" ဇွဲခါယံ ...မင်း မင်းငါကိုသေအောင်သတ်နေတာလား "
" ကျွန်တော်ဘာလုပ်နေလို့လည်းဖေဖေ "
"ဘာကွ...မင်းမို့လို့စောက်ရှက်မရှိမေးရဲသေးတယ် မင်းလို့သားမျိုးမွေးထားရတာ ငါရှက်တယ်ကွ "
"ဟမ်း....ဖေဖေရာ သားကဘာလုပ်နေလို့လည်း "
အခါ အပြင်ကပြန်ရောက်ခါရှိသေး ဖေဖေရဲ့ ဒေါသတကြီးဆူပူလာတာကြောင့် စိတ်ညစ်သွားရသည်။ အခါလိုသားမျိုးမွေးထားရတာရှက်တယ်တဲ့ ရှက်လည်းအစကတဲ့က မေမေကိုဖေဖေ မထိခဲ့သင့်ပါ ။ အခုမှ အခါကိုမွေးထားရတာရှက်တယ်လာပြောနေတာ ဒါမျိုးကိုအခါလက်မခံပါ ။
သားဖြစ်သူက လှောင်ပြောင်စွာရယ်လိုက်တာကိုမြင်၍ ပိုပြီး ဒေါသထွက်လာရသည်။ နေ့တိုင်းပြသာနာပေါင်းစုံရှာလွန်းတာကြောင့် အချိန်တန် ကိုယ်ခေါင်းပေါ်ရောက်လာသည်။ယနေ့လည်း ကုမဏီထိ ဉီးတိုင်းကျော်ကရောက်လာ၍ တိုင်ကြားသွားသည်။ဉီးတိုင်းကျော်သားက ဒဏ်ရာ ရသွားတာကိုသိရ၍ ကိုယ်မှာ သားဖြစ်သူအမှားကြောင့် အောက်ကျို့စွာတောင်းပန်းခဲ့ရသည်။
ကြားဖူးပါတယ် မိဘတွေက စီးပွားရေးကိုဘဲ ကုန်းကျုံးလုပ်နေရလို့သားသမီးတွေကိုအချိန်မပေးနိုင်တာကြောင့် ဆိုးကြတာဟု၍ ကိုယ့်သားကထိုလို့မဟုတ်ပါ ။ သားလေးတစ်ယောက်ထဲမွေးထားတာကြောင့် ဂရုစိုက်၍ ချစ်ပေးခဲ့ပါသည်။ ဖခင်မေတ္တာကိုလည်းအပြည့်အဝ ပေးခဲ့သော်လည်း ဆိုးလှတဲ့သားကြောင့်ရင်လေးလှသည်။
ဉီးဇွဲလွင်မှာ သားဖြစ်သူကိုဘယ်လိုဆုံးမရမယ်ဆိုတာ မကြံတက်တော့ပါ။ ဆုံးမတိုင်းလည်း တစ်ပတ်လောက်ငြိမ်သွားတက်ပါသည်။ ဒီလိုပုံဆန်ဖြင့် သားဖြစ်သူကို မထားချင်တော့တာကြောင့် အကြံတစ်ခုရသွားသည်။
အခါကို ဖေဖေက မနိုင်ဘူးဆိုတဲ့ပုံဆန်ဖြင့် သက်ပြင်းချ၍ ခေါင်းကိုရမ်းခါ၍ အခန်းထဲကိုဝင်သွားသည်။ အခါလည်း ဂျာကင်ကို ပုခုံးပေါ်တင်၍ အပေါ်ကိုပြေးတက်လာလိုက်သည်။ အခါကိုဖေဖေနဲ့မေမေကချစ်တာကြောင့် တော်ယုံဆိုမပြောကြပါ။ မနေ့ကပြသာနာဖြစ်ခဲ့တဲ့ကောင်ရဲ့ဘိုးတော်က ဖေဖေကိုလာတိုင်ကြားသွားတာကြောင့်ဆိုတာ ခန့်မှန်းမိပါသည်။