قوة ايسون

القـوة الـثـالثـة واربعون

-انت شكووو تدخل بسوالف عائلية شكوووو

تقرب الأكبر ضربة بوكس شمره بالگاع
-الأكبـر : ولك اختك ماتتتتت ابن القندرة

اجو الشرطة اخذوا اعتقلوا تقرب الأكبر شالها وركض بيها للسيارة وسُلطان أخذ مريم
-سُلطـان : نبأ عينج على مياار

ركضنة انا وخالة وي الأكبر وسُلطان صعدنة بسيارة ابجي باوعت الها منتهيه صايرة فحم ! مابيها نفس يعني ميتة ! صرخت كل قوتي
-ايـسون : لا ياربي لااااااااا

لطمت على وجهي أبجي وخالة تبجي
-الأكبـر : ايسون اسسسكتييي هسة نوصل مابيها شيء ان شاءالله

-ايـسون : ماتتت ماتتت أكبر ماتتتتتتت عدها أحلام تريد تحقهن ياربي ليش هيج

لزمتني خالة ليلى تحاول تهدي بية
-ليلى : كافي يمة كافي لا تسوين بنفسج هيچ

-ايـسون : خالة البارحة تگلي اريد احقق أحلامي بس أدري بنفسي راح أموت خالة جانت حاسة جانت حاسة عمت عينييي

وصلنا للمستشفى نزل الأكبر شايلها ويركض بيها رُغم ندري ماتت رُغم ندري ماكو أمل بس نحاول نقنع أنفُسنا نقنع عقلنا بهالشيء

دخل الأكبر للغرُفة دخلنا ورا سُلطان شايل مريم واخذها لغرُفة ثانية أجة الدكتور مصدوم يباوع النا
-للأسف البنية متوفية

باوعي الأكبر وعيونة حُمر دم بلعت ريگي صدري ضاق بي النفس فعلاً استوعبت ماتت البنية رُغم بُقت يمنى يوم واحد بس حيل حبيتها البنية حبابة على أي أساس تنقلت وظُلم همين ! وعلى أيد منو أهلها ! شوكت تخلص هاي العادات

گعدت بالگاع امسح على صدري أحس فد شيء واگف بصدري ماجاي يتحرك اريد دموعي تنزل ماكو قبل شوية جنت أبجي خلي يرجعن يطيحن بس خلي يرتاح گـلـبـي روحي رايحة

گعد الأكبر على ركباتة وحضني حضنتة كل قوتي اضافيري نبتوا بظهرة همس بصوت ناصي
-الأكبـر : حبيبتي أنتِ بخير؟

-ايـسون : راح أموت أكبر أخذني

حجيت هاي الحاجاية وماحسيت بـ شيء أغمى عليّ فزيت شوية مامستوعبة صوت أمي يمي حيدرة تولين
-ميـاسين : ولج يمة گليلي شلونچ عمت عيني عليچ

-حـيدرة : شلونچ يابعد حيلي گليلي شنو يوچعچ؟

-ايـسون : گـلبـي يوچعني حيل يوجعـنـي

تقرب طبع بوسة على راسي وگال
-حـيدرة : ريت الوچـع بية ولا بيچ ريـت چاس گـلبـي ولا جاسـچ

- ايـسون : خلونة نطلع حبابين جاي أختنگ ، أكبر وين؟

-حـيدرة : راح يسون أجرائات وياخذون البنية يدفنوها