ကူးပြောင်းလာတိုင်း အမျိုးသားဇာတ်လိုက်ရဲ့လက်မောင်းထဲမှာ သေဆုံး။

Part 63

မန်နင်က လူအများကို ကောင်းကောင်းနားလည်မှု မရှိသည့်တိုင်အောင် အခြားသူများကို ဒုက္ခပေးသည့်အဆင့်ထိ မရောက်ခဲ့ချေ။ ကုနန်ချန်က သူမ ကူညီပေးခဲ့သော လူတစ်ယောက်ဖြစ်ခဲ့ပြီး တိုက်ရိုက်ပင် ထိုသို့ ကျေးဇူးအဆပ်ခံရပြီးနောက် ထိုသို့ တစ်ဖက်လူ၏ ရည်ရွယ်ချက်ရှိရှိဖြင့် သိက္ခာချခြင်းကို ခံခဲ့ရပြန်သည်။ ထိုကဲ့သို့ ကိစ္စအလှည့်အပြောင်းကို တွေ့ကြုံပြီးနောက် တစ်စုံတစ်ယောက်က သေချာပေါက် ပြောင်းလဲသွားပေမည်။ ရပ်ကြည့်သူ တစ်ယောက်အနေနှင့် သူမကလည်း သေချာပေါက် ပြောင်းလဲသွားရမည် ဖြစ်သည်။

သူမက ထိုသို့ရှောင်ပိုင်ဟွားနှင့် မိတ်ဆွေ မဖြစ်ချင်ချေ။

ကုနန်ချန်၏ မျက်နှာက ပျက်ယွင်းသထက် ပျက်ယွင်းလာသည်။

မနေ့ညက ဘာဖြစ်မှန်း သူမလည်း မသေချာတော့ချေ။ သူမက ရုတ်တရက် အိပ်မက်ဆိုးမက်ပြီး ကြောက်လန့်တကြီး နိုးထလာသည်။ သူမ မျက်လုံးဖွင့်လိုက်သောအခါ လူတစ်ယောက်က သူမကို တက်ဖိထားကြောင်း မြင်လိုက်ရသည်။

သူမက နောက်ပြန်လဲကျသွားပြီး ထိုအရာနှင့် မျက်နှာချင်းဆိုင် ကြုံလိုက်ရသည်။

လျှောက်လမ်းမီးများက မပိတ်သေးချေ။ အပြင်တွင် လေတိုက်သံက ရှိနေသေးသည်။ ညတွင်လည်း ရောင်စုံမီးများကို ဖွင့်ထားသည်။ ထိုအလင်းရောင်က မှန်တံခါးကို ကျော်ဖြတ်ဝင်ရောက်လာပြီး သူမကို ထိုအရာကို ရှင်းရှင်းလင်းလင်း မြင်လိုက်ရစေသည်။

ထိုအရာ၏ မျက်နှာတွင် သွေးများက စေးကပ်စွာ ရှိနေပြီး သူမ၏ မျက်နှာပေါ်တွင် စီးကျလာသေးသည်။

ကုနန်ချန်က ထိုအချိန်က အလွန်ကြောင်အသွားခဲ့ရသည်။ သူမက လက်ဆန့်ပြီး သူမ၏ မျက်နှာကို ထိတွေ့ကြည့်လိုက်သောအခါ စေးကပ်သည့် ခံစားချက်ကို ရလိုက်သည်။ သူမ၏ နှာခေါင်းထိပ်မှလည်း သံချေးနံ့လိုလို ထူးဆန်းပြင်းထန်သည့် အနံ့မျိုးကို ရလိုက်လေရာ သူမကို အန်ချင်စိတ်ပေါက်လာသည်။

မူလက ဒီတိုင်းအိပ်မက်သာ ဖြစ်မည်ဟု ထင်ခဲ့သည်။ သို့သော် ထိုသို့ မဟုတ်ခဲ့ချေ။