حضرت الظابط عفيفي (Snow White)

part7

جه الليل علي ابطالنا وجه معاه معاد أنهم يروحوا مكان التدريب،قام أسر ولبس هدومه
أسر:انا هاجي بكرا الصبح الاقيكي جهزتي الهدوم بتاعتنا علشان نرجع القاهرة
سجي: أسر أنا مسافرة
أسر:نعم
سجي في نفسها:ياربي أقوله ايه علي الشهرين دول الي هكون فيهم تدريب
سجي:مسافرة جالي شغل برا مصر أيوة برا مصر
أسر وهو عارف الحقيقة:برا مصر اه طب انا مش موافق
سجي:علي فكرة بقي ديه حياتي وهما كام شهر هنقضيهم سوا ومش من حقك تتحكم فيا
أسر بعصبية:انا جوزك حتي لو لمدة معينة ومن واجبك ودينك بيقولك انك تسمعي كلامي
سجي وهي بتدب برجلها في الأرض:يووه بقي وحيات اغلي حاجة عندك يا أسر
أسر: ماشي يا سجي أما نشوف اخرتها معاكي،انا ماشي
يمشي أسر وتروح سجي بسرعة علشان تجهز وتروح التدريب لأنها كده هتوصل بعده لانه معاه العربية فأسرع
أما عند أسر يوصل للمكان ويقف قدامهم ينادي علي الاسامي وهو واثق أن عفيفي مش بينهم
أسر:عفيفي
مفيش رد
لطفي:شوفت يا استاذ مروان اهو كمان النهاردة متأخر مش قولتلك من البداية ده عيل خرع
مروان:اتلم يا لطفي محدش عارف ظروفه ايه بعد موت جده وهو مسافر البلد فتلاقي خد.وقت علشان الطريق
____________________
اما عند سجي
نزلت من الميكروباص الاول ملقتش حاجة تركبها خالص وهي متأخرة طبعا قعدت تبص يمينها وشمالها لغاية ما لقت عربية بيجرها حمار
راحت عند الراجل الي راكب عليها
سجي بصوت ضخم: السلام عليكم
الراجل: وعليكم السلام اتفضل يا استاذ
سجي:معلش يا بلدينا انا زي ابنك عايز بس تاخدني في طريقك لغاية****لحسن ورايا تدريب ولو اتأخرت هيعذبني القائد ويبهدلني شغل وانا هديك الي انت عايزه
الراجل:طيب يا ابني اركب
بعد شوية وقت وهما عالطريق
الراجل:ياااه يعني معقولة امك باعتكم بالسهولة ديه يا سجي يا بنتي لا وكمان فرحانة في موت ابوها وتطلعه مجنون
سجي:اه والله يا عمي ابو طارق يلا اديني اهو بعد موت اخر شخص ليا وحتي كمان مش عارفه هخلع ازاي من حوار الجيش ده
(أيوة زي ما توقعتم سجي حكت لأبو طارق كل حاجة وأنها بنت)
ابو طارق:والله يا بنتي ما عارف اقولك ايه بس اظن كده لما بتخلصوا تدريب تقدروا متشتغلوش وكمان هسئلك في الموضوع ده
سجي:حبيبي يا عم ابو طارق بس اوعي تقول علي حكاية بنت ديه
ابو طارق:عيب يا بت هقول طبعا أن الموضوع لقريبي
وبعد مرور بعض الوقت نشوف سجي هي وأبو طارق علي العربية علي بيجرها حمار وهما بيغنوا وبيسقفوا
سجي وأبو طارق:والليل وسماه ونجومه وقمره،وانت وانا يا حبيبي انا
وتيجي سجي عند يا حبيبي انا تقعد تزغزغ ابو طارق
وبعد شوية وقت
سجي:يا صاحبي للأمانة طلعت سد خانة وقفت ياما جمبك وانت مصمم عالندالة
ابو طارق بضحك: يخربيت دماغك يا سجي
ووصلوا اخيرا قدام مكان التدريب
(هتقولوا الطريق طول هقولكم لا بعد مرور وقت ديه يعني مثلا عشر دقايق او خمس دقايق كده)
تنزل سجي من العربية
سجي: كام يا عم ابو طارق بقي
ابو طارق:ولا حاجه يا بت يا سجي ده انتي زي بنتي
سجي: لا ما انا خدت رقمك وكل أما أخرج وارجع هركب معاك فلازم تاخد مني فلوس الطريق والا والله ورحمة جدي هزعل منك ومش هركب معاك تاني وخلي بقي كلاب السكك تنهش في عضمي و....
ابو طارق بمقاطعة :بااااس ايه كل ده هاتي يا سجي انا عارفك مش هتسكتي هاخد منك**
سجي:بس ده قليل قوي
ابو طارق:انجزي يا بت هتتأخري
اديتله سجي الفلوس بس طبعاً زيادة عن الي طلبه وطلعت تجري علي البوابة ودخلت الاوضة غيرت هدومها وخرجت تروح لمكان التدريب
لطفي:اهلا استاذ عفيفي لسة فاكر تيجي
أسر:لطفي انا القائد هنا وانا الي اتكلم فاهم ولا لا
لطفي:اسف يا أسر باشا
أسر:يلا يا عفيفي انضم ليهم في التدريب
وشرح لهم التدريب الي المفروض يعملوه
سجي في نفسها:ايه ده هو ازاي مهزقنيش واداني تدريب زيادة بس يلا يا بت يا سجي انتي اصلا مش في نفسية للفرم ربنا يرحمك يا جدو الوحيد الي كنت ليا بعد اهلي
وتبدأ سجي تدريباتها ويجي وقت الراحة تقعد سجي في مكان بعيد عن الكل وعن الدوشة وتعيط ويشوفها أسر
أسر:بتعيط ليه
سجي وهي بتمسح دموعها:مفيش حاجة يا قائدج ده بس حاجة دخلت في عيني
أسر:انا عرفت أن جدك توفي
سجي بفزع:ايه عرفت ازاي
أسر بكدب:مروان قالي
سجي:اه
أسر: ربنا باعتنا هنا الدنيا يا عفيفي علشان نعبده لغاية ما يجي يومنا الي نموت فيه كلنا لينا يوم منعرفهوش بس الاكيد اننا لازم نشتغل علي نفسنا ونعمل اسم لنفسنا علشان الكل يفضلوا فكرينا يفضل اسمنا محفور جواهم لما نموت محدش هيزعل علينا غير اهلنا وهيعيطوا بس يوم في التاني ويجي شهر في سنة في أربعة هيبطلوا عياط لو كانوا في الاول بيزورونا كل يوم هيبطلوا الموضوع ده بعد فترة وهيعيشوا حياتهم لأن ديه الحياة لكن لو لينا اسم كل شخص هيفتكر أو يشوف حاجة عملناها في يوم قبل ما نموت هيدعيلنا علشان كده لازم نعمل اسم لنفسنا فهمتني
سجي:فهمتك بس انا مش زيك يا أسر بيه انا....
سجي في نفسها:انا مش بختار حياتي بنفسي لا الكل بيتحكم فيها
أسر:كمل يا عفيفي
سجي:مفيش حاجة يا باشا انا بس جدي وحشني
ثم بكت وبحرقة:محدش جرب أنه يعيش طول عمره يتيم ،عنده اب وام بس أبوه مش عايزهم وامهم تبيعهم علشان تتجوز محدش جرب أننا انا واخواتي نقعد نلف علي كل قرايبنا علشان بس ننام ولو ليلة عندهم وهما مفيش علي لسانهم غير كلمة لا وبس محدش جرب يبات في الشارع جعان وكمان مش قادر تجيب حتي فلوس علشان تأكل اختك وانا واخويا نلف علي اي شغل  ومفيش وفي الاخر نلاقي جدنا بيدور علينا وياخدنا نعيش معاه وانا واخويا نشتغل علشان منبقاش عالة علي حد وفي الاخر نقعد لوحدنا ونكون اب وام لبنت عندها 5 سنين بس زنبها ايه الطفلة الي اتولدت ولسة مش فاهمة حاجة تلاقي امها تزقها لما تحضنها لا وكمان ترميها في الشارع وفي الاخر جدي يموت الضهر والسند الوحيد خلاص مات
ثم جلست علي الارض وبكت كما لم تبكي من قبل وأسر وطي حضنها جامد ونسي أنه قائد ونسي أنها عاملة راجل ونسي كل حاجة
أسر:انا اسِفلك اسف لكل حاجة مريتي بيها والله هعوضك عن كل ده صدقيني
وسجي منهارة ومش مركزة في حاجة كل الي عملته اتمسكت اكتر بحضنه واغمي عليها
أسر لقي صوتها سكت وايدها فكت من حواليه
أسر:سجي
بيبص لقي عينها مقفولة وفقدت الوعي
أسر: سجي سجي صدقيني مش هسيبك
وقام شايلها ودخلها الاوضة وطلب دكتورة ست تكشف عليها
_______________________
اسفة لاني منزلتش امبارح بس والله انشغلت جامد حقكم عليا وأن شاء الله هنزل كل اربع
اشوفكم البارت الجاي واتمني تقولولي رايكم خاص ولو بتقرأوا من الواتباد ياريت متابعة حلوة زيكم وvote❤️ وكومنت
بقلمي: Snow White ❄️🌪️
وما ادراك امتزاج الجليد مع العواصف ليصنعوا كاتبة تمزج ما بين الواقع المؤلم والخيال الرائع❤️