مورفين

البداية

" يُزهر المرء عِندما يقع في حُب ذاته "
-
بارت تعريفي للشخصيات احفظوهم
قراءة ممتعة .

ـ

- و بكذا بيكون نقلكم الاحد الجاي .. لين نهاية السنة .. فيه أعتراض ؟

طلعو من مكتب المدير و تحرك من جنبهم وهو يحرك جهة قلبه و مشى بعيد

عن الممر اللي هم واقفين فيه ..

سدن وهو يمسح ع وجهه شوي ابتسم : توقعت العقاب بيكون أقوى

من كذا .. يلا مغامرة جديدة ..

نوح مشى و دق كتف سدن وهو يتذمر بصوت عالي : ياا رب صبرني

ع نهاية هالسنة ..

سدن التفت للأخير اللي ضل واقف : شفيهم ؟ بالله بعد اللي صار توقعت

بيكون فيه فصل و بنعيد السنة و حنا لسه في بدايتها ..

مراد أشر له بأنه يسكت و تحرك هو بعد بعيد عنه ..

ـ

عّم الصمت ع الطابور كله بعد ما قال كلماته ..

دخلو الفصل وأستاذهم وراهم و ع طول انفجرو يسولفون بفوضى

لين دق الطاولة بالمسطرة و خلاهم يسكتون ..

مٌهاب وهو يكتف يدينه قدامهم تنهد : اقول أنت وياه وش هالنشاط هاه ؟

أنس - وهو يقلد نبرة المدير - : فيه ضيوف بيكملون معاكم السنة تحلو بالأدب

وحسن الضيافة .. حسن وش وهم معاقبينهم .. تخيل معاي تتعاقب تجي مدرستنا

طيب واحساسنا وأحنا ملجأ المُعاقبين ..

خليل وهو يآكل : هههههه تذكرت أبوي إذا بيعاقبني وداني بيت عمي

في الديرة هههههههههههه هذا حالهم ..

انفجرو ضحك معاه ..

مُهاب كتم ضحكته معاهم ونطق : اقول أنت وياه تراهم جايين من وحده من مدارس

النخبة و بعدين دورو ارقى مدرسة حكومية ع شان م يحسون بالفرق الشاسع ..

رفع راسه من الطاولة أخيرًا و تفاعل معاهم : ابشرك مدرستنا اللي تحبها انت و تشوفها

ارقى مدارس الحكومة ما تسوى 2% من فخامة مدرستهم ..

مُهاب تحرك للطاولات الأخيرة : يلا قدمو شوي أنتو و خلونا نوسع