آنة آهواك و اتحمل تعَب گلبكّ.
ولا فَديوم أمِل منّك اظنّ تِدري .
و فَرفحْ رُوحي هَم أقبل .
مَا اگلك دكافِي و عيَب .
أنتَ وليِدي المدَلل .
*****************
وگفت سياره گدامنه والخوف سيطر عليه نزل ثعبان وصاح
ثعبان: شعندك جاااايييي
انفتح باب السياره وطلع هزبر بطلته الحلوه ههه اي والله حلووه لابس اسود وجسمه حلوو ويمشي بهيبه يعني الكُل عنده شخصيه وحلوين بدون مجامله
سبع: ههههههه احب دخولك الرهيب
هزبر: هههه اعجبك حجي
اجه و سلم ع السبع واني نزلت من السياره اباوعلهم شلون واحد حاضن الثاني وهزبر كض سبع دگ بوكسيات وسبع ماقصر وتعاركو بنص الشارع ادخل ثعبان عبالي راح يفاككهم تالي تعارك وياهم
ليل: ادرررري زعاطيييط
سبع: مقبوله منج بعد روحي
ليل: دگومو گومو شوفو كل واحد اكبر من البعير
بقو صافنين عليه واني غطيت بملابس من الفشله اووف اله گدام ثعبان لان هزبر وسبع عادي اجفص گدامهم بس ثعبان علاقتي مو كلش وياه وهوه ثگيل ومايحجي هواي مدري بس گدامي
هزبر: تره صدگ كل واحد جنه بعير
ثعبان: صدگ جا اني ليش مو مثلكم
هزبر: انتَ ابعر من عدنه
ماتحملت طگيته بضحكه بس اكيد مااطلع صوت اني متعوده اضحك بس بدون صوت يعني مو مثل ذني الي يضحكن ويگلبن الدنيا لا من اريد اضحك اكمم حلگي واضحك بصوت ناصي
هزبر: ادري جاي تضحكين لو شنوو
ليل: هههه ايي
هزبر: يمةةة جا بناتنه اذا ضحكن يفززن الميت من گبره
سبع: حبيبي هاي مرتي بكلشي مختلفه
هزبر: ايي واني اتفق
سبع: يله تعالو نرجع تعبت من العرك خرب بحضك هزبر
هزبر: حجي مشتاقلك ومشتاق اتعارك وياك
سبع: هاي شنو كلكم مشتاقيلي
هزبر: ايي والله گلبي طاگ عليك وانتَ اكيد شتاقيتلي
سبع: لا والله اصلاً مااذكركم
هزبر: گبررر لهل جهرهه
ثعبان: تصعدووون لووو شلوووون
سبع: جاااي جاااي
اجو صعدوو ورجعنه بطريقنه ضحك وسوالف ماتحملت نمت بالسياره واني گايله ماتحمل اذا ما انام لحد ما گعدت فتحت عيوني مو نفس الغرفه طلعت لبره مو نفس بيتنه نزلت لجوه مالگيت احد بقيت افتر بالبيت واني مااعرف وين هسه فتحت الثلاجه لان جعت لگيته متروسه مسواگ طلعتلي تفاحه سديت جوعتي ورجعت افتر بالبيت صاح الاذان صليت وكملت شكرت ربي لان طلعني من هاي الورطه بعد اريد ارجع لحياتي اريد اعيش بهدوء تعبت من كلشي شلت السجاده وبقيت انتضر لل9 سمعت الباب نفتح احس بعد نفس مابيه توقعت راح يرجعون يخطفوني بس طلع السبع
