هــي الــتـي عـلـمـتـنـي كــيــف اعــشــقــهــا

Part 57

______________________
(غـرفـه بـهـاج )
تنهد بهاج بضيق : ياليلل ليش تطلعين من المحادثه
وسكر جواله وحط راسه على الوساده ويفكر ومن التفكير نام بتعب

______________________
(بـيـت ام سـحـاب - الـعـصـر )
ام سحاب ترسل لـ ام عبدالله : وش قومتس ياوخيتي من امس وانتي تصيحين ؟
ام عبدالله بدموع : مقدر ياوخيتي مقدر اشوف بهاج بهالحاله اقنعي نوره ترجع لهه
ام سحاب بأستغراب : ابك انتي وش قومتس بهاج داق علي يقول ضبطي لي نوره بجيها بس لاتدري !
ام عبدالله : هاه؟ بهاج بيجيك؟
ام سحاب : ايي بيجي وبيراضي نوري
ام عبدالله : الله يبشرتس بالخير
ام سحاب ارسلت :🌹🌹😘
جت نوره : جديده ليش ماقومتيني ليش للعصر نايمه؟
ام سحاب : مارقدتي امس قلت خلتس ترقدين
نوره : تمام بسوي حلا وش رايك؟
صيته جت ودقت تحيه : ارحبو ارحبو تراحيب المطر يالدول المستقله
ام سحاب : البقى
نوره : صيوت نسوي حلا؟
صيته: قدام
جت حواله على جوال نوره بمبلغ ٧٠الف من بهاج وارسل: تستاهلين اكثر
صيته بصدمه : اولهه مهر موب رضاوه! ماشاء الله
ام سحاب : هه من حظتس جاتس مليون
نوره ابتسمت لاإرادي بعدين استوعبت انها زعلانه عليه
صيته بضحكه: الله يسامحتس ياخالتي مليون مره وحده هههههههههه
نوره نزلت الجوال : بروح اسوي حلا
صيته مسكتها: ردي عليه!
نوره : مستحيل ! انا ماارضى الا اذا جاب لي القمر بين يديه
ام سحاب غمزت لـ صيته بمعني اتركيها
وراحت نوره للمطبخ وعيونها دموع ماتدري ليش تبكي!
ام سحاب : اتركيها هو بيجي بعد شوي ويتصرف معها
صيته: اخيراً بيتراضون وتعيد لنا الفعاليات
ام سحاب لبست الشرشف : امشي بس عند امتس خلهم ياخذون راحتهم
صيته لبست شرشفها : صادقه بنطلع لعلهم يتصالحون
وفتحو الباب لقو بهاج يبي يطق الباب تقدم وسلم على خالته : اعذريني ياخالتي
ام سحاب : مع انك زعلتنا كلنا بس يلا معذور
بهاج ابتسم
وراحو صيته وام سحاب لـ بيت ام صيته ودخل بهاج ومعه اكياس هدايا من ماركات عالميه ويدور نوره بعيونه وعرف انها بالمطبخ وتقدم وشافها واقفه تزين الكيكه وشعرها مأذيها تقدم بهاج بهدوء وحضنها من ورا
نوره عقدت حواجبه توقعتها صيته بس صيته ماتحضنها كذا !!
نوره : صيوتت وش هالمشاعر الفايضه!
بهاج كان ساكت ويشم ريحه شعرها الي يحبها
نوره بأدراك ان الشخص الي وراها طويل! مو قد صيته! يمهه ليكون حرامي
ولفت جسمها وصارت مقابله بهاج وبهاج مو راضي يفك الحضن
نوره عقدت حواجبها : بهاج؟!
بهاج بشوق : لبيه
نوره ضربت صدر بهاج بعصبيه : فكنيي مابغاكك وشذنبي اناا تتزوج عليي وشذنبيي يابهاج تكسرنيي ليش تسوي فيني كذاا ليشش
بهاج حط صبعه على فم نوره : طيب دقيقه ريحي فكك من الهرج الزايد وبقول لك كل شي ! انتي بنت وبتفهمين عليه لان الي صار لرهف شي مو طبيعي ! رهف واختها لقوهم بأستراحه شباب
نوره تدمع : ها! وتتزوجها علي؟
بهاج : لايانوره البنت مظلومه وماصار شي وتزوجتها بستر عليها
نوره ببكى : بهاج مو عذر مو عذر كان علمتني قبل لاتقعد تبرر وانت غلطان واذا ماصار شي مالا داعي تتزوجها فكر بمنطقيه !طلقني بقولها لك بالحرف الواحد طلقني هي كلمه !
واستمرت نوره تحن وتزن بالطلاق ، وبهاج تنهد ازعجته وماتسكت ومافي طريقه تسكتها وجت فكرهه بباله يسكتها بطريقته ومسك فك نوره وسحبه له وباس شفايف نوره ونوره اتسعت عيونها بصدمه وتحاول تبعد عنه بس هو اقوى ماتقدر عليه وحطت يدينها على صدر بهاج وابعدت عنه وهو فكها
نوره ببكى وصراخ : بهاج اطلعع مابغى اشوفك خلاص انت قاعد ترجعني ترجعني للماضي خلاص مابغاك اطلع من حياتيي يابهاج اطلعع ماب....
قطع كلامها حضن بهاج ونوره ماتبي قربه فقاعده تتفلت منه وتبعد عنه بس هو شاد الحضن عليها وساكت رغم" تلفظ نوره عليه "ساكت وماقال لها شي وكان يردد بقلبه : من حقها يابهاج تنهار من حقها اسمح لها تنهار ولا تعصب عليها مهما كانت تقول فأنت سويت لها اكثر من كلمه
نوره ارخت جسدها بحضن بهاج وبهاج جلس من شافها ارتخت وجلسو وبهاج لازال حاضن نوره ونوره تبكي وساكته
بهاج يسمح على شعر نوره بحنان : ياعيني انتي لاتبكين والله اسف اسف يانواره العمر اعتذر وحقك علي واطلبي الي تبين لو تبين لورحي اعطيتك
نوره بهدوء ودموع : بطلبك تبعد عني
بهاج بأنفعال : ماعندي استعداد اتركك لغيري 
نوره : طلقني
بهاج : وش الي يرضيك ؟
نوره : جيب لي القمر وحط القمر بين يديك وارضى!
بهاج عقد حواجبه بصدمه من طلبها الغريب!
حط وجهه نوره بين يدينه وقال : هاه جبت القمر وحطيته بين يديني انتي القمر ياعيون بهاج
نوره سكتت لانه جاب راسها بس حبت تصير ثقيله وماترضى
بهاج قام وسحبها معه وطلع للحوش وأبتسم : شوفي وش جبت لك
نوره كانت هاديه ودموعها تسيل
بهاج طلع سلسال ذهب : شوفي هاذا تعويض عن الي قطعتي المره الي فاتت
وطلع عقد من الالماس : وشوفي هاذا اذا في عرس البسيه
نوره بعصبيه: انت ماتفهم اقولك مابغاك خل عندك كرامه على الاقل !
بهاج رمى السلسال والعقد بعرض الجدار وقال بعصبيه وصراخ : يانوره متى تفهمينن انتي احبك وماقدر اعيش بدونك متى تعرفينن ! طيب يعني تبين بعدي ؟ هاذا طلبك ؟ وانتي تدرين اني مارفض لك طلب حتى لو تبين روحي اعطيتك حتى لو تبين قلبي اعطيتك انتي اكثر وحده تدرين اني احبك واكثر شخص يحبك ويعزك ويحميك من عمامك يانوره وغلطت اكبر من كذا وسامحتيني وقفت على ذي ! يعني ابسط من البسيطه تزعلين وتسوين سالفه قلت لك السالفه وقلت لك اني بطلقها قلت لك بس ماش ماتفهمين وفوق هاذا كله ساكت وصابر ومتحمل كلامك الي قاعده تقولينه لـ اكثر شخص حبك طيب يانوره اقدر اقولك فمان الله ودعتك وداع مابعده رجوع فمان الله ياحب زرعته وقطفه غيري عاد مدري منهو ! استودعتك الله
وطلع وعصبيته الف وركب سيارته وحرك بسرعه جنونيه
ونوره جلست بالارض وضمت رجولها وإنهارت كل ماتزين علاقتهم تخرب زياده وناظرت الاكياس والبوكسات الي جايب لها و٧٠ الف الي معطيها ودمعت زيادهه