اثاريها ياسعود تقوى باهجري

Part1

ام نياف: وش رايكم نروح عند خالتكم مدام اليوم خميس وبعدين ماوراكم شي
هِيام : ايه يماما تكفين خلينا نروح امانه
ام نياف : طيب قومييي تلفلفي عشان نغدي
هِيام:   اوكيه مامي
نياف : ليه ليه ماله داعي
ام نياف:اكتفت بنضره وقامت تروح المطبخ
وقامو العيال يغيرون ملابسهم .،،،،خلصت هِيام ولبست العبايه وطالعه من غرفتها رايحه لمها للمطبخ
هِيام : ماما تبغين اساعدش
ام نياف : لا ، ولعي فحمه على النار وبخري البيت
قامت هيام تولع الفحم  راحت تجيب المجمر عشان تحطه فيه ، انتهت من تبخير البيت ، بعد ماخلصو اجتمعو بالصاله وكالعاده امهم  توصيهم على اذكارهم توكلو على الله وطلعو ،
ركبو السياره ووصلو لبيت خالتهم ،
دقت ام نياف الباب وطلعت خالتهم الجوهره وهي ترحب فيهم
الجوهره : يالله انك تحييهم ادخلو حياكم
ام نياف : الله يحيك ، كيفش وكيف العيال
الجوهر : كلهم بخيرر وكيفش انتي وكيف هِيامي الا هِيام ماسلمتي علي
ام نياف : الحمدلله ، هيام ماما روحي سلمي عليها
هِيام كانت في قمت خجلها ،حكم صغرسنها
راحت لا خالتها بهدوء وخطوات مليئة بالخجل وسلمت على خالتها
دخلتهم الجوهره المجلس وتركتهم شوي ،
حضرت القهوه وحضرت الحلا ،
الجوهره: يالله انك تحيهمم مابغيتو تجونن
ام نياف: والله انشغلت عشان دراست الاولاد
،بين ريحت القهوه العربيه مندمجه بين ريحت العود وبين السعاده وسوالف وجمعة العصريه ،،،،،،،،،بين سوالفهم وضحكهم دق باب المقلط قامت الجوهره: بروح بشوف من يطق الباب ،،،قامت طلعت تروح تشوف من عند الباب
فتحت الباب الجوهره: اهلييين سهاجج وينك ياقلبي كيفك عساك بخير ،،،،،رد نياف بابتسامه مجامله: الحمدلله يخاله باحسن حال كيفش انتي
الجوهره: الحمدلله بخير مادمك بخير امر
نياف:مايمر عليش عدو نادي لي امي
الجوهره :تبشر الحين
راحت الجوهره تنادي ام نياف
وقفت عند باب النساء ونادت الجوهره ام نياف ... الجوهره : جمعه  نياف يبغاش التفتت ام نياف وهي تنزل فنجال القهوه ... ام نياف: وش يبغى فيني
الجوهره وهي رايحه تجلس : مدري قومي شوفي
ام نياف : مافيني حيل قومي يهيام اخوش شيبغى
قامت هيام راحت لاخوها ،،، وقفت عند باب ارجال
دقيقه خل افهمكم القلط يودي على مجلس ارجال يعني غرفه فاصله عن مجلس الرجال وعن البيت شرح يبي له شرح عادي بتفهمون بعدين .... وقفت عند الباب ودقت الباب،،،جاء نياف وقال: وين امي ردت هيام: ماما مشغوله وش تبغى فيها ،،،، نياف وهو يلعب بشعر راسه :ابد بروح البقاله قولي لها تبي شي او لا ،،، راحت هيام وقالت بكل براءة: ماما نياف بيروح البقاله تبغين شي ،،،، جمعة: لا مابغى شي الله يحفضه .. قالت هيام : ماما ابي كندر عادي اقوله يجيب ؟،،،، جمعة: شوفي له ،،،، راحت هيام وهي تركض له
وقفت هيام عنده: تقول ماما ماتبي شي بس انا ابي كندر
نياف: تمام  يصير خير،ادخلي لايجي واحد من عيال خالتي ويشوفش
هيام بكل عناد : لا مابروح خلهم يجون طلعت لسانها برا تبتزه
نياف :انقلعي احسن لش لان مو بصالحش لو مانقلعتي
هيام : لا مابروح وش بتسوي اجل
مد يده نياف وعطاها كفف طاحت على الارض : هاذا الي بسويه تنقلعين الحين ولا مو بصالحش اقولها للمره الثانيه
وقفت هيام وعيونها مليانه دموع : لا والله ماتحرك مادمك مدين ايدك وعطيتني كف
راح نياف بعد مافقد الامل فيها،،،جلست واقفه مكانها وتمسح دموعها وتفكر ليه لهاذي ادرجه يمد يده شدعوه عشان عاندته والله ماروح عناد،،،، شافت زول قدامها يمد يده بيسكر الباب رفعت راسها تحسبه سهاج ،، رفعت راسها الا بشخص قدامها ورجعت خطوه ورا وطاحت عينها بعينه حست الارض تدور فيها ماتشوف غير عيون الي قدامها طالعت بمده طويله ماحست على نفسها الا على سكرت الباب وظلام الغرفه جلست تستوعب وش الي صار ومن ذا بعد ،، اسأله براسها مالقت لها جواب راحت جلست عند امها بهدوء ،،،،التفتت جمعه على بنتها متنحها : بنت وش صار وش فيش  التفت هيام وتذكرت ان اخوها عطاها كف امتلأ جفن عينها دموع : ماما نياففف مد ايده عليي وماسويت له شي والله
انخرشت ام نياف : طيب طيب له معليش منه حسابه معي بالبيت
مسحت هِيام دموعها بزعل ورجعت ونزلت راسها على كنبه وتفكره معقوله هاذا ولد خالتي كيف ولد خالتي اعرف عيالها كلهم مستحيل من يكون اممم يمكن ولد جيرانهم؟
كملو سوالف وضحكك واندمجت معهم هِيام ونست الزعل ونست موضوع الولد
في مكانن ثانيي لاكن بانفس البيت بعد ماصر الحدث طلع برا الشارع وهو يفكر بالحدث ،من ذي ومن هي بنته ؟ قاطع تفكيره نياف،، نياف: ولد،،ياله مشينا؟
ذياب : همم ايه ياله
نياف : وش تفكر فيه؟
ذياب :ولا شي
نياف:كيف ولا شي علينا؟
ذياب التفت له: ياولد تراك اشغلتني بسألتك مافيه شي امش
كملو طريقهم للبقاله ، خذو اغراضهم وطلعو من البقاله كملو طريقهم لرجعة البيت وكان نياف يسولف على ذياب بحماس الا ان ذياب تفكيره مشتت ويمثل الانتباه
نرجع لبيت الجوهره|
الجوهره وهي تضحكك: يالله يابناتي سولفتو خلصتو حاليًا سوالف كبار قومو سوو العشاء ،
قامت نود وقالت : سمي يمه الحين بسويه ، دلال قومي معي هِيام تعالي معنا ، قامو طلعو للمطبخ ، نود: دلال انا علي تقطيع الخضار وانتي عليش تنقعين الارز
دلال : تمام
وكانت هِيام واقفه عند الباب وطاحت عينها على شباك المطبخ مطل على الشارع ، شافت اخوهاا راجع طالعت بحقد فيه ،لفت انتباها الشخص الي واقف جنب اخوها نفس الشخص الي قابلته من شوي ،  الشخص من يكون ..
جلست نود عند الثلاجه تشوف وش موجود طلعت بعض المكونات والتفتت لدلال : بنت قولي لامي ان  فيه اغراض ناقصه
دلال : ايه اعرف عندها خبر وصت ذياب يروح البقاله
هنا هِيام ماجاء ببالها انه ممكن الشخص هذا يكون ذياب جاء ببالها انه شخص ثاني مو هاذا،
جلست نود تقطع وتسولف مع اختها دلال وشوي يسولفون مع هِيام
رفعت دلال راسها وضحكت والتفت لهِيام : هيامي هاذا نياف صح؟
ناضرت هِيام فيها : ايه هو ليه؟
طالعو دلال ونود ببعض وضحكو بصدمه
طالعت فيهم هِيام باستغراب: وش الي يضحك؟
دلال بصدمه: ذياب اول مره يطلع مع احد معقوله صارو......
نود كملت وهي تبتسم بصدمه: اخوياء، مستحيل ماتوقعع
هِيام ناضرت فيهم : مافهمت من ذياب ذا
ردت دلال عليها : ذياب اخوي
هِيام: اخوش ؟ بس وين شفتيه كيف صارو اخوياء
دلال:طالعي ذا الي مع اخوش هو ذياب
هِيام هنا تحاول تدارك ابتسامتها  انها عرفت من يكون هاذا الشخص وشد فضولها اكثرر وليه مايطلع مع احد وليه مستحيل؟؟
هِيام : اييه.
كملو البنات شغلهم وهم يسولفون وشوي يتضاربون ومن الي عليها بالغسيل وهِيام  تطالع فيهم بصمت
قامت هيام بطفش بترجع لمجلس الحريم التفتت دلال عليها: بنت وين رايحه
هيام: همم بروح طفشت بجلس عند ماما
دلال: ليه
نود: خليها بكيفها
راحت هيام بهدوء تام ودخلت عند امها
التفتت ام  نياف،: ماما فيش شي ليه جايه وتاركه البنات
هيام ببراءه : ماما ياله نروح طفشت
ام نياف ضحكت : الحين نتعشى ونرجع البيت روحي مع البنات
هيام : اوهه طيببب بس كم الساعه؟
ام نياف : بنت خلاص روحي
قامت هيام عند البنات بطفش دخلت المطبخ لقت الاكل جاهزز

،،،،،دلال : نوددد ياذكيهه لاااا لفيه بشوش ثم حطيه بصحن
نود:تعلميننييي !!
رفعت نود القدرر زحلق من يدها بلمحه ومايحتاج نكمل المطبخ تعبا رز
دلال حست الارض تدور فيهاا :بنتت الله ماني قايله وش سويييتتتي!!!!!!!
نود : ايش شسويتت
دلال: لا والله ماسويتي شيي يالملعوننهه تمسحينننه الحيننن قسم بالله اني لاقول لامي ،،راحت نود تجيب الممسحهً وتمسح بكل هدوء ،،،،، حضرو الاكل وتلموو وخلصوو وجاء وقت الوداع
قامت ام نياف تلبس عبايتها وتنادي هيام تلبس عبايتها
الجوهره: تعالونا بكره لا تنسون بكره جمعه والغدا عندنا
جمعه : ان شاء الله والله ماتقصرون ،،، هيامم بنت يالله ،،،،
الجوهره: يالله استودعتكم الله
طلعت ام نياف وسكرت الجوهره الباب وبكذا انتهت احلا ليلة على ابطالنا 💕