မှန်တာပြောရင်အငယ်ကသိပ်လက်ခံချင်တဲ့လူစားမျိုးမဟုတ်။ကလေးဆန်ဆန်နှုတ်ခမ်းကိုရွဲ့လိုက်သေးသည်။
အများတွေအမြင်မှာကျတော့ အငယ်ကသိပ်ကိုတည်ငြိမ်ပြီးမာနကြီးတာပေါ့။ တကယ်တမ်းမှာတော့ အားလုံးက
ဖူးဖူးမှုတ်ချစ်ကြလို့ တစ်ခါတလေ နားပိတ်ပြီးကလေးဆန်နေတာ။
''ပြီးတော့ အငယ်လည်းအစ်ကိုဟိန်းထက်ကိုချစ်နေတာပဲမဟုတ်လား''
''ဘယ်သူပြောလဲ ပေါက်ကရတွေ''
မျက်လုံးပြူးနဲ့ကပျာကယာထမေးလာတဲ့အငယ်ကိုကြည့်ရင်း သွေးပြုံးစိစိ။ ရှက်နေတာ ရှက်နေတာ ။ ပေါ်မလာရင်မသိစိတ်ကမျှော်နေပြီး ပေါ်လာပြန်တော့ မောင်းထုတ်ပြန်တာ။ အငယ်က အစ်ကိုဟိန်းထက်ရဲ့ လူရှုပ်လူပွေဆိုတဲ့ဘွဲ့တော်ကြောင့် အစ်ကိုဟိန်းထက်ကို အယုံကြည်နည်းနေတာ။
''နောက်ကိစ္စတွေကိုနောက်မှရှင်းကြတာပေါ့အငယ်
ဘာမှတွေးပူမနေနဲ့ အငယ့်ဘက်မှာအားလုံးရှိတယ်
အစ်ကိုဟိန်းထက်ကထိပ်ဆုံးကပေါ့ အခုပြန်အိပ်တော့
ကိုကြီးတို့လည်းအိပ်တော့မယ် မနက်ဖြန်အလုပ်သွားရဦးမယ်''
''ဟွန့် လင်ကိုဖက်အိပ်ချင်တာများအကြောင်းပြချက်
မျိုးစုံနဲ့ ''
အငယ့်အပြောအောက်မှာ သွေးအူယားသဖြင့် အိပ်ရာကိုပြင်ဆင်ရာက အငယ့်ကိုပြုံးပြုံးလေးလှည့်ကြည့်သည်။
''အယ်ရိုးး ရှိလို့ဖက်ခွင့်ရတာ ဖက်ရမှာပေါ့''
အငယ်ကခေါင်းခါပြီးထွက်သွားသည်။ ဦးနဲ့စိမ်းနေသေးတုန်းဆိုအငယ်က သွေးတို့အခန်းထဲသိပ်မလာတတ်။
ဦးနဲ့ညီအစ်ကိုအရင်းလိုလည်းရင်းနှီးသွားရော သွေးနဲ့ကျ
ရန်ဖြစ်ပေါ်တွေဖြစ်သွားကုန်တာ။
ရင့်ကျင့်တည်ငြိမ်တဲ့အငယ်ရဲ့ပြောင်းလဲခြင်းက
အစ်ကိုဟိန်းထက်ရောက်လာကတည်းကစခဲ့တာ။
အစ်ကိုဟိန်းထက်ကြောင့်ပဲအငယ်ကအနိုင်ယူတတ်လာ
တယူသန်တတ်လာတာ။
အစ်ကိုဟိန်းထက်စတဲ့ဇာတ်လမ်းမို့ ဇာတ်သိမ်းကိုလည်း အစ်ကိုဟိန်းထက်ကိုပဲသွေးသိမ်းခိုင်းလိုက်ခြင်း။ ဦးရှိနေတာမလို့ အစ်ကိုဟိန်းထက်ကို သွေးရာနှုန်းပြည့်ယုံကြည်ပါသည်။
