_________________________________
(بيت ابو نجلاء)
ام نجلاء : خلني ادق على ام رائد ،الو سلام عليكم
ام رائد: ي هلا وعليكم السلام وشلونس
ام نجلاء: الحمدلله وانتي وشلونس؟
ام رائد: الحمدلله
ام نجلاء: والله يام رايد والله اني مستحيه منس ومدري وش اقول لكن بنتي نجلاء بالجامعه ومحد يقدر يجيبها اذا رائد ماعنده جامعه يقدر يجيبها؟
ام رائد: لا ياختي هاذهو منصرع بالمجلس راقد ماعليه شي اليوم وبثوره يجيب جولي ابد هاذي جولي حبيبه قلبي
ام نجلاء: جزاس الله خير يابعد تسبدي
ام رائد: هاذا واجبنا
ام نجلاء: الله يسعدس
ام رائد : ويسعدس
وابتسمت وقفلت الخط
_________________________________
(بيت ابو هيام)
دخلت عليهم هيام مفقع وجهها .
هيام ببكى: يبه
ابو هيام: وش فيك يابنتيي
هيام ببكى: ضربوني يايبه ضربوني
ام هيام : وشش؟ من الي تجراء ويمد يده على بنتيي!
هيام: نوره ضربتنيي
ابو هيام: طيب ليهه
هيام: مدريي
ام هيام: طيب يالسوسه نوره والله ماتركك وتشوفينن
ابو هيام: لاعاد ذي مصختها ولازم نوقفها عن حدهاا!
هيام: كفو
ابو هيام: امشو نروح لبوي هو الي يعرف لها
ام هيام: اي بالله هاذا علم ماينسكت عنه
_________________________________
(الديره - بيت ام مساعد )
ام سحاب: اييه على ماقال الحمدلله على كل خير وانا اختس
ام مساعد: ايه بالله عدت على خير الحمدلله
ام سحاب: الحمدلله على كل حال
ام مساعد: الا وش صار على نوره؟
ام سحاب بأبتسامه: والله يأن عيونها تطلع قلوب من حبهه وهو بعد مايصبر عنها دقيقه والله يخليهم لبعض
ام مساعد: على الي سمعت انهم زواجهم اجباري؟
ام سحاب : ايه بالبدايه بس ماطولو الا وحبو بعض
ام مساعد: وزواجهم على ورق بس؟
ام سحاب : لاحول ولا قوه الا بالله ابك وش دخلكم بحياتهم ورق ولا حقيقي انتم وش عليكم!
ام مساعد : ههه لاماقصدي
ام سحاب قامت: اجل صمي نحرس عن هالاسأله ويلا سلام
ام مساعد : وين وين
ام سحاب : نوره تبي تجي العصر
ام مساعد: توصل بالسلامه
ام سحاب : الله يسلمس
_________________________________
(بيت ابو رائد )
رائد راقد بالمجلس
ام رائد : ولد قم جب اختك
رائد بصوت مليان نوم: يمه وداد جبتها خليني ارقد
ام رائد : ولد قم قامت قيامتك استغفرالله خليتني ادعي عليك يملا العافيه
رائد بنوم: الله يسامحس
ام رائد: قم جب البنت انصهرت تحت هالشموس
رائد: ياليل ياذي البنت منهيي؟
ام رائد: نجلاء بنت عمتك
رائد: ابك علامها علانا !
ام رائد : يارابيي منا كثر هرجك ياولد قم جبها من جامعتها
رائد: هالبنت حتى وانا بحال سبيلي متولجتني
ام رائد :قم قم بس
رائد قام والنفسيه بخشمه
_________________________________
(بيت الجد عبدالرحمن)
الجد عبدالرحمن يمسح على لحيته بتفكر : اها
هيام ببكى: ايه ياجد مدت يدها علي قليله الخاتمه
الجد عبدالرحمن: ايه زين اوريك فيها
ام هيام: ايهه كفو خلك عليها
ابو هيام: معك يابوي
الجد عبدالرحمن: اجل بنت محمد تمد يدها على حفيدتي؟ هيهي والله ماتمسي الليله !
هيام: بروح معاك
الجد عبدالرحمن: يلا
وركبو سيارتهم ومتجهين لبيت ابو عبدالله
YOU ARE READING
هــي الــتـي عـلـمـتـنـي كــيــف اعــشــقــهــا
Randomحياكم الله البيت بيتكم اقلطو اقلطو💗 نبذه بسيطه عن الروايه نوره البطله التي تسكن عند جدتها المريضه بمرض شديد وتضطر الجده تزويج نوره لحمايتها من اعمامها✨ لااستبيح النقل💗✨
Part 41
Start from the beginning
