اختي الصغيرة كاعدة بحضن ابوي وامي تباوع تلفزيون
واني اراجع لامتحاني
نزل اخوي الجبير من غرفته
- تعاي سرى
- اجيت ....رحت وراه للغرفة
- راح اطلع نص ساعة واجي الكه الغرفة تلمع تمام؟
- عندي دراسة اريد اكمل !
- مو خطية انتِ تعرفين شيصير مو ؟
- باوعتله بقهر ضحك عليه وطلع .... نظفت الغرفة انكسر ظهري يالله كملتها
عندي عائلة شيطانية ما ترحم احد ....
ابوي امجد يفضل اخواني عليه بالمختصر ميحبني نهائياً
امي نور اختصر كلشي عنها ( ما عندها بنت اسمها سرى)
اخوي مصطفى يعتبرني خدامته واذا ما سمعت كلامه اخذ ضرب ما صاير
اختي نورهان صغيرة شيفهمها ؟ بس كل ما انضرب تضحك وتتشمت بيه .
- نزلت جوه بعد ما كملت تنظيف ابوي صاحني
- شجنتي تسوين
- انظف غرفة مصطفى
نور : نظفتي غرفتنا ؟
سرى : ما كلتي نظفيها ....ما حسيت غير راشدي فر وجهي .... هـ هاي ليش ؟
امجد : تردين على امج هيج؟
سرى : ما حجيت شي والله
امجد : امشي صعدي لغرفتج وجهج ما اشوفه الله يخلصني منج
سرى : ابتسمت وصعدت ... متعودة
6:30 فجراً - الثلاثاء
- كعدت راجعت لامتحاني وبدلت ورحت للدوام بدون ما اشوف اي شخص من اهلي
رحت للدوام والوضع طبيعي وحلينا من الدوام
من وصلت لشارعنا لمحت شخص واكف يم المحل القريب على بيتنا حسيت نفسي اعرفه مشيت من يمه بيناتنا شعرايه بس ...... وره ما عبرته اكو ولد صاحله
- امير .. عرفت هو نفس الشخص العرفته !
يصير ابن ابو المحل واحنا علاقتنا وي ابوهم قوية وهم تقريباً جيراننا
حاولت ما اهتم للموضوع بس رجعت للبيت عقلي بس يفكر بي اول مرة هيج يصير وياي مجرد نظرة
عندي ماضي ويا چنه اصدقاء حيل بسبيل احنا جيران
نشاقة ونضحك سوه وكل يوم نشوف بعض لكن مع الايام كبرنا وما صرنا نشوف بعض ومن بعد اشهر طويلة شفته لاول مرة متغير حيل .
مر يومي طبيعي كضيتها بغرفتي واطلع بس انظف لحضرتهم وارجع لغرفتي
وبعد الايام اللي داومتها ما شفته ابد لحدما اجه السبت
راسلني شخص ع الانستا من حساب وهمي
- سلام عليكم ؟
سرى : اترددت ارد عليه بس رديت
وعليكم السلام ؟
وره دقايق رد
- حضرتج سرى من منطقة ***** و مدرسة *** ؟
- تفضل منو انت؟
- لتفهميني غلط ولا تاخذين نظرة سريعة بس كملي كلام وياي
- احجي
- اني صديق امير جيرانكم اللي ابو يصير المحل
- اي عرفته وشرايد
- جبت حسابج من بعد عناء اكثر مما تتخيلين اريدج بموضوع والاريده منج بس تفهمين
- اتفضل ؟
- من يوم الثلاثاء و امير يحاجيني عنج بكل تفاصيلج بكل ماضيكم بكلشي ... انتِ ماخذه عقله
واخاف تكولين هو دازك عليه الله يشهد محد دازني واني اجيتج حتى اكلج هالشغلة وقبل ما اسوي شي اكيد اخذ أذنج ف عادي يعني انطي حسابج لامير ؟
- صفنت ما اعرف شكول ..... شلون جبته لحسابي ؟
- تعبت والله سالفة طويلة
- يعني امير يحبني !
- ميت بيج
وعلى فكرة ردت انطي حسابج لان هو كلي ( اذا احصل فرصة بالواقع او حسابها عندي كلام الها بكد الدنيا )
- شوف اخي انطي حسابي واني راح اتصرف ويا
- مو تفشلي ترا ولهان بيج وداعت امي
- الله كريم
سديت المحادثة واني طايره من الفرح يعني أخيرا الشخص الماخذ عقلي هيج يفكر اتجاهي ؟
ضليت طول الليل انتظرة وماكو ف نمت
كعدت الصبح ب8 بس اني بالبيت كلهم بالدوام واني دوامي ظهري رحت غسلت واكلت واخذ تلفوني
شفت بقائمة طلبات الانستا حساب اسمه امير مراسلني ب2 بالليل كاتب - سرى؟ -
طرت فرح ما عرفت شسوي رديت عليه
- نعم ؟
- أخيرا لكيتج !!!!!
- منو انت ؟
سويت نفسي ما أعرفه حتى لا يشك باي شغلة
- اني امير ابن المحل اللي يمكم
- اها .. اتفضل ؟
- باعي سرى اريد احجيلج كلام هواي بس لا تكتبين اي شي لحدما اخلص كل كلامي والج الحق تحجين واتمنى ما تاخذين اي نظرة عني حلو؟
- اسمعك
___________________________________________
اعرف البارت قصير لكن بداية اول بارت
565 كلمة
بالبارتات الجاية تعبر ال1000 ان شاء الله ♥️.
