ဘာလို့ အဓိကဇာတ်ကောင်တွေက ငါ့ကို ဒီလို လာကြည့်နေတာလဲ

၅၀+၅၁

ဘာလို့ သူရဲ့ ခြေထောက်တွေက ဒီလောက်အထိ..မဟုတ်သေးဘူး သူ့မှာ ပြိုင်ဘက်ကင်း ခြေထောက်တစ်စုံ ရှိတာ ငါ သိတယ်

“ အား…အား..အား…အား…အား…”
ဟူရင်းက စိတ်မထိန်းနိုင်တော့ဘဲ ခြေထောက်ဆောင့်ကာ ခုန်သည်။

ဟော့ချန်းက ရယ်သည်။ သူ၏ အကြည့်က စင်ပေါ်ရှိ ကျိုင်ရှင်းချန်ထံတွင်သာ မြဲမြံနေသည်။ ရယ်မောပြီးနောက် သူ၏ အမူအယာက လေးနက်သွားသည်။ သူ၏ အကြည့်က လူအများကိုပင ်စားသောက်ပစ်နိုင်သည်။
ကျိုင်ရှင်းချန်၏ အကက လှသည်ဟု ထင်ရုံတင်မကဘဲ ကနေသော ကျိုင်ရှင်းချန်က ပို၍ပင် လှလွန်းသည်ဟု ခံစားရစိတ်က ပိုသည်။

သူ့အနေနှင့် ကျိုင်ရှင်းချန်၏ အကကို ပထမဆုံးအကြိ မမြင်ဖူးခြင်းဖြစ်သည်။ သို့သော် အကကိုမူ အခြားလူများ ကပြခြင်းအား ကြည့်ဖူးလေသည်။အခြားလူများ ကသည့်မြင်ကွင်းကို မြင်သည့်အခါ လှသည်ဆိုရုံလောက်သာ ခံစားရပြီး ကျိုင်ရှင်းချန်က ကသောအခါ ထိုအလှကြောင့် လှုံ့ဆော်ခံံရသည်အထိ မှော်ဆန်သည်။

ဥပမာအနေနဲ့… ကျိုင်ရှင်းချန်က ခြေထောက်တစ်ဖက် မြောက်တယ်…. သူက အမှီအခိုကင်းကင်းနဲ့ ခြေထောက်ကို ပြန်လည် ပွေ့ဖက်တယ်….နောက် ခြေထောက် နှစ်ချောင်းလုံးကို တဖြောင့်တည်းဖြစ်တဲ့အထိ ဆန့်လိုက်တယ်….. အဲဒိလို အခြေအနေမျိုးတွေမှာ သူ တအားကို စိတ်လှုပ်ရှားလာတယ.်

ကျိုင်ရှင်းချန်ရဲ့ တကိုယ်လုံးကို ထွေးပွေ့ပြီး ဖက်လိုက်ချင်တဲ့အထိ….

သွမ့်ရီဟွားက နှုတ်ခမ်းကို ခပ်တင်းတင်းစေ့ပိတ်ထားသည်။ သို့သော ်သူ၏ မျက်ဝန်းထဲတွင် ကျိုင်ရှင်းချန်က ပေးသော အလင်းရောင်များဖြင့်သာ ပြည့်နေသည်။ သူ၏ ရင့်ကျက်ကာ ချောမောသော မျက်နှာက စိတ်လှုပ်ရှားမှုကြောင့်ရဲတက်လာသည်။ သူက ချွေးထွက်နေသည်ဟု ခံစားရသဖြင့် ဦးထုပ်ချွတ်ကာ ဆံပင်ကို ခါသည်။

ဝမ်နော့ကမူ ပို၍ ငိုချင်သွားသည်။ ကျိုင်ရှင်းချန်က ကောင်းမွန်လွန်းသည်ဟုခ ံစားရသည်။

အရင်က သူ ကျိုင်ရှင်းချန်နဲ့ တွေ့တဲ့အခါ အမြဲတမ်းလိုလို အိမ်မှာရှိနေတဲ့အချိန်တွေပဲ ဖြစ်နေခဲ့တယ်။ သူက ဘေးအိမ်က စိတ်ထားကောင်းတဲ့ အစ်ကိုကြီးတစ်ယောက်လို၊ ချက်ပြုတ်ရတာကို သဘောကျတယ်၊ လေထုကို ပေါ့ပါးအောင် လုပ်ပေးနိုင်တယ်။ ဒီလူတွေက တစ်ယောက်ထဲပဲလို့ ထင်နေခဲ့တာ ဒီနေ့ သူ့ကို စင်ပေါ်မှာ တွေ့လိုက်ရတော့မှ သူ သိတဲ့ ကျိုင်ရှင်းချန်က နာမည်အတိုင်း ကောင်းကင်က ကြယ်ပွင့်လေးဆိုတာကို သိလိုက်ရတယ်။ သူက အပြာအနီသင်္ကေတက လူတိုင်းထက် တောက်ပတယ်