#السجين
الفراغ العفته بحضاني
بشر ثاني ميمليي ...
عظيم غيابك مأثر ..
عليه وشووف شكلي
اول صدمه جاانت هااي وكف بيهه عقليي ...
.......
كعدت الصبح تريكت وسبحت وبدلت وجانو لكل مخبوصين وكانو عدهم عرس صدك
ام عصام : وحده منجن دكوم تفرش الغرفه بلون. لابيض
سماح :الغرفه عليه اني ارتبه
علاوي : زين كوم بدل يلا لا تتأخر
زين : هسه راح اكوم
ابو عصام : البس جماغي البيض الخليجي لو هذه العادي
علاوي : البس الخليجي الابيض احله
زين : شسالفه وين رايحين
علاوي : وين يعني غير رايحين للمحكمه نزوجكم بعدين العصر عدنه عرس صح سكته ماكو معازيم بس اكيد مو مثل الفاتحه
ابو عصام : ايي صح
ام عصام : ايي يمه كلام اخوك صحيح
زين : شون يعني
علاوي : يعني لعرس بيناتنه بس لازم عله اصوله
زين : من هسه اكلكم حته ماصير مشاكل
ركص ماااريد
علاوي : اكيد ماكوو
ام عصام : ماكو يمه شبيك سدهه بوجهنه
علاوي : كوم بدل يلا عمي محمد خابرنه كال نص ساعه واجيكم
زين : تمام
رحت لغرفتي بدلت ولبست بنطرون اسود وقميص ابيض والحذاء هم اسود وشسورت شعري ورتبت لحيتي لبست ساعتي وخليت العطر اخذت موبايلي ونزلت ولكيت ابويه منتضرني وعلاوي بس نزلت امي هلهلت واني باوعت لامي بمعناة عدم رضه عله لهلاهل
ام عصام : يمه تخبل
علاوي : حبيبي ربي يوفقك ويهنيك بهل زواج
زين : اشكرك حبيبي
ردنه نروح بسيارتي بس عمي ماقبل كال نروح بسياره وحده كلنه علاوي راح ويانه كتله انته تجي بسيارتي حته برجعه نرجع وحدنه
وفعلا ماقصر واجه طلعنه عشارع ولكيناهم واكفينن
صراحه مااعرف بنين متغير شكله صح هيه حلوه بس مو مثل اليوم كاش حلوه وشال حلو عليه ضليت اباوعله وكلت هل من المعقول كلامهم صحيح وهيه مو بنيه ومن شخص ثاني وغريب ...
حاولت امسح تفكيرات وابين كدامه انو اني مرتاح وفرحان بهل زواج
صعدنه بسياره ابوي يم عمي واني صعدت وره بصف بنين .
حجينه شويه
درت وجهي لجامه وحاولت الزم نفسي
وهيه مدنكه وجان مبين الخجل عله وجهه خليت ايدي عله ايده وضليت اباوع بعيونه.
زين : راح نوصل
بنين : ايي
زين : وصيرين مرتي
بنين : امم
زين : الله يتممه موو
بنين : اي
رفعت راسي وشفت عمي يباوعلي بنمرايه درت وجهي وسويت نفسي ماشفته بقيت صامت لحد ماوصلنه نزلنه سوه
خليت ايدي بأيده كدام ابويه وعمي وهيه هم ماخليتهه تحس انو هيه مامرتاحه
دخلنه المحكمه ايد بأيد
بعد كل امور المحكمه ولاجرائات القانونيه وامر القاضي وموافقتنه. بمقدم 5مليون وغايب 10 تمت وصرنه اني ووبنين مزوجين رسميااا ...
علاوي وعمامي يضحكون ومبينين فرحانين واني فرحت لنفسي وهيه مبتسمه وايده بأيدي
أنت تقرأ
السجين
Romanceذنبي عشقت تلك العيون ... وسجنت من اجلهاا.. للكاتبه: نور آل محمد a_.2jj انستگرام
