ထို့နောက်မှာ အခန်းရှေ့ရောက်တော့ အသားကျနေပြီးသားဖြစ်တဲ့ တံခါးလက်ကိုင်ကို လှမ်းခုန်ကာ အောက်ကိုဆွဲချလိုက်တော့ ပါပါးတို့အခန်းတံခါးက ပွင့်သွားပေတယ် ။ အဲ့လိုနဲ့အခန်းထဲရောက်တော့ ဝေ့ဝိုက်ကြည့်တဲ့အခါ ကုတင်ပေါ်မှာဒယ်ဒီကမရှိ ။ သို့ပေသိ ရေချိုးခန်းထဲကရေကျသံကြားတာကြောင့် ရေချိုးခန်းရှေ့မှာ အော်စကာငုတ်တုတ်လေးထိုင်စောင့်နေမိတယ် ။ ခဏအကြာမှာတော့ ဒယ်ဒီထွက်လာတာမလို့ ခုန်ပေါက်ကာဖြင့် ခန္ဓာကိုယ်ကိုတစ်ပတ်လည်အောင်လှည့်ပြလိုက်တယ် ။
" မင်း မင်း ဒီလာဦး "
ဒယ်ဒီက ကုတင်ပေါ်မှာခေါင်းသုတ်ရင်း လက်ပြကာခေါ်တော့ အော်စကာဟာ ဒယ်ဒီ့ရှေ့ငုတ်တုပ်လေးထိုင်လျက်သား ။ ဆပ်ပြာနံ့သင်းသင်းလေးက ပါပါးဝယ်ပေးထားတဲ့ အော်စကာ့ရဲ့ရေချိုးဆပ်ပြာနဲ့တောင် တူသယောင်ယောင်မို့ ဒယ်ဒီ အော်စကာ့ဟာတွေ သုံးလာသလားလို့တွေးမိလိုက်တယ် ။
" ဘာတွေအံကြိတ်နေတာလဲ "
စိတ်ကတွေးနေပေမယ့် အော်စကာက ကိုယ့်ပစ္စည်းသူများထိရင်မကြိုက်တာကြောင့် ခန္ဓာကိုယ်ကတော့အလိုလိုတုန့်ပြန်မိတယ် ။
' မကြိုက်ဘူးလို့ ဒယ်ဒီရ အော်စကာ့ဆပ်ပြာတွေ ယူမသုံးနဲ့ လူဖြစ်ပြီး အော်စကာ့ဟာယူသုံးတာမရှက်ဘူးလား '
" ဘာတုန်း တအီအီ တအူအူနဲ့ တစ်နေ့တစ်နေ့မင်းလောက် စကားများတာ မင်းပဲရှိတယ် ၊ မင်းလောက်အလိုက်မသိတာလဲ မင်းပဲရှိတယ် ညညဆိုကိုယ့်အခန်းကိုယ်အိပ်ဆိုလည်း ဘယ်တော့မှနားမထောင်ဘူး ခွေးပါးဝတယ် မင်းက "
ဒယ်ဒီ့စကားတွေကြားတော့ အော်စကာအခန်းထဲကနေလှည့်ထွက်ခဲ့လိုက်ပြီး အောက်ထပ်ကပါပါးဆီ ခပ်မြန်မြန်ဆင်းသွားလိုက်တယ် ။ ပါပါးကတော့ အော်စကာ့ခြေသံကြားတော့ အနောက်လှည့်ကြည့်လာတာမလို့
' ပါပါး ဒယ်ဒီက အော်စကာ့ကို ခွေးပါးဝတယ် အလိုက်မသိဘူး စကားများတယ်တဲ့ ပါပါး ဒယ်ဒီကမကောင်းဘူး အော်စကာ့ကိုအဲ့လိုပြောစရာလား ဟုတ်တယ်မလား ပါပါး '
အခန်း - ၁
Start from the beginning