#صبراً_ياقلبي
بقلم #روز_الفياض
ج٤٢
.
.
.
كيف حالك الان؟
منقسم تماماً ، جزء يقاوم و جزء ينهار .
.
.
.
طلعت ورايه ماما وخاله سلموا على ماجد.
ماما:
من توصلين سوي حرمل لايروح يصير بيج شي عيونهم حاره اعوذ بالله.
خاله:
اي حبيبتي اليوم خفت عليج والله هاي ( 3 )من جاراتي سألوني عنج عبالهم ممتزوجة وام العريس هم سألتني تريد بنيه لابنها الثاني كتلها متزوجه هالكيكه على كولتها هههه .
كلت بكلبي يبووي خالتي صخمتها ولطمتها😖 بحجيها اليوم الله يستر من سمع هالحجي.
سلمنه ورحنه بس صعدنه بالسياره كال:
مبين مكعدتي بالحفله؟
غلست سويت نفسي العب بالتليفون ودزيت الصور لعمه حميده.
ماجد:
منو جان موجود؟
ذهب:
كلهم.
ماجد:
منو يعني؟ اكو شباب جوه ولد خوالج ولد خالاتج؟
ذهب:
لا طبعا شيسوون يمنه؟.. بس بنات😒.
ماجد:
مثلا يردون يتزوجون يدورون عروس يعني؟
كله من خالتي عبالها هو فري وكل شي عنده عادي وضحك.
بالطريق وكف يم محل نزل اشترى شغلات للبيت وبعدين رجع نزل للمطعم جاب بيتزا ورجع اني مدنكه بالسياره اخاف ارفع راسي واحد ينتبه مكياج وعدسات وتصير قصه بهالليل يذبحني معناها.
ماجد:
لزمي هاي البيتزا بس ديري بالج حاره
اخذتها خليتها على رجليه لحدما وصلنه للبيت ونزلت اخذها هو واني دخلت كبل يم عمه حميده اشوف حبايبي اشتاقيتلهم.
نزعت عبايتي وحجابي وكعدت واخذت فضولي عندي دخل هو سلم وظل واكف يباوعلي مشايف الفستان من طلعنه.
عمه حميده:
حلوه العروسه ماشاءالله تشبهج شويه بس انت احلى منها المفروض ميخلوج تاخذين وياها ههههه صوره خربتي عليها هههه.
ماجد:
اي خطبوها هواي خالتها تكول عبالهم ممتزوجة😒.
عمه حميده:
هههه ها شكتلج مو كتلج الي يشوفج عباله ممتزوجة.
غمزتلها حتى تسكت هو مو ناقص شحن مشحون وخالص من كاعه ...
عمه حميده:
يااا شبيها ركبج حمر ضربج؟😡
ذهب:
من البيتزا حاره جانت على ركبي خليتها.
اتنهد هو اني كمت صعدت ابدل ملابسي قبل لاينفجر علي.
علكت عبايتي ونزعت التراجي وفتحت السحاب مال الفستان من الظهر ودخل هو لزمت الفستان من الظهر بيدي وطلعت ملابس من الكنتور ورحت بغرفة الاولاد اريد البس...
دخل وراي هو ظل واكف يم الباب يباوع.
التفتت باوعتله عبالي يريد شي ماحجه.
ذهب:
شنو؟ شكو؟
ماجد:
ماكو شي..
ذهب:
زين اريد البس.
ماجد:
شنو سويتي اليوم بالحفله؟
ذهب:
شسويت؟
ماجد:
ماادري انت بالله احجيلي ركصتي مثلا؟
ذهب:
😒.
ماجد:
يعني ركصتي؟
ذهب:
اي ركصت 😈..
حصرتني الضحكه بس خفت.
ماجد:
فستان مصلخ وقصير رجليج كلها طالعه وكعب طوله شبر والصدر كله شفاف مبين من هيج كل شويه وحده تروح تسأل عليج متزوجه لو لا.
