هــي الــتـي عـلـمـتـنـي كــيــف اعــشــقــهــا

Part 44

_________________________
(بـيـت ابـو عـبـد الله )
ابو عبدالله: ها خلصتو الي خلص يجيب كراشيعه بحطها بالسياره
ام عبدالله: بكرا حطها موب الحين بدري
ابو عبدالله: عشان اول مانقوم نتلها لمكه بأذن الله
غدير: يبه هاذي اغراضي
ابو عبدالله: واختك؟
غدير: مدري والله بس اكيد شوي وتخلص
ابو عبدالله: اييه زين يلا هاتيهم
غدير اعطتهم الشناط وخذاهم ابو عبدالله
وئام: خلصت
ابو عبدالله : هاتيهم
واعطتهم
وبهاج يتصل على غدير
غدير : نعم (زعلانه عليه عشان المقلب )
بهاج: افاا
غدير: طيب
بهاج: يااختي الكبيره والسعيده والحنونه انني متأسف جدا ، ترى كل هاذا عشان اضبط المقلب لنوره
غدير: وشش؟ مقلب ليش طيب انا وش دخلني تتجاهلني
بهاج: انا اسف .
غدير: تمام وش تبي؟
بهاج: تكفين ياختي السعيده خذي السوني معك وبالطريق اعطيني
غدير: يعني مرهه ماتقدر تعيش بدون السوني؟
بهاج:مرهه ماقدر
غدير: تمام
بهاج: لبى كبدك
غدير ابتسمت وقفلت الخط .
ابو عبدالله: وش يبي؟
غدير: السوني
ابو عبدالله: يرابي ياذا الولد مايكبر ويعقل
ام عبدالله: خله يتسلى
ابو عبدالله: وهاذا الي بسويه بخليه

_________________________
(بـيـت بـهـاج )
دخل بهاج البيت بعد ماخذا اجازه من دوامه ومعه كوبين قهوه لنوره وجدتها
ونوره وام سحاب يلعبون تحت المطر وصوت ضحك نوره مالي الحوش
تكى بهاج يتأملهم ونزل القهوه ورفع يدينه لسماء يدعي : يارب إن وجودها في حياتي قادر يسعدني بكل لحظه وأنت وحدك من يعلم بقدر حبها بقلبي حباً لايراه سواك ربي بقدر حبي لها وخوفي وقلقي عليها أحفظها بعينك التي لاتنام وأجعلها في ودائعك التي لا تضيع وأجعلها اسعد خلقك واحرمها من تعب وشر دنيتك وأخرها
نوره بأبتسامه: جديده ياحلو المطرر
ام سحاب: مطر ومقابل وجهس وش احلى من كذا
بهاج : حبيت الكلمه بعتمدها
نوره: بهاج؟ من متى وانت هنا؟
بهاج: لبيه، توي جيت امسكي قهوتك وهاذي لخالتي
نوره خذتها والابتسامه شاقه وجهها
ام سحاب: يويلي كفها عني اخر عمري اشرب قهاوي؟ افلح افلح
بهاج بضحكه: طيب جربيها هههههههههه
ام سحاب: لا ان شاء الله ماعاد اباها
بهاج: طيب جربي
ام سحاب: ماباها
بهاج تخصر: ووين اصرفها؟
نوره بضحكه: جديده خليتيه يتخصر خذيها هههههههههه
ام سحاب: والله ماتطب نحري
بهاج: اوهه ليش تحلفين؟
ام سحاب: وش اسوي لك مايمشي معك الا الحلف
بهاج:هههههه ، ايي صح ماخلصت اهم شغله بروح ربع ساعه واجي
نوره: ويي مامدا تجي!
بهاج مسك خد نوره :دقايق بس
نوره: تمام
وراح بهاج
وام سحاب : ياحليلكم
نوره: جديده يلعن شكله يجذبني !
ام سحاب : ماجذبس لحالس جذبني معس
نوره ماتت ضحك وتمسك بطنها من الضحك: بطنيي هههههههههه ،كأنك تحمستي شوي هههههههههه
ام سحاب : هههههههههه
وبعد ١٠ دقايق اتصل بهاج
نوره: لبيه
بهاج: لبيت حاج المهم انتم بالحوش؟
نوره: ايه
بهاج: تمام خلوكم هنا بوريكم شي وابعدو عن باب الكراج بدخل السياره
نوره: يلا ننتظرك
وفقلت الخط
ام سحاب : وش يبي؟
نوره: يقول بوريكم شي خلوكم بالحوش وابعدو عن الكراج بدخل السياره
ام سحاب : اييه زين
وابعدو عن الكراج وفجأء دخلت سياره ماتعرفها نوره!
بهاج فتح الدريشه: ها كيف ؟
نوره تحولت ملامحها لصدمه : بهاجج وين سيارتك الي قبلها
بهاج نزل : ليش وش فيك على الشاص ترى بنسافر فيه
نوره : لا تكفى وظهري؟!
ام سحاب: علامك على سيارتك الي قبلها
بهاج : انا عندي ثلاث سيارات الاولى الي نوره ساقت فيها وسحبتها الشرطه وطلعتها واعطيتها السواق حق ابوي والثانيه سيارتي الاساسيه اللكزس وهاذي حقت المزرعه بس مو كثير اشتغل فيها
نوره كشرت من طاري المزرعه تذكرت سالفه الفديو وهي فعلاً شافت هالسياره بالمزرعه
بهاج كان مرفع الشاص يعني صعب على نوره وام سحاب يركبونها مرتفعه مرهه
بهاج: اييه وعندك هنا مرفعها والصدق اعجبتني وبعتمدها وبنسافر فيها
نوره: اللهم اني استوعدك ظهري
بهاج: مريحه ازهليي
ام سحاب: ولد مهبول انت تراك لواء اعقل ورجع الجيب الابيض !
بهاج: ياخالتي وش اسوي ياخي عاداتي القديمه مقدر اتركها
نوره: ماني بمسافره رجع اللكزس!
بهاج بكذب : اللكزس احلمي فيها تعبانه شوي قلت اريحها
نوره: اجل ماني مسافره
بهاج : من فوق خشمك تسافرين
نوره بعناد: مابغى قلت مابغى !
بهاج مسك خشم نوره: طرق من فوق خشمك ويلا البسو عبيكم بناخد لنا فره
نوره : مابغى
بهاج: قلت غصب
نوره: افف مابغى جدتي شوفيه !
ام سحاب فصخت زنوبتها(يكرم القارئ) وحذفتها على بهاج : يالموذي اترك البنت
بهاج يحك مكان الضربه: اوهه ياخالتي الله يسامحس وش سويت عشاني بونسها العوبا
ام سحاب حذفت الزنوبه الثانيه : ها خذها وانا مزون
بهاج: اهبب ياوجهه ماشاء الله قنيصه ، وش يعني جدولتو عليي؟
نوره: تستاهلل
بهاج تقدم وشال نوره
نوره: ورع نزلنييي
تجاهلها وحطها بالشاص وحط الامان عشان ماتطلع
ام سحاب : مهبول ؟ اترك البنت
بهاج : خالتي دقيقه جايك الدور
ودخل البيت
ام سحاب : يويلي وقله واليي ليكون الحين يقشني مع نوره
اما نوره الي تحاول تفتح الباب بس مو قادره
جاء بهاج ومعه عبايه ونقاب نوره وشنطتها وعبايه ام سحاب
بهاج: البسي ياخالتي
ام سحاب لبست
بهاج : ياخالي اركبي ولاتسمحين لـ نوره تنزل بتمشى فيكم هاذي جزاتي
ام سحاب: ازهل ازهل
بهاج دق تحيه : عزززز
ام سحاب:هههههههههه
بهاج يأشر لنوره بمعنى"لاتحاولين ماراح ينفتح الباب "
وركبت السياره ام سحاب وركب بهاج وصارت نوره بالوسط
بهاج: امسكي البسي
نوره لبست عبايتها بقله حيله
بهاج: مناسبب حبيبه القلب كتفي بكتفها وطريق طويل الله وش احلى من كذا
نوره: وش تقول؟
بهاج: سلامتك
وتمشو بالامطار وبهاج يتفلسف عليهم وهم يسلكون له
بهاج بفلسفه: ايه زي ماقلت المكان ذا يمكن له تقريباً ٤٥ سنه وانا اتذكر اول مازينو كنت مشرف عليهم
نوره تبي تحشر له : قلت قبل كم سنه؟
بهاج : قبل ٤٥ سنه تقريباً
نوره: وانت كنت حاضر بنايته؟ يعني يوم يزينون المكان
بهاج: اييه نعم كنت حاضر
نوره: وعمرك كم كان وقتها؟
بهاج : بحدود الثلاثين
نوره: اييه ماشاء الله والي اعرفه انك ماوصل الثلاثين
بهاج: لا كذب حالياً عمري ٤٠ سنه شايب عود
نوره: اييه ماشاء الله الله يطول بعمرك
بهاج: امين وياس بس ليش حاس انك تحشرين لي؟
نوره: لا ابداً
بهاج: اييه عبالي بعد
نوره جت بتقول سالفه : اييه صح ماقل.....
بهاج رجع راس نوره عشان يشوف ام سحاب: لو سمحتي طرفي عن الموضوع شوي
نوره :ها؟
ام سحاب : اسلم
بهاج: خالتي الحين بنزجع للبيت وزي ماوعدنا بعض بعد صلاه العشاء
ام سحاب: بعد في شي غير السياره؟
بهاج: ايه على وعدنا
ام سحاب : ازهل
بهاج: كفو ياخالتي كفو
نوره تنهدت: سكتت عن سالفتي لكن مابسكت عن هالوعود الي كل ماسألتكم تتهربون من الاجابه ! جاوبو
بهاج: انا مالي دخل
ام سحاب : لا سذوب هو ساس البلا
نوره: والله اني داريه
بهاج بتصريف : بنروح للبيت يلا
نوره: اففف
ورجعو للبيت ونزلو وبهاج راح يزبط الشغله الي لـ نوره
ام سحاب : نوره بالله عليس تمكيجي بنروح لـ ام مصلح
نوره: ومن ذي ام مصلح؟
ام سحاب: تكشخي وتعرفينها
نوره : تمام
وراحت نوره تتمكيج