قصة"اتفاقية زواج "الأول
كانوا التلاتة قاعدين في جاردن فيلا "اهل اروى "
(شادي) بغرور
_أنا مش عاوز اتجوزك
شوحت (أروى) بسخرية
-حوش حوش قال يعني انا اللي هموت واتجوزك..
(شادي) بقرف
_بيئة!
(أروى):
-حيوان!
(شادي)وقف بتحذير :
_احترمي نفسك بقولك؟
(أروى)ببرود:
- مش لما تبقى تحترم نفسك انت الاول ابقى احترم نفسي أنا ساعتها!
(وائل) بيحاول يهديهم:
"جرا ايه يا جماعة ما تستهدوا بالله ايه اللي حصل بس لكل دا"
(شادي) شاورله عليها بغضب:
_يعني انت مش شايف يا وائل دول جايبنلي مصيبة عشان اتجوزها!
(أروى) وقفت هي كمان بغضب:
-مصيبة تاخدك يا بعيد بقى بتقول عليا أنا مُصيبة يا كائن الضفدع!!
(شادي):
_يا بنتي اتقي شري واحترمي نفسك!
(أروى):
-يا ماما تصدق خوفتني!
(شادي) ل"وائل":
_شايف..شايف يا عم وائل مجايب أبوك ؛ الجوازة دي لأ يمكن تتم مستحيل اعيش مع البت دي!
(أروى):
-بت أما تبتك يا حيوان
شادي كان جاب آخره وخلاص كان رايح عليها يضربها بس لولا وائل اللي انتبه له وقام يوقفه
(وائل) :
"اهدى يا شادي هتعمل ايه يبني انت اتجننت عاوز تضربها"
(شادي):
_يا وائل ابعد بس وسيبها وانا هربيها بس والله
(أروى) بإستفزاز:
-هي مين دي اللي عاوز تربيها دي يا عنيا طب ابقى قدم كدة وشوفني هعمل فيك ايه!
(شادي) :
_ يا سلام طب ما تعرفينا هتعملي ايه يعني
(أروى) بغرور:
-لا يا بابا انا مش بقول انا بنفذ على طول ؛ العظماء اقوال لا افعال !
(شادي) :
_على كدة انتِ بقى العظيمة!
(أروى) :
-غصبا عنك عظيمة!
(شادي) :
_ ما هو باين ماشوفتش الصراحة اعظم من لسانك الطويل اللي عايز قطعه
(أروى):
-لساني برضو اللي عاوز قطعه ولا مناخيرك الكبيرة ال قد السد العالي ال عاوزة تتقطع ويتبني مكانها حاجة على روحها !!
(شادي) اتحرك ناحيتها تاني بغضب:
_مش قادر والله ما قادر سبني عليها اقوم اربيها يا وائل بالله عليك ؛ والله هعملها إعادة تربية بس!
ولتاني مرة (وائل) يقفله:
"يا ابني امسك نفسك انت ناسي انتوا هنا ليه؟!"
(شادي)
_أنا بقولك ايه وانت بتقولي ايه؟؟ انت مش واخد بالك دي قالتلي ايه؟؟ دي بتقول على مناخيري أنا طويلة ، على اساس ان مناخيرها هي مش قد قمة إفرست وناقص سنتي ونتسلقها
أنت تقرأ
عيناكِ وطنٌ "إسكريبتات"
العاطفيةعندما أخبرتني أنها حلمت بي شعرت بالإنتصار يالهُ من إنتصار التوغل في عُمق الأعماق حيث لا مُتسع لشخص آخر سِواي ..🥹🩵🍯
