غزة

3

بارت 3

آليا : ،يله ماما راح اروح لبيت عساف

ام آليا : تمام بنتي دربالج عله نفسج وهاج هاي فلوس أشتري شي بس تأكلي

آليا : تمام ماما اني احبج هواي

( رحت لبيت عساف وطلع عساف بوجهي وضحك بوجهي ضحكه خله ابتسامتي متفارك وجهي طول ليوم ومستحيل اتخطىٰ هل أبتسامه ولمعه عيونه بكلبي. )

عساف : هلو آليا وين جنتي شتاقيتلج هواي نطلع شوي نشتري

آليا : امي نطتني فلوس امشي نشتري اني وياك امشي امشي

عساف : هلاو يعني ليوم عازمتني شراح يخلصني من لسانج حتضلين يومية تكوليلي اشتريتلك

آليا : هسة مو زين دشتريلك و انتَ يايوم مشتريلي

عساف : هاج شوفي من بدايتهة تكوليلي هيج

( ضحكنه سويه وضلينه اني وعساف طول لطريق نضحك ونسولف ومحسينه بطريق لان جنه نسولف بكل حب واهتمام سويه اني جنت احب عساف بس هوا مجان يدري لحد ما وصلنه للمكان الي نشتري منه )

عساف : آليا خلي نشرتي حلويات من هل محل ونضل ناكل بيهن بالطريق

آليا : يلا يلا خل نشرتي

( واني جنت دامشي بطريق واعثر و اوكع عل ايدي واشوف عساف يجي عليه بكل خوف وحرص ويكلي شبيج خاف تعورتي ويجيب مي وينضفني ويمسح التراب من ملابس )

( بهذا الوقت اني عرفت لو الدنيا صارت كلهة ضدي اقبل بس لمهم عساف يضل يمي )

عساف : كومي ياعيوني خاف تاذيتي كومي نرجع للبيت بعدين نشرتي كومي

آليا : لا مابيه شي لتخاف لتخاف

( ورجعنه للبيت واشوف عساف يخاف عليه ويداريني و لازم ايدي ويمشيني بطريق علمود ما اعثر و اوگع حسيت بالامان حسيت بالراحه حسيت بالحب صار عساف يوم عن يوم يكبر بگلبي وبعيني حسيت الدنيا كلهة تبتسملي )