"ကျန်း... ကျန်းကျန့်... ဘာတွေ ဖြစ်နေတာလဲ" ဝမ်ဟိုင်ရှန်းက ကျန်းကျန့်အား ပဟေဠိ ဖြစ်နေဟန်ဖြင့် မေးလိုက်လေသည်။
"ဘာမှ မဖြစ်ဘူး"ကျန်းကျန့်က ဆိုလိုက်သည်။
ကျန်းကျန့်က ဘာမှ မဖြစ်ဘူးဟု ပြောကာမှ ဝမ်ဟိုင်ရှန်းလည်း စိတ်အေးသွားခဲ့ရလေသည်။ သူ့ဘေးပတ်လည်မှ လူများကို ထပ်ကြည့်လိုက်ပြန်သောအခါ ထိုလူများက သူ့အား ကရုဏာသက်ဟန်ဖြင့် ကြည့်နေကြသည်ကို ရုတ်တရက် တွေ့ရှိလိုက်ရသည်။
ဒါက... ဘာတွေ ဖြစ်နေတာလဲ... ဟယ့်ရှီရွာသားများမှာ ဝမ်ဟိုင်ရှန်းကို အမှန်ပင် သနားနေကြလေသည်။ သူတို့က ကျန်းကျန့်မှာ ယခုတွင် သူရူးတစ်ယောက် ဖြစ်သွားလေပြီဟု ယုံကြည်ထားကြသည်။ဝမ်ဟိုင်ရှန်း ကျန်းကျန့်နှင့်အတူ တုန်တုန်ယင်ယင် လမ်းလျှောက်လာသောအခါ ကျန်းကျန့်ထံမှ ချိန်းခြောက်ခံထားရခြင်းကြောင့် ဖြစ်မည်ဟု တွေးနေကြပြီး သူသယ်လာသော စန်းရှောင်ရှန်းမှာ ကျန်းကျန့်ထံမှ အရိုက်ခံထားရခြင်း ဖြစ်မည်ဟုပင် တွေးတောနေကြလေသည်။
အဆုံးတွင် ထိုသူက ရမန် အရာရှိတစ်ယောက်နှင့် တိုက်ခိုက်ရဲခဲ့သူဖြစ်သည်။
ကျန်းကျန့်က တန်ဖိုးရှိသော ပစ္စည်းများနှင့် အစားအသောက်များအားလုံးကို သူ့အိမ်မှာသာ ထားထားသည်။အခြားအိမ်က အလွတ်နီးပါး ဖြစ်နေလေပြီး ဝမ်ဟိုင်ရှန်း၏ မိသားစုကို ထိုအိမ်တွင် နေခိုင်းထားလိုက်သည်။ ထို့နောက် သူပြောလိုက်သည်။
"အိမ်ကို မနေခင် အရင်ဆုံး ရှင်းဖို့ လိုတယ်... မင်းတို့ဘာသာ မီးမွှေးလိုက်ကြ... ငါ့အိမ်ဘက် မလာနဲ့"
"ဟုတ်ကဲ့ပါ... ဟုတ်ကဲ့ပါ" ဝမ်ဟိုင်ရှန်းက ထပ်ခါ ထပ်ခါ ခေါင်းငြိမ့်ပြလိုက်ပြီး အလွန် ရိုးရှင်းလှသော ရွှံ့အိမ်လေးကို ကြည့်လိုက်သည်။
ဝမ်ဟိုင်ရှန်းက သူ့လှေပေါ်တွင် အသုံးဝင်သည့် ပစ္စည်းအချို့ ရှိသော်လည်း အများကြီး မဟုတ်ပေ။ အကြိမ်များစွာ သယ်လာပြီးနောက် သူက အကုန်လုံးကို ယူလာနိုင်ခဲ့ပြီး မကြာမီပင် အခြေကျသွားသည်။ ထိုအချိန်၌ မှောင်စပြုနေခဲ့လေပြီ။
YOU ARE READING
တစ်ဦးတည်းသောချစ်ဇနီး(ကျန်းကျန့်)
General Fiction💥New BL ဒါဒါတို့ရေ... ရှေးခတ်ကျေးလက်တောရွာကို ကူးပြောင်းမှ ကြိုက်ပါတယ်ဆိုတဲ့ဒါဒါလေးတို့အတွက် အသစ်လေးလာပါပြီ .... ရှားပါးတဲ့ MC Gong ပါနော် Gp လေးက ၂ခု ရှိပါမယ်ရှင် Gp 1 (1 _140) ငွေလွှဲ ၂၅၀၀ / bills 3000 GP 2 (141 _END ) ငွေလွှဲ ၂၅၀၀ / BILLS 300...
တစ်ဦးတည်းသောချစ်ဇနီး(ကျန်းကျန့်)
Start from the beginning