الخازوق الأسود

الخــزق الـثـانـيـة عـشـر

الأكـبر: انجب شنو بلا فايدة وين أكو واحد عاقل يكمش علاگة بيهة لحم بدمة ومعفن وعظمة ميستفاد منهة غير للسحر !!!!

الكـابر: وهنا كلهم ديكولون خوش آدمي ! اكلك انتَ بقة حتى تشك بية انا !!!

دفعتة: انجب وراح نبقة هنا يجي أبو المحل ونتأكد بنفسنة، لان انا متأكد شكي بمحلة من الي شفتة، ونوح اذا جان وياه ومشاركة الا اسحلة من اذانة هذا الزعطوط !

الكـابر: وانتَ ليش هلگد حامي على الولد !!!

الأكـبر: لان مبين عائلتة فقيرة ومالهم بهاي السوالف وهو وحيدهم، اذا سوة هيج سوالف يوگع بيهة أهلة وانتَ كلش زين تعرف شنو اقصد..

هز راسة ورحنة لأبو فلافل قريب واشترينة لفات ثنين وگعدنة على صبة ناكلهة ونباوع على المحل مالة، ومو بس انا حتى الكـابر حس بشي غريب بيه، مو شكل المحل لا وانما الشؤم وضيقة النفس الي حسيناهة جانت مو طبيعية أبد !!!

نفس ضيقة النفس الي تجينة من ندخل لبيت واحد مسحور !!

بس ربع ساعة گعدنة وهاشم دگ علينة وكل ضروري تجون واحنة بعد اضطرينة نعوف المكان..

إرَم

گاعدين مثل كل مرة بالبيت بروتينة العادي وأمي خابصة الدنيا هاي الفترة ليش مردولنة خبر على الموافقة وهمة اساساً ممر غير يومين على طلبنة الهة وأم خاتون كلتلنة اسبوع ونردلكم خبر لان الولد مو دوم التواجد بالبيت وهو توقعنة يعني اخذوهة حجة علمود يسألون علينة، بس أمي لا تريد هسة يردولنة الخبر.

وهم هسة مثل العادة نوح گاعد ويسولف لأبوية الي ديصير وياه بالشغل وأبوية صافن عليه.

حولت عيوني على أبوية الي كل: يا أبني شنو رأيك تغير شغلك وتروح لغير مكان لحد ما الگة محل شي نشتغل بيه انا وياك سوية !!

نفة نوح براسة: لا بوية ماگدر اعوف الشغل !

أدريس: چا المن تشتكي هلگد مو تكولي ممرتاح !!

نوح: افهمني بوية انا ماگدر اعوف الشغل ماگدرر !!!!

حط أبوية أيدة جوة خدة: چا شتريد بس فهمني !!!

باوعنة عليه كلنة بصدمة من كل: انا جاي اكوللكم اخاف مستقبلاً يصير شي علية علمود تعرفون على الاقل..

صاحت أمي: صخام الضخمك على هذا الحجي، أدريس هذا الولد مسحور وحدة من مسموماتنة مسوياتلة عمل، خلي نتلاحگة وناخذة يقرون عليه !!!

نوح: بعد ربطيني بشريفة بت الحسن، يمة رحمة لدينج سكتي !

أدريس: نوح عليك العباس شغلك بيه مشاكل الك عوفة وانا والگالك شغل بمكان احسن !