حضنها بقو وهي تبكي وقاعدة تضرب صدرة وهو يلعب بشعرها لين هدت....التكملة:
وقال: نوف شفيك صرتي كذا سلطان شسوى بش. نوف سكتت شوي وتكلمت: سلطان دخل علي يوم كنت نايمة انا كنت احسب انه انت بدا يصرخ علي ويقول ليه انا سويت فيه كذا وحنا اصلا ما كنا بعلاقة وانا ما اعرفة بعدين هجم علي ومسك فمي وقال والله ما اخليش بحالش وهذام شغلة معي.بعدين انت جيت وبديت تصرخ لين ما كسرت الباب و سلطان شرد.
هذام: انا اوريك يالكلب بنتدم على اليوم الي اتولدت فيه وشفت نور الحياة.
نوف: هذام تكفى لا تروح وتخليني هنا بروحي.
هذام: اوك يا روحي انتي بس ارتاحي وانا بدخل الحمام (الله يكرمكم) ببدل وباتي انسدح جمبك.
نوف: اوك حبيبي.
خلص هذام وراح ينسدح جنبها وحضنته بقو عشان ما يروح مكان وهو يفكر ويش بيسوي مع ذاك الوصخ. ما حس بنفسة وغط وهو يحضنها. الساعة تسع الصبح قام هذام ولا عين نوف وخاف عليها من سلطان لأنهم عايشين ببيت واحد وراح يدور عليها ونسى يغسل وجهه و عينها تسوي الفطور وحضنها من ورا.
هذام: خوفتيني عليك ليه ما انتظرتيني اقوم عشان اكون معك.
نوف: آسفه المرة الجاية بسوي الي تطلبه، اي تعال شتبي فطور؟
هذام: ابي بانكيك بالنوتيلا و الفراولة.
نوف: تمام انت روح بدل وانا بجهزلك الفطور.
هذام: تم يا عمري.
خلص هذام من أمورة ولبس بدلته وراح المطبخ وعين الفطور جاهز ونوف قاعدة تنتظرة، قعد جنبها وبدأ يسولف معها لين خلصوا أكل، قام هذام من مكانة : كثر الله خيرش يا حبيبتي ما قصرتي. الساعة ثمان فليل استأذنت نوف من هذام انها رايحة السوق بتشتري كم شغلة وبترجع بسرعة وماراح تتأخر عليه وافق هذام. طلعت نوف وتوجهت لمول بعيد من البيت وسلطان سمع كل شي و خطط مع عصابته الي توه مسويه عشان نوف. لحقها للمول و قاعد يترقب حركاتها وتصرفاته ووين رايحه، اشترت نوف الأشياء الي تحتاجها ، و هذام اتصل فيها عشان يطمن عليها لأنها طولت شوي.
لحقها سلطان وسد طريقها بسيارات العصابه وكانوا لابسين أقنعة و خطفوا نوف وودوها لمزرعة بعيدة من المنطقة الي هم ساكنين فيها.
عند هذام ......
يوم هذام كلمها كان حاس ان بيصير شي وقاعد يحاول فيها انها تكون على تواصل معه عشان اذا صار شي يعرف وهي رفضت الفكره لأنها هي في الطريق.
مر نص ساعة و للحين نوف ما وصلت البيت وهذام بدا يقلق عليها وحاول يكلمها اكثر من مرة بس للاسف تلفونها مسكر وهنا زاد قلق هذام عليها. سئل البيت كامل وكلهم نفس الإجابة محد شافها ولا سمع عنها أي خبر . راح يبي يسأل سلطان بس ما عينه وعرف ان وراه بلاوي ومن ضمن خططه هي نوف.
كان بيدق عليه إلا وهو داخل من الباب الخلفي وهذام قام عليه بالسب و الضرب و سلطان قاعد يحلف انه ما يعرف شي عنها وهذام صدقة بعد محاولات.
( احس انه يكفي حق اليوم اذا تبون يكون أطول علموني واسفة على التأخير )
