"لمحتكِ..ياريم الفلَا وذبحني هواكِ".

Part9

الثلاثاء
-١١:٠٤ صباحًا-
ريم"لا لا ماحبيت،الكوشه بيضاء افضل"
نوره"لا ياحبيبتي مب على كيفك"
شذى"انا اقول تخليها ورديه"
المها"من باقي يحط وردي"
العنود"لا لا،بيج افضل"
مشاعل"انا اقول بنفسجي فاتح"
ضحى"عرسي ولا عرسكم؟"
ريم"عرسك"
ضحى"اجل اعقبو"
مشاعل"بس عرس اخوي"
نوره"صح عرس اخوها"
ضحى"ابك خلوني اركز،بخلي الكوشه بيج"
العنود"اقولكم ذوقي الافضل"
المها"يوه الحين تشوف نفسها"
مشاعل"مايحتاج عانيها من الحين شافت نفسها"واشرت على العنود الي قامت تعلك وتناظرهم من فوق لتحت بغرور
شذى"الناس يعلكون بشويش،انتي تحركين راسك كامل مب بس فمك"
نوره"شفي كيف تعاين بس"وقامت تقلد العنود
شذى قامت تضحك وتضرب كتف مشاعل
ضحى"ابك خلاص اشغلتونا، المفروض تواسوني"
ريم وهي تطبطب على كتف ضحى"تصير تصير"
مشاعل"يبيلها موسيقى حزينه،المها غنيلنها"
العنود"بجهز دموعي لحظه"وقامت تتغصب البكيه
المها"ابشرو احم احم،لايليلايـ..."فطست ضحك وماقدرت تكمل كلامها
نوره"هذا وش"
شذى"وش تسمين ذا"
المها"فن"
العنود"امحق،خربتي الدراما"
—
نايف"ويا معرسنا تهنيت"
هايف"وياا معرسنا تهنيت"
نايف"وتزوجت اثنين"
هايف"وتزوجت اثنيـ..،لا لحظه ماتزوج اثنين"
نايف"كمل وانت ساكت"
اما الوليد وعبدالله يرقصون وفارس وعبدالرحمن يصفقون،ونواف يزغرط
عبدالرحمن"والله وقدحت وسويتها"
الوليد يعدل شماغه بغرور"من قدي،محدد قدي"
نواف"مين قدك ياكبير انت"
فارس"وليدوه،اكل تراب"
عبدالله"الله يكفينا شر الغيرانين"
الوليد"اي والله"وقامو يناظرون فارس
فارس"عبدالله اكل تراب معه"
عبدالله وقف رقص والتفت لفارس"قدها؟"وشمر اكمامه
فارس"لا"
عبدالله"اشوا"وكمل رقص
نايف"خلاص خلصت الاغنيه وقفو رقص،ومع تحياتي المطرب نايف ماجد العتيبي"وسوا حبتين
هايف"ونعمم والله"
نايف"معليك زودد"
فارس"سراقين نعول"
عبدالرحمن"طالع منها يعني"
فارس"لا تقتل المتعه يارجال"
عبدالله"فارس سوالفك واجد،يرحم ابوك اعقب"
فارس"تركتو دحين وقلبتو علي"
عبدالرحمن"هذا حال الدنيا"وطبطب على ظهر فارس
نايف"تصير تصير"
-
بالمقلط بينما العائله متجمعين ويتقهوون تكلم الجد
وقال الجد عبدالله"الا متى قررتو العرس؟"كان قاصد بكلامه ناصر وبدر،ترك ناصر فنجاله وتكلم
ناصر"والله قلنا الجمعه ازين شي ولا يابو نواف؟"
بدر"الا والله الجمعه زينه"
الجد"اي،الله يكتب لهم الي فيه الخير"والتفت لماجد ومحمد"وانتم متى ملكة عيالكم؟"
محمد"ان شاءالله بكره الاربعاء"
ماجد"باذن الله"
عبدالله"الله يوفقهم"
ماجد"امين"
محمد"اللهم امين"
وضحى"يحليهن كبرو البنات"
عبدالله ابتسم وقال"ايو والله من اول كانو صغيرات،اتذكرهم بحفاظاتهن"
محمد"عيب يبه"وضحك هو وماجد
عبدالله"وانا ماقلت شي عيب هذا الصدق"
نواف"فجرتها ياجد"قال كذا بعد مادخل والعيال وراه
فارس"صريح بزياده ياجد"
الجد عبدالله"اعقبو انتم شدخلكم بسوالف الكبار"
نواف عساس بيرقع الموضوع"احم شخبارك فارس من زمان عنك"ومد كف يده بيصافحه،رد فارس المصافحه
وقال"والله بخير ابشرك"
الوليد"محد قالكم تتدخلون"
ماجد"وانت شدخلك فيهم"
الوليد"عبدالرحمن شلونك؟"
عبدالرحمن بضحك"حمدلله"
نايف"ياحبك للشماته"
هايف"عبدالرحمن واخوه يموتون بالشماته"
عبدالله"شدخلني"
هايف"كيفي"
-
اما عن الحريم متجمعين بالصاله ويتقهون
احلام"ها بشرو وش بتلبسن بالعرس والملكه"
هند"والله للحين مافكرت"
نجد"اما انا جهزت كل شي ابد" اما مجد نزلت فنجالها وشمرت كمها وقالت"انا جهزت كل شيي حتى كحلتي جاهزه"
احلام"واضح اصلا من تشميرتك ان السالفه حماس"وضحكت هي وهند
نجد ضمت اختها"الا مجد حبيبتي"
مجد"ابك الله يسعدك جعلتس التوفيق"
-
وضحى"يلا يابنات مشينا بنروح البيت"تكلمت قبل ماتطلع من المزرعه
ريم"يلا يلا"وسحبت ضحى من طرحتها معها
ضحى"خير شصايرر"
ريم"اص بس"
العنود شطفتهم وهي مسرعه ماشافو الا غبرتها
ضحى"ذي علامها؟"
ريم"مدري"
مشاعل"ابك بنروح لعمتي ام حنين"وقعدت تلطم على خيبتها
ريم"ياويل حالي"
ضحى"يافضحيي"
المها"لا تكفون قولو غيرها"
نوره"للاسف امي تقول بنقهوي اختهم ساره توها والده"
شذى جت تمشي وهي معصبه ومشمره العبايه"وحنا شدخلنا بساره وورعانها" قالت كلامها بنفخه
نوره"هدي لا يطق لك عرق"
ريم"ابك خفي علينا"
شذى"يع ما اطيقهم ولا اطيقكم زين!"ومشت مطنشتهم
المها"عاد عصبية شذى والموت"
مشاعل"ياويل حنين شكلها بتودع"
ريم"اي والله مشي.."قاطعت كلامها عبدالله وهو يدق بوري"ابك اخلصو علينا ولا طسو مع نايف
ريم"جايين،يلا يا بنات"
-
الساعه
-٢:١٣ ظهرًا-
شذى تتكحل وهي معصبه،اما نوره تجهز شعرها
ضحى"اف مابي اروح تكفون"
مشاعل"عشان امي تذبحنا"
المها"يقلع ام القهر"
تأففت ريم وهي تختار فستان تلبسه
العنود"والله مالي خلق ابد للنكد"
شذى"عساس انا المستعده"
ريم"والله ماودي احش اف"
-
عبدالله منفس هو ونايف بعد ماعرفو انهم بيروحون لعند صالح
عبدالرحمن يهز كتفه قدامهم"هدو لا يطق لكم عرق"
الوليد يعدل شماغه"يا مساء التوت ممكن لقلبك افوت؟"كان قاصد بكلامه هايف"لا مو ممكن"
الوليد"عالاقل سلك طيب"
هايف"لا ماعندي مجامله انا،وانتم شتسوون"تكلم موجه كلامه لفارس ونواف الي يرقصون بصمت
نواف"نتدرب لعرس الوليد"
فارس"هلابي ابن عمو"
عبدالرحمن"هلابك"
عبدالله"يليل المبزره،فوق اننا بنشوف وجيه تسد النفس يزودونها ذول"كان قاصد بكلامه العيال
نايف"اي والله،ودي اسطر اي احد قدامي"
عبدالله"لنا الله،امش بس"قال كذا بعد ما سمع بدر يناديهم عشان يروحون
-
دخلو البنات المجلس ورا امهاتهم وسلمو وجلسو بينما
شذى تناظر بحنين نظرات حقد من اول ما دخلت
نوره همست لريم"ذي علامها؟"
ريم ردت لها الهمس"مدري عنها"
حنين بدلع"شذى تبين عصير او قهوه؟"
شذى"ابي فرقاك"
حنين بدلع"ها؟ ماسمعتك"
شذى"ابي فرقا.."قرصتها هند بفخذها عشان تسكت
شذى"مابي شي"
حنين بدلع"طيب نوره شتبغين؟"
نوره"ابيك تطسين"
حنين شقهت بدلع"لييه شسويت"
ريم توسعت عيونها من القرف الي تشوفه"يع ترا الدلع مو لايق عليك"
حنين"ماما شوفيهم!"
ام حنين"حنين اعقلي!"
حنين مدت شفايفها بعبوس"اف ياربي!"
شذى لاعت كبدها من الي شافته هي ونوره،اما العنود ومشاعل وضحى والمها كانو يناظرون بصمت وهم متقرفين
نجد لساره"مبروك ما جاك والله يجعله من الصالحين"
ساره"امين يارب"
ام حنين"حنين روحي لاخوك قوليله يعطيك الدله تعبينها"
حنين بدلع"حاضر ماما"ومشت بدلع
ريم"وع"
شذى"انا بلحقها ماني متطمنه"
نوره بغمزه"ليه تخافين تسرق الحب؟"
شذى"يمكن ماتدرين"وقامت تلحقها،حنين دخلت المقلط بعد ما شافت عبدالله وصالح ونايف فيه وسوت يعنني داخله بالغلط
عبدالله لنايف"الا بسال.."قاطعت كلامه حنين تشهق بعد ما دخلت"يوه بالغلط اسففه"قالت كلامها بدلع وجت بتمشي لاخوها ونايف دعس على رجلها
حنين"احح"قالت كذا بعد ما طاحت جنب عبدالله الي وجهه راح اصفر من القرف
عبدالله"قمي خلصينا"وهو صاد عنها ، التفت لنايف لقاه صاد عنهم
حنين بدلع"ماقدر اقوم رجلي تعورني"
نايف لصالح"امسك اختك ازعجت.."قاطعت كلامه شذى وهي داخله بنعولها بتصفق حنين
شذى"يالملعوننه امشي اوريك"وسحبت حنين من شعرها
حنين بخوف"صالح ساعدنيي"
عبدالله بعصبيه لصالح بعد ما شافه قام"هيه وين رايح يالحبيب،وانتي وش جابك"وسحب شذى وراه يغطيها
نايف"انت ياورع صد عن اختي"كان قاصد صالح الي غطى عيونه من الخوف
عبدالله"انقلع انت واختك بسرعه"
قام صالح واخذ اخته وراحو برا مسرعين
صالح"فشلتيني سودتي وجهي قدامهم،الحين وش اقولهم"
حنين اكتفت بالبكاء والصمت
-
وبس والله ذا البارت لليوم، وش تتوقعون بيصير؟