الشــيـم

السادس والعشروטּ♡

ثالث يوم طلعنا متوجهين للمطار بسيارة جوزيف

جوزيف: - يعني هسه قررت تستقر بدبي

حسان:- اي ما عندي شي بتركيا ولا اريدها

جوزيف: - وغسان.؟

حسان:- خلي اريده يعتمد على نفسه شويه ويلتفت  العائلته

جوزيف: -  ماينعدل صار اشهر هنا يطفر من مكان المكان والطفل مشمور يم زوجته

حسان:- الطفل ما محتاج شي كل شهر مصروف كامل يوصله

تنهد بحسرة ورفع عينه باوعلي نزلت عيني منهم وهو كال

جوزيف: - بعدك مقرر تبيع كلشي هنا

حسان:- اي ما اريد شي من القديم. بس اتفق انا و. اؤكان انطيك خبر دزلي كل اليمك

جوزيف: - ان شاءالله خير. انا كم يوم وجايك بعد هاهيه كل يومين اصبح بوجهي

ضحكو ثنينهم وكال حسان

:- اشمرك من برچ خليفه اذا صدك

:- ههههه اي اذا كدرت بدوني اشمرني

ضلو مداهر لحد ما نزلنه ودعنه جوزيف ونطلقة الرحله بعد اربع ساعات انتظار.  مر اسبوع نفس الضياع بين الفنادق والامكان المؤقته  روحي طلعت تعبت حييييل تعبت  نفسيا وجسديا وعقليا.اخر يوم اجه حسان اخذني من الفندق

:- وين رايحين

:- هسه تعرفين

سكتت نص ساعة ونزلنه گدام ڤيلا بين مجموعة ڤلل ملكية لتفت علي عاگد حاجبي مصدومه

:- نگعد هنا !!

:-  ابتسم وهز راسه بـ اي : - تعالي

مشيت ويا تحت الدهشه والصدمة المحتلتني عبالي راح ياخذ بيت بسيط لان هو كال اشهر ونرجع ليش اخذ هيج ڤيلا فتح الباب ودخلنه كانت تصميم ملكي يَهول الانسان بجماله وترتبيه  للدرجة ما اگدر اوصف جماله وتصميم وابداعهم بالاختيار نداريت على صوت حسان وهو يكعد على احد الكراسي الفخمه

'- هذه راح يكون بداية الي والج

:- انت شلون شتريت هذا! !

رفع رجله على رجل وثبت ايدينه على فواصل  : -عرضت  بيتي وبيت العائله وبفلوسهن اخذة هذا

رمشت بعيوني ما مصدكه بهتت ملامحي وانا اشوف ابتسامة حسان مادري شصار بيه بقيت ساكته ما ردت اضيع فرحته اخذة استكشاف بسيط واسمع صوته بالصالة

:- لتين

رجعت للصالة الوسط: - ها

:-  مفاتيح الغرف

عفتهن وكعدت يمه: - اكول حسان

:- اسمعچ

:- يعني هسه احنه نفرين راح نعيش بهذه الڤيلا بوحدنه !