مورفين

تأثير

عمار مد يده يصافح بهاء : اهلين دكتور بهاء .. مدري إذا تذكرني

بس ا

بهاء قاطعه ببرود و مع أنه بادله المصافحة : ايه اذكرك .. اهلين .

عمار رجع التفت كله لميّاس : طمني على صحتك ؟ كل أمورك طيبه ؟

غيرت رقمك و لما تواصلت مع أبوك قال بيبلغك تتصل علي - تغيرت نبرة صوته

لشوية احراج - قلت يمكن ما تبي تتواصل معاي .

ميّاس برد سريع : لاا مو كذا .. بس وقتها ما كنت ابي اتواصل مع احد .

عمار بنبرة دافية ابتسم : من الحيوية في شكلك انا ارتحت ان صحتك

تمام ..

ميّاس بادله نفس الابتسامة : وأنت ؟

عمار : بخير .. اكيد بكون بخير .. ب

قاطعهم صوت واحد نادى عمار بشكل ضروري لذا استأذن

دقايق و مع انه كان رايح للي يناديه بس كل شوي كان يطالع في ميّاس ..

ميّاس كان يطالع فيه لين حس ببهاء يتحرك من جنبه بدون ما يتكلم ..

ميّاس لحق بهاء و طلعو من القاعة ..

عمار بعد ما خلص منهم ع طول التفت و ما شافهم واقفين .. تنهد

بعمق و ركض بسرعة لبرى و تلفت بس ما شافهم وين .

ميّاس طول ما هو يمشي ورى بهاء كل شوي كان يرفع يده يبي

يلمس بهاء .. أو ينطق بشي بس ما قدر يقول أي شي ..

دخلو جناحهم و فصخ بهاء البالطو ورماه فوق السرير وبدا

يفتح بأزرار قميصه وهو يتجه لدورة المياه ..

ميّاس تكلم وكسر صمتهم هذا : بهاء ..

بهاء وقف قبل ما يفتح باب الحمام : وش ؟

ميّاس دق قلبه من كلمة بهاء لذا قرب منه : فيك شي ؟

بهاء التفت له بشكل كامل وهذ خلا ميّاس قلبه مو بس يدق

يفز و يرجف .. نظرة بهاء .. نظرته الباردة جدًا ..

بهاء : أنت تحس سؤالك طبيعي ؟

ميّاس نزل عيونه : أنت تعرفه ..

بهاء : لا ما أعرفه ..

ميّاس ع طول رفع راسه يطالع في بهاء : هو ال