My beloved school president (binhao)UxZ(complete)

အပိုင်း(၅)

"ကဲ ကလေးတို့ "

အတန်းပိုင်ဆရာမက ရောက်လာတာကြောင့် ဟာအိုဆရာမဆီအကြည့်ပို့လိုက်တော့ ဆရာမဘေးမှာ လူတစ်ယောက်ကို
တွေ့လိုက်ရတယ် (တစ်နည်းအားဖြင့်ပြောရရင် အရမ်း
ကြည့်ကောင်းတဲ့လူပေါ့ )။

"အားလုံးလဲ သိပြီးလောက်ပြီဖြစ်ပေမယ့် ဒါက
မင်းတို့အားလုံးရဲ့စီနီယာအစ်ကိုကြီး နိုင်ငံ့ဘတ်စကတ်ဘော
လက်ရွေးစင်အသင်းထဲပါသွားလို့ ကျောင်းပြီးအောင်မတက်
ခဲ့ရဘူး ၊ ဒီနှစ်မှ အသင်းကခွင့်ပြုပေးလို့ ကျောင်းလာတက်တာစာသင်ရင်း လေ့ကျင့်ရမှာမို့ စာမလိုက်နိုင်ရင်ကူလိုက်ကြဦးနော်"

"ဟုတ်ကဲ့ပါ "
ဆရာမစကားကိုအားလုံးတစ်ညီတစ်ညာတည်းထောက်ခံလိုက်ကြသည်။ ဘယ်သူက နိုင်ငံ့လက်ရွေးစင်ကစားသမားနဲ့
မရင်းနှီးချင်ဘဲနေမှာလဲ ။

"အားလုံးပဲ အစ်ကိုက ကင်ဂျီအွန်းလို့ခေါ်ပါတယ် "
နာမည်လေးမိတ်ဆက်လိုက်ရုံနဲ့ လက်ခုပ်သံက ဟာအိုတို့ပြောင်းလာတုန်းကနဲ့ခြားနားစွာ အခန်းကြီးပါပွင့်ထွက်မတတ်ကျယ်လောင်တာမို့ ဟာအို ထိုလူကိုဘဲ ကြည့်နေမိတော့သည်။

"ဂျီအွန်းလေး လွတ်တဲ့နေရာတွေရှိတာမို့ ကိုယ်ကြိုက်တဲ့နေရာကိုဝင်ထိုင်လိုက်နော် ဆရာမ ရုံးခန်းခဏသွားလိုက်ဦးမယ် "

"ဟုတ်ကဲ့ဆရာမ "

ထို့နောက်ဂျီအွန်းဝင်လာတော့ ကိုယ့်ဘေးမှာနေရာလွတ်ရှိတဲ့
လူတွေက ဂျီအွန်းဘယ်သူ့နားထိုင်မယ်ဆိုတာ ရင်ခုန်ရင်း
သူတို့နားမှာလာထိုင်ဖို့ကိုလည်းတိတ်တိတ်လေးဆုတောင်းနေကြသည်။

သို့သော်ဂျီအွန်းက လွတ်တဲ့ ခုံဆီကိုမသွားဘဲ ဟာအိုနောက်မှာထိုင်နေတဲ့ ကောင်လေးတစ်ယောက်ရဲ့ရှေ့ကိုသွားရပ်ပြီး

"ဒီကညီလေး အဆင်ပြေရင် အစ်ကို့ကိုနေရာဖယ်ပေးလို့ရမလားအစ်ကိုပြတင်းပေါက်နားမှာထိုင်ချင်လို့ "

ဂျီအွန်းက ယဥ်ယဥ်ကျေးကျေးပင်တောင်းဆိုလာတာမို့တစ်ဖက်လူက ရကြောင်းပြောပြီး တခြားနေရာလွတ်ခုံဆီကိုရွှေ့သွားလိုက်တော့သည်။

ဟာအိုတို့ကျောင်းက နှစ်ထပ်ဖြစ်ပြီး ဟာအိုရဲ့အခန်းကနေ
ဆို ဘောလုံးကွင်းကိုလှမ်းမြင်ရသည်။ ဟာအိုက
ပြတင်းပေါက်ဘေး နောက်ဆုံးခုံရဲ့ ရှေ့တန်းမှာထိုင်တာမို့
ဂျီအွန်းရဲ့နေရာက ဟာအိုရဲ့ နောက်မှာဖြစ်သည်။
စာရေးစားပွဲတွေက တစ်ယောက်ခုံတွေဖြစ်တာကြောင့်
ဂျီအွန်းလိုအားကစားသမားတွေအနေနဲ့ စာသင်ချိန်အခန်းထဲမှာမှောက်အိပ်ရင် ဘယ်သူ့မှအနှောင့်ယှက်ပေးလို့မရဘဲ
အေးအေးချမ်းချမ်းအိပ်နိုင်မည့် နေရာပင်ဖြစ်သည်။