخدر
ساجر : احبج شمه احبج من الطفوله من عمرج 5 سنوات احبج أحبج من جيتي و بستيني لان عمامج النذلين كتلوني و عاقبكم حسين من ذاك الموقف احبج
جنت اعتبرج طفله حلوه و احبج حالج حال فرح بس بعدين تطور حبي الى حب عشق من عمرج 12 و اني عيني عليج
شمه : كافي
ساجر : احبج مايوم فارگتج اله لمن انجبر جنت اخلي الصور واتأملهن صرتي مثل اللذة التنحب و متنعاف اله نحصل عليها ولج اني حصلتج ومازلت احبج هايم مجنون بيج و بحبج ماتروحين لغيري ولا اطلگج باحلامج فهمتي بغير حضني متروحين
شمه : اندگ الباب لفيت شالي و ابتعدت عنه بس لزم بيدي قوي
فرح : ساااجر
ازهار : ساااجر
شمه : اجت فرح حضنته
راجس : سلام عليكم اخويه الحمد لله على سلامتكم
شمه : الله يسلمك خيي اتفضل استريح
راجس : فاق من البنج
شمه : لا والله بعده
بقيت ادحگله يجر بيدي و يجر استحيت جدام الزلمه ابتسم وضحك
ساجر : اعرفج من بين ستين ايد اعرفج ياعمري انتي ياروحي و دنيتي كلها ياهيامي انتي ياالماسوه بدونج شي دتعاي اگعدي بگلبي ووفضيها و كافي زعلانه تحرگيني عليج حرگ اخ من خمشتي وجهج و ضربتي روحي رادت تطلع اخ شحس بنفسي سافل اخ بجيتج ياعمري انتي يافرحتي من الدنيا دتعالي ياروحي يابهجتي ام زعاطيطي هالگ...... ال.... ال..... ماحبهم يشاركوني بيج ماخذين كل وكتج وين گبل كلمة احبك اسمعها اني وين هسه باگوها جهالج ال...... ال......
YOU ARE READING
ضل النافذة
Science Fictionبحق الله من وراء الشباك هل هو جان ام انسان ام شيطان هل هو تابعه ام لعبه ام لعنه هذا انا اللعنه و اللعنه على حبك فأنه جنون و عاشقك مهوس ملعون
