بولاريس

حصل اّن قلبي ودّ قلبك

رفع يوسف راسه يطلق زفيره بصوت عالي ثم ينزل لمستوى عزيز اللي رجع خطوه لورا وهو يشد على ملابسه بين يده بقوه وهو يسمع يوسف يقول : واذا قلت لك ضروري ؟ عندك شي اهم منه ؟

حاول عزيز يرفع عينه و يناظر بيوسف بعيون دامعه ويقول : اي مهم .. مهم بالحيل

سكر يوسف الباب وعينه ما شالها عن عزيز اللي صد وجهه عنه

تحرك يوسف للصالة و قعد وقال : هات أشوف وش عندك

كان عزيز واقف بمكانه يحاول يشجع نفسه و يهدي نفسه و قرب منه وجلس جنبه وقال بتردد : اليوم وانا بحضنك .. ما حسيت بشي ؟

يوسف فكر لثواني ثم قال : إلا

بكل لهفه و عيون دامعه قال عزيز : بشنو ؟

قال يوسف وهو يحك ذقنه : بخنقه كنت خانقني طول الوقت

رفت عيون عزيز و تبدلت ملامحه و نزل عيونه وقال بصوت مخنوق : يوسف

وقف يوسف وصد عنه وقال : يوسف بيروح لشغله

عض عزيز على شفايفه بقهر يحاول يمسك دموعه ونزل راسه يفرك يدينه ببعض وهو يحس بدموعه تنزل على يده وهو يسمع صوت الباب يتسكر بعد خروج يوسف

تكور على نفسه وهو يبكي بصوت مسموع و بأنين واضح بصوته ، جرب كلشي معه وبكل أسلوب حاول فيه بس كان الرفض الخيار الوحيد عند يوسف

صحيح ان يوسف واعده ما يرتبط إلا بعد ما يرتبط هو و يتطمن ان قلبه ماصار الوحيد فيه بس حتى من وحدة يوسف صار يغار منه يبي اسمه مرتبط فيه بوحدتهم لحالهم

صحى من النوم بعد بكاء لمدة طويله مصدع و يحس براسه ثقيل ، اتجه للمطبخ بكل كسل وطلع زجاجة الوسكي اللي مخبيها عن يوسف لقوتها عليه و اتجه فيها للكنبه يرمي نفسه عليها ويشرب و عينه عالشاشه الطافيه ينتظر بس متى يبدأ مفعول الوسكي عليه عشان ينسى الم راسه و وجع قلبه
_____________________________
دخل للجامعه بعدما ودع ابوه يركض وهو يناظر بساعته مو منتبه على اللي قدامه واقف بطريقة ، صدم بصدره و ارتد لورا وهو يحك راسه ولماً رفع راسه صد عيونه وقال بصوت خفيف وكانه يكلم نفسه : خالد !

نزل خالد لمستواه وقال : اي .. خالد

ضل اديب ساكت و يضغط على يده بس رفع راسه لماً قال خالد : وين رايح ؟

اديب فتح عينه على وسعها و قال بعجله وهو يمشي بالعكس : متاخر على المحاضره اسفف

مشى وراه خالد بكل هدوء وهو حاط يدينه داخل جيبه و كانت المسافه بينه وبين اديب قريبه رغم هرولة اديب بس حتى خالد خطواته وسيعه

وصل اديب لباب القاعه و اول ما حط يده على مقبض الباب حط خالد يده فوقه يمنعه يفتح الباب وقال : تحب الشقى .. خلاص سجلك غياب وشوله جاي تركض وانت تدري انه ماراح يدخلك !