______________________
(الـخـط )
بهاج مسرع ومعصب ويفكر بكلام نوره هل نوره تخلت عنه او وش تبي يعني هي تبيه ولا ماتبيه ماقدر يحدد شعور نوره اتجاهه وضرب الدركسون بقهر :اهخخخ يانورهه ليش تسوين كذا
"وللمعلوميه الخط الي من الرياض لديره سيد واحد رايح جاي"
بهاج من العصبيه ماعاد يشوف شي وبدت السياره تروح يمين يسار ومو قادر يتحكم فيها ومن الجهه الثانيه جت سياره مسرعه وبهاج مسرع وتصادمو وتقلبت السيارات
جت سياره زيد ونزل زيد منها من شاف الحادث كان مرهه قوي واتصل على الاسعاف ودقايق وجاء الاسعاف وكان مشبهه على السياره وطاحت عينه على بهاج الي شايلينه ومثبتين رقبته
زيد صرخ بخوف : بهاججج !
بهاج بتعب : نوره لاتدري تك....
وفقد الوعي
المسعف : لو سمحت ابعد عن المنطقه
زيد بخوف : انا خاله خاله
المسعف : خلاص اركب خلك مرافق معه
وركب زيد وحطو بهاج بالسرير وحطو الاكسجين عليه وزيد ندمان ندم قويي انه تهاوش معه يمكن بهاج يموت وزعلان على زيد!
زيد بخوف : بهاج تسمعني ؟ ياربي صبر قلب نوره
بهاج ماكان يسمع ولا يرد ولا يستجيب بس كان يتمتم بأسم نوره
ووصلو المستشفى ودخلو بهاج والرجال الي سوا معه حادث
ودخلو بهاج بغرفه الطوارئ ومنعو دخول زيد وطلع زيد وجلس بكراسي الانتظار وشد على شعره بندم وقهر
وبعد تقريباً ساعتين طلع الدكتور
زيد بفزه : بشرني يادكتور
الدكتور : انت تقرب للمريض ادم ولا بهاج؟
زيد : بهاج
الدكتور بضيق : بهاج حالته خطر واحتماليه مايصحى وايضاً في احتماليه شلل في اطرافه و فقدان ذاكره لان الحادث قوي وعنده ايضاً نقص بالاكسجين وهو مريض ربو وصدر صعبه يصحى وعنده كسر بالكتف ورضوض وتصبر لعلى الله يحدث بعد ذالك امرا
زيد يحس ان الدنيا تقفلت بوجهه هو يحب بهاج محبه خاصه ومو مجرد ولد اخت لا اكثر من اخ بالنسبه لـ زيد وقال بضيق : طيب ادم وش صار عليه
الدكتور بأبتسامه : الحمدلله ادم ماكان متضرر بلحيل يعني خفايف الحمدلله ويطلع
زيد هز راسه : طيب ممكن اشوف بهاج؟
الدكتور بضيق: بهاج حالته ماتسمح احد يدخل عليه
زيد بضيق : تمام
وراح الدكتور وجلس زيد بضيق وغبنه وطل على الشباك وشاف بهاج حوله اجهزه واكسجين وفاقد الوعي وحزن اكثر وقال : بهاج قم انت تحملت اكثر من كذا قم نوره نتنظرك يلا والله برجع لك نوره بس قم ياخوي انت اقوى من كذا يلا انت يابهاج اقوى من الامراض قم ياعين اخوك يلا بهاج تسمعني يلا نورتك نتنظرك تبغاك على قولتها
والي ماحسبنا حسابه ابو فهد جاء ! "ابو فهد وام فهد تعرفنا عليهم قبل نقالين علوم القبيله"
ابو فهد : هو؟ زيد وش قومك
زيد : لاحول ولا قوه الا بالله وش جايبك ؟
ابو فهد : ابد جاي حرمتي اوجها حنكها وجبتها هنا يفحصون عليها
زيد : ايي يقولون من كثر العلوم الي نقلتهم اوجعها فكها !خلها تريحه وانت بعد ريحيه لاتلحق حرمتك
جت ام فهد : ياهلا بزيد وشلونك وشلون نوره وبهاج وشلون امك وابوك وخواتك وشلون عيال عم بهاج وبنات عمه وشلون حرمه بهاج الثانيه هيام هو طلقها؟ عسى نوره حامل ؟ بشرني يامك وشلون صيته واهلها وشلون راعي المزرعه وشلون دوامك....
قاطعها زيد : بس بس ريحي حنكك
ام فهد طلت من الشباك بلقافه وشافت بهاج واتسعت عيونها بصدمه : يويلي وقله واليي ليكون هاذا بهاج
نزل زيد راسه بحزن وطفش
ابو فهد شاف بهاج : الا هو يويلي وش قومه ؟
زيد : مسوي حادث ها؟ خلاص ارتحتو يلا تقلعو
ام فهد: يويلي صبر قلب مويمته
زيد : داخلن على الله ثم عليك هالخبر الوحيد لايوصل لا لامه ولاخالته ولازوجته ولا قرايبه كلهم لحد يدري
ام فهد : تم تم محد بيدري بس طمني عليه
زيد :تمام
وراحت ام فهد وابو فهد واول ماطلعو من المستشفى ام فهد رفعت السماعه على ام عبدالله : الو وشلونتس ؟
ام عبدالله : بخير الحمدلله
ام فهد : ياوخيتي جيت بتطمن على ولدتس بهاج وينه ؟
ام عبدالله : عند حرمته يعني وينهو
ام فهد : مادري ياختي شفت واحد يشبه بالمستشفى
ام عبدالله بخوف : اي مستشفىى؟
ام فهد : يشبهه يشبهه ، المستشفى ال **
فقلت ام عبدالله الخط
ام فهد : هاذي جزاتي اجيب لتس علوم
وراحت وماقصرت نشرت العلم بسرعه البرق
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
Part 57
Start from the beginning
