သူကတ်သလို ကိုယ်လည်းလိုက်ကတ်ချင်လာတယ်.. ။
" ငါမေးတာမဖြေချင်တိုင်း ငါ့ကိုလွှဲချသလိုနဲ့ စကားလမ်းကြောင်း မပြောင်းနဲ့.. "
" စကားလမ်းကြောင်း ပြောင်းနေတာမဟုတ်ဘူး.."
" ဒါဖြင့် ဖြေလေ.. "
" OG ကိုစိတ်ဝင်စားလို့.. ရပြီမလား.. "
" အဟက်.. သေချာလို့လား "
သားငယ် တမင်တကာ မဲ့ရွဲ့ပြီး ခြောက်ကပ်ကပ်ရယ်လိုက်သည်.. ။
ဒီလောက် ရွေးစရာရှိနေတဲ့ထဲကိုမှ OG ကိုပဲလိုချင်တာတဲ့.. ။
အကြောင်းရင်းက စိတ်ဝင်စားလို့ဆိုတိုင်း လွယ်လွယ်ယုံရမှာလားတဲ့.. ။
ဒဲ့ပဲမေးချလိုက်ချင်တယ်.. ။
နင့်ကိုကိုက OG မလို့ OG လိုက်ယူတာမလား..။
ဆရာဝန်တောင် နင့်ကိုကို ဖြစ်စေချင်လို့ ဆရာဝန်ဖြစ်အောင်လုပ်ခဲ့တာပဲလေ.. ။
ဒါတောင် ထပ်ပြီး OG တဲ့လေ.. ။
ဒီကောင် ဒေါသမထွက်ရဘူးလား.. ။
အရာရာတိုင်းကို သူလွှမ်းမိုးနေမှဖြစ်မှာလား..။
ဘဝ တစ်ဆစ်ချိုးမှာ အရေးကြီးတဲ့ဆုံးဖြတ်ချက် လုပ်ရတိုင်း.. သူနဲ့လွတ်ကင်းပေးလို့မရဘူးလား..။
နှစ်တွေကူးခဲ့ပြီ ရတီ.. ။
ခုထိ နင့်ရင်ထဲကနေ အဲ့ကိုကိုဆိုတာကြီးကို ထုတ်မပစ်နိုင်သေးဘူးလား.. ။
ငါက ခု နွားဆိုတဲ့ကောင်နဲ့ ဘာထူးတော့လို့လဲ..။
ဒီလောက် ပေးဆပ်ထားပြီးချစ်နေတာတောင် မလုံလောက်သေးဘူးလား.. ။
" သားငယ်.. နင် ဘာရယ်တာလဲ "
ဟက်ခနဲ သူ့ရယ်သံက လှောင်နေမှန်းခံစားမိတာ မှားနေသလားပဲ.. ။
" OG ကိုမှ စိတ်ဝင်စားတာကို ရယ်မိတာ.. "
" ငါ စိတ်ဝင်စားလို့မရတဲ့ ဘာသာရပ်မလို့လား.."
" ဘာသာရပ်ကို စိတ်ဝင်စားတာလား.. ဒါမှမဟုတ် လူကိုလား.. "
" ဟမ်.. လူ.. ဘယ်ကလူလဲ "
မသိချင်ယောင်ဆောင်ပြီး မေးတဲ့ပုံစံလေးက တကယ်ပီသပါပေတယ်.. ။
YOU ARE READING
Zee (Unicode)
Romanceငါ နင့်ကို သိပ်ချစ်တယ်ဆိုတာ နင်သိရင် နင်ငါ့ဘယ်ဘက်ရင်အုံမှာ နင့်လက်လေးတင်ချင်လာလိမ့်မယ်.. နင့်ကိုချစ်တဲ့အချစ်အကြောင်းကို နင်ပိုသိချင်လာပြီးပိုနားထောင်ချင်လာလိမ့်မယ်.. နောက်ဆုံးကျရင် ငါ့ရင်ခွင်မှာနင်ခိုနားလာရလိမ့်မယ်.. ။ ဘယ်လိုလဲ.. စမ်းကြည့်ချင်လား ။ ...
Part (30)
Start from the beginning
