الشــيـم

السابع والعشروטּ♡

حورالعين:- تعالي نشوفها بالغرفة

مشيت بهدوء فتحت الباب ومديت راسي شفتها نايمه وايدها على كاروك اكيد الليل كله ما نامت وهسه تعبت ونامت سديت الباب ورجعت

:- اشش لا تسوين صوت نايمه

ايار:- تعالي نبدل ونكمل شغلها خاف اكو شي عدها بس تكعد بعد ماتخلينه لان عدنا امتحانات

هزيت راسي بقبول بدلت وصليت وطلعت للمطبخ لكيت الاكل كامل وبس ماعين وصخه على السنك وكفت اغسلهن وكل شوية يصير صوت يكمزني من مكاني

:- اكو شي هنا

حورالعين:- لا روحي شوفي اكو ملابس بالسلة خليهن بالغساله وطلعي نظفي الديوان والحديقه حتى نحظر الغده قبل لا يجي بابا

كملنا كلشي وكفت احضر بالاكل اجه بابا كبل للمطبخ عباله ماما  سلم علينا وكال

:- هيام وين!

ايار:- ماما نايمه الايهم الليل كله يبچي وتعبانه

احمد:- اي عوفنها نايمه راح ابدل ملابسي واصلي واجي اذا كامل الغده حضري

ايار:- صار بابا

راح شويه وسمعنه صوت الايهم يبچي باوعلتي ايار وضحكت

ايار:-ههه بابا گَعد ايهم من النوم

حورالعين:- هسه ماما اطير ورا والله

بعدني كاعدين وطلع بابا يضحك والايهم بحضنه  اجت ماما  مفتحه عيونها على بنعاس  بوسانها  كعدت مابيها حيل تحجي

هيام:- من شوكت وصلتو وليش ماكعدتني

حورالعين:- من زمان وصلنا وماكعدناچ لان تعبانه كملنا كلشي بس نصب الاكل

احمد:- يله ولچن وين الاكل.

باوع الماما واردف: - هذن بناتج فاهيات

حورالعين:- اي ما مالحينه عدل يخافون عليكم من الضغظ

احمد:-  احطلكم  شكر مو الا ملح عاد صيرو حلوات مو لا شطارة ولا حلاوة

فكيت عيوني وهو ضحك: - باااباا

كال بنبرة تجنن :- يا روح بابا

رتخت ملامحي ركضت علي ابوس بي واعضعض بخده وهو يضحك

حورالعين :- راح اصير حلوة بس دبرو نفسكم ويَ السُكر لا يصعد عدكم

احمد:- لاا على بختج هيامي كافي عليَ بحلاوتها سكري يفول اذا هيج خليكم فاهيات

ضحكنه كلنا وماما فد خجلت كعدنه نتغده بنص الاكل ماما ذكرت ايهاب اتذكرت ما شفت موبايله اليوم  كملت اكل وركضت على غرفته فتحت الجرار اخذ الموبايل ما لكيت اتصال بس داز رساله كاتب بيه

:- حوري ماكو  اي رقم جديد  اتصال او رساله على الموبايل

دزيتله: - لا والله ما وصل اي شي