_________________
(مـسـتـشـفـى ديـره الــشـيـخ )
الشيخ : وشلونه
الدكتور: الولد حالته متدهوره ورئته تعبانه من الدخان وعنده فقدان شهيه وماهو اكل من امس الصبح
الشيخ: طيب وش يصير عليه اذا مااكل !
الدكتور : بيجيه فشل كلوي الماء ضروري يشربه ويصير هزيل لازم ياكل ولازم يترك التدخين لان رئته منعدمه
الشيخ هز راسه بحزن على حاله الولد الي حتى اسمه مايعرفه
الدكتور: لو سمحت ممكن تعبي بيانات المريض؟
الشيخ: والله ماعرفه شفته بالمسجد تعبان وطاح وجبته
الدكتور : طيب تعرف احد يعرفه ضروري نسجل بياناته عشان لو كان ضايع وجت الشرطه تبحث عنه نعطيه بيناته
الشيخ: مع الاسف ماعرف شي عنه غير انه جاي من الديره ال**
الدكتور : تمام اذا صحى ناخذ معلوماته
وراح الدكتور ودخل الشيخ على بهاج الي منسدح ونايم بتعب والمغذي بيده
الشيخ يمسح على شعر بهاج ويقرى عليه
بهاج وهو نايم يبتسم ويقول : لبيه يانورتي لبيه ياعروق قلبيي
الشيخ عقد حواجبه بحزن على حالته ونادا الممرضه
بهاج كشر وجهه بحزن ولازال نايم : لايانوريي لاتفهميني غلط ياروح ابوك انتي لاتفهميني غلط
وقام بهاج بفزه : نور...
سكتت من شاف الممرضه والشيخ عند راسه
تنهد بضيق : لاإله الا الله
الممرضه : لو سمحت ممكن تعبي بيناتك
بهاج غمض عيونه بتعب مو فاضي يعبي لها بيناته وفك المغذي بقوه وقام
الشيخ مسكه: اجلس ياولديي
بهاج تفلت منه : مابغى اجلس دقيقه وحدهه
ابتسم من ركز انه يقول "مابغى" مثل نوره
وفتح باب الغرفه وطلع متجاهل الممرضين والشيخ الي يمشون وراه يحسبونه مريض عليه قل صح
طلع بهاج من المستشفى وخذا شفيق زفير : ياربي خذنيي ولااشوف نوره تتزوج او تنفصل يارب اموت ولا اشوف لحضه زفها لواحد غيري ياربي خذني قبل تطلب ورقه طلاقها يارب خذ.......
قاطعه الشيخ : لالاتدعي على نفسك كذاا
بهاج بحزن : تعبتت ياعم تعبت
وجلس بهاج بحزن وحاط يدينه على راسه
الشيخ قوم بهاج وسانده ومشى وبهاج ماهو حاس بشي من كثر التعب الي هو فيه
ودخل البيت : ياعمشهه
جت عمشه تعرج بتعب : هلا
"عمشه والشيخ زوجين وكبار بالسن "
شهقت عمشه : ياويلي يامصلح وش هالليد الي جاء (الليد = الولد )
الشيخ : منهلك الليد صلحي له شوربا بسرعه مااكل من امس
بهاج كان واقف جسد بلا روح وبس يطالع فيهم وساكت
عمشه راحت تسوي الشوربه
والشيخ حط بهاج بالمجلس وراح للمطبخ يقول لعمشه السالفه عشان ماتسأله ويتضايق بهاج
~المطبخ ~
عمشه بعد ماعرفت سالفته اوجعها قلبها وهي تحب الذريه لكن ربي مارزقها لابعيال ولابنات وصارت تشوف بهاج ولدها وتعلقت فيه بمجرد ماشافت شكله وعرفت ان ابو بهاج وام بهاج زعلانين على بهاج
عمشه بدموع: يابعد تسبدي هالليد جلعها بعمري عنه ، وش اسمه؟
الشيخ : ماسألته بس حطيه بعيونك عاد لين ماتزين اموره
عمشه: ايي زين ابشر بحطه بعيوني
وراح الشيخ يكمل احتياجات البيت وعلى انهم فقراء الا انهم اجاويد ويكرمون الضيق
طلعت عمشه من المطبخ وشافت بهاج يهوجس : ياوليديي
بهاج : لبيه ياعمه
عمشه دمعت عيونها لاطالما تمنت ولد اوبنت يقولون لها لبيه
بهاج قام : افا ياعمه لاتبكين وش فيك
عمشه مسحت دموعها : مابي شي ياوليديي سمعت ان رئتك متدمره
بهاج نزل راسه بحزن : ايه ياعمه دمرت نفسي من بعدها
عمشه سحبت بهاج وجلست وهو جلس جنبها : ياوليدي هو انت اجلس وعين من الله خير وانا بنفسي برجعها لك
بهاج بحزن : ماتقدرين
عمشه : افاا الا اقدر
بهاج ابتسم وسلم على راس عمشه وابتسمت عمشه ومدت ملعقه الشوربه لـ فم بهاج
عمشه : افتح ياوليدي
بهاج فتح فمه واكل وابتسم وعمشه تعلقت فيه صارت تشوفه الدنيا ومافيها
وبهاج ياكل وهي مبتسمه لكن اختفت ابتسامتها من شافت بهاج وقف عن الاكل
عمشه : وش فيك شكله مااعجبك اعذرني ياوليدي
بهاج: لاياعمه حلوو الذ طبخ ذقته والحمدلله شبعت
عمشه : بتزعلني ياوليدي لو قلت لي ياعمه
بهاج : ياجده
عمشه : لا ياوليدي قل لي يمه
بهاج : ابشري على خشمي ياع... سكتت وقال بتردد : يايمه
ابتسمت عمشه بفرحه
وبهاج ابتسم ورجع لحاله الهواجيس اللا نهائيه وسحبته عمشه بحضنها وبهاج حط راسه بحضن عمشه وعمشه تمسح على شعره : وش اسمك ياوليدي
بهاج : بهاج بن مطلق
عمشه : منا حلو اسمك ورا ماخذا نصيب وراك ماتصير بهجه ومبتهج
بهاج : كنت مبتهج الحين طفيت من بعدها
عمشه : ابد ابد لزمت الا لااجرها وازفها عروسه لك
بهاج : يابعد كبدي يايمه
عمشه ابتسمت : ياوليدي اعذرني كاني شفايه ولاتهقى اني اتشفى لا بالله بس تعلقت فيك وابغيت اتعرف عليك
بهاج : انا اللواء بهاج بن مطلق زوج نوره القلب وشهاده اعتز فيها ان تكون زوجتي نوره بنت محمد
عمشه : ماشاء الله هو انت لواء صدق ولاتسذب ؟
بهاج طلع رخصه العمل : عاني
عمشه ماكانت تعرف تقرى بس دامه طلع البطاقه اكيد صادق : ماشاء الله
، تحب نوره مرههه ؟
بهاج تنهد وقال : قالو تحبه؟قلت ماهو بالحيل بس انه اغلى شوي من نور عيني
عمشه ابتسمت لـ اخلاصه وحبه لزوجته
بهاج قام : هه عاد انا استاذنكم
عمشه : لاياوليدي تكفى انا طالبتك طلبه تجلس عندنا
بهاج: والله مابي اثقل عليكم
دخل الشيخ : لا عاد بتجلس يعني بتجلس عندنا
وقعدو يحاولون فيه لين رضى وجلس معهم
ESTÁS LEYENDO
هــي الــتـي عـلـمـتـنـي كــيــف اعــشــقــهــا
De Todoحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
Part 56
Comenzar desde el principio
