مكر الدلهام
بقلمي: زينب
صلوا على محمد
صوتوا + علقوا
قراءة ممتعة
حيدر: صباح الخير جيلان
باوعت عليه انوب رجعت نظري للبنات
صافنات عليه رديت عليه ببرود
جيلان: هلو
حيدر: شوكت ادخلون للمحاضرات؟
فاطمة: بعدنا ماخذنا جدول المحاضرات
من نأخذه عود ندخل واحتمال ماندخل
اليوم ما عاجبنا
شفتها تباوعله بحقد هز رأسه الها ورجع
يحاجيني
حيدر: فاتحين كهوة هنا نطلع نشوفها
زفرت انفاسي احاول ماعيط بيه
جيلان: لعد شجاي نسوي حيدر مو هاي
الكفتيريا وهذا جاي ؟
حيدر: عمي من الاخير اريد تجين وياي
جيلان: وليش اجي وياك حيدر احنه زملاء
وعيب بحقي كل شويه واكف يمي
حيدر: واني شمسوي زميلتي وجاي احجي
وياها
فاطمة: حيدر جيلان مو على بعضها عادي
تحجون بغير وقت ؟
حيدر: ماشي
عافنا وراح غزل هزت ايدها
غزل: يعني هو ما يحس أنتِ ماطايقته
شكو مجلب ؟
جيلان: حظي غير من أمده حظي اي والله
فاطمة: يمعودة خلي يولي تخلص
السنة شلون ماجان تحملنا سنتين مانتحمله
سنة اخيرة
غزل: ماتشوفين تصرفاته سنة ازبل من
سنة ايععع
فاطمة: ام الايعع منو جانت باول سنة
مكرشة عليه ؟
غزل: عوذه امداني غير جان احلى من العسل
حتى انتن كلتن خوش ولد
فاطمة: خوش بعير احسن
جيلان: تعكر مزاجي من الصبح
فاطمة: اكو ليغاد مفتحين محل ألبسة
مبين حلو من نطلع نروح عليه؟
جيلان: مو اخاف أتأخر على ابو حمزة؟
غزل: اني ماعندي شي هسه اخابر امي
اكللها
فاطمة: يالله جيلان وافقي وإذا اتاخرنا
اخلي مهيمن يوصلج
غزل: اي يالله حبابه
جيلان: اوك خلي انطي امي خبر
طلعت تليفوني دكيت عليها
جيلان: الو ها يمه
مناسك: هلا يمه وصلتي؟
جيلان: اي اكلج إذا ماعندي محاضرات
اليوم عادي اروح للمحل هنا فاتح جديد؟
مناسك: الياس شكايلج جيلان؟
باوعت على البنات و رجعت حاجيتها
جيلان: ماشي يمه أخلص واجي
مناسك: لا تزعلين يمه من ترجعين اني اخذج
سديت الخط و حطيت التليفون بجنطتي
جيلان: مايقبل الياس
غزل: ايععع شكد عقدة هسه هو هنا
YOU ARE READING
مكر الدلهام
Romanceهو انتم الضباط كلكم هيج زايعتكم الدنيا و سكرجيه التفت عليه رفع واحد من حواجبه ... ومنو كلج تجربيهم كلهم باللهجة العراقية ( حقيقية) _ بقلمي _زينب
