قُـتـام

البارت الـ 11_⚜️

-لارا: چا من گلتلكم ما اگدر ليش تگلي بسرعه

-محمد: شمدريني عبالي تتنعوصين بس من شلتها انخسف ضهري ..

تعشينه وكملنه وگمنه طلعنه ؏ الحديقه الجو حيل حلو والحديقه احلى .. چانت مليانه ورد جوري احمر واجوائها شتويه ودافيه بيها نسمة برد قليله ...

-نورس: منو يريد چااي

-صُهيب: رحم الله والديچ انطيني استكانه

-لارا: اني هم اريد

-ادهم: انطيني وياهم

-نورس: يابه من عيوني كلكم انطيكم

تقدمت انطت صُهيب ورجعت انطتني ووزعتلهم كلهم .. خلصت الگلاص وخليت ايدي جوه راسي اباوعلهم واتسمع لحچيهم .. بس بردت حيل .. انتبهتلي نوريه واشرتلي بالعوچيه وگالت

-نوريه: تعالي بسدي من عمت عيني بردتي مو

-لارا: اي بارده حيل

گمت بسرعه من البرد وهيه فتحتلي حضنها چانت گاعده ؏ الفراش ومتغطيه بالبطانيه

دخلت وياها بالبطانيه ونمت على رجلها وتغطيت اباوعلهم
حضنها دااافي

مسحت على شعري واردفت

-نوريه: يمه هذا قميصچ خفيف يبعد بيتي

-لارا: مو بارده

-نوريه: اشو خل اشوف

دخلت ايدها داخل البطانيه تلمست زنودي وشهگت

-نوريه: يمصخمه زنودچ ثللج وچ انتِ شلون تلبسين مشلح بعز الشته؟!!

-لارا: الله عمه ايدچ دافيه

-نوريه: ولچ عمه شنو اني جدتچ كولي بيبي

-لارا: اي نفس الشي

كملت سالفتي وعطست عطسه قويه بحيث بلعومي انفتح

-لارا: الحمدلله

- رحمكم الله

-نوريه: انتِ شلون بيچ .. ولچ يمه راح تصخنين أموري گوم جيب فالينه بسرعه

-امير: بيبي تعبان

-نوريه: انتو شبيكم كل ما احچي ويه واحد تعبان .. گووم جيب لأخيتك فالينه گوم