الشــيـم

الثامن والعشروטּ♡

:-   لا تخليني اعاين بنفس العيون الحبيتها واتذكر هيه نفسها الغشتني وخلتني اعمى

-لا ايهاب لاا

همست وصوتي رجف سحب ايده مني وكام فتر وكف بالشباك اكتافه تصعد وتنزل  ويَ النفس اريد اريد ابچي واخاف منه مادري شنو الصار ولا شايفته بهيج حاله قبل إيده على الشباك. تتحرك برجفه كمتت حلكي ودموعي ما وكفت. طلع صوت خفيف مني تنهد ولتفت عليه خازرني نزلت عيني منه ارجف فتر يمي كعد بمستوى الچرباية فتحت عيني اباوع لوجهه الطاغي علي التعب

:- على منو تبچين منو ليستاهل تبچيله

همست وصوتي يرجف: - ليش ضربته حتى اذا غلط انا احبه ما اريده يتأذه بسبيي

ابتسم بدون خلك وهز راسه بأسف: - ما يستاهل هو نفسه لهددچ ما تحجين واخذج مني

:- بس هو وعدني يطلكها والله

هز راسه وكام وكف على رنت جهازة فتح الاتصال وكال:- نعم

جوزيف: - خليني احجي وياك لا تسد الاتصال

ايهاب: - ما عندي كلام وياك انتهى كلشي

جوزيف: - ما عليه بحسان يستاهل الصار بس الله يخليك لا تحجي شي لـ  لتين هسه تتدمر والله خليك محافظ عليها

نتر بي: - جوزززيف

جوزيف: - ايهاب لتين اختي ان رضيت او لا ادري بيك ما تقصر وياها بس الصار غلط من ساسه الراسه حسان صح غلطان بس مو بهذه الطريقه تنحل الامور

:- ترييدني اصفك لو اهلل واطش جلكيت يووول عندككك عقل. لااا تخبلنييي

:- انتو مو بشر واحد يحجي وياكم دمكم العراقي حامي عمي انا رجال لا عراقي ولا اعرفكم  تمالخو تزاكطوو  وحلو السالفه بينكم لمهم دزلي عنوانك اريد ادز جنطت مرتك

سكت ايهاب ندار عليه وخزرني هسه انا شعليه اذا جوزيف حنين زيادة

:- هسه ادزلكيا

سد الاتصال دزله العنوان وشمر الموبايل على ميز يفتر لايبه روحه كل شويه لو يعصر راسه لو يفرك بصدره عافني وطلع يابه مووتني حرگني حرگ وهو ماكو  تأخر الوقت حيل سمعت صوت الباب نفتح طفرت من مكاني رفع راسه يباوعلي نزل الجنطة من ايده

:- جهزي نفسج بسرعة

:- وين

عبرني وراح فتح الكنتور طلع الجنطة :- للمطار

كعدت ساكته وهو لم اغراضه كلهن ويفتر يطلع من الجرارة والميز جمعهن وراح للحمام يفتر ويسوي كلشي ولا مهتم الوجودي ولا كأن بشر كدامه ضغطت راسي صداع موتني ضميت عيوني بأيدي مدنگه صار صوت عرفته طلع من الحمام ما رفعت راسي  صارت رجلينه كدامي وايده على شعري مسد علي بحنيه وبعد ايدي من عيوني ثنه رجليه كدامي وايدي بيده مادري ليش نزلت عيني على جسمه اول مرة اشوفه بدون ملابس وصدره كله مكشوف صار گلبي يدك بقوة مادري توتر لو خجل احس عرگت كلي وجهي شتعل بنار