سلاسل الماضي

السلسـلة الثالثـة عشـر 🔗🖤.

لكن الي صدمنا وبعد اشهر من تعافي محمد انُ ابن وسن صارت اعراض محمد كلـها عليَّ مرت فترة محمد بالدوام ما راجع حالة الطفل بالاسوء الى أن كعدنـا الصبح على عياط وصوت عالي عرفنـا مات ! وعرفنـا كلام امة تحقق ومحمد تشافة والمرض لأبنهـا رحنـا لكربلاء للدفن وهيَ متخربطة على ابنها نصبر بيها واحنا اسوء من حالها الاطفال كلهم ويانه منگدر نخليهن هنا محد يمهم

ـ الي صدمنا دخول محمد المفاجئ ..

________________________________

"محمد:"

مرت اصعب فترة بحياتي الحمدلله عدت على خيـر ورجعت من جديد بقدرة الله ورجعت الدوامي واليوم نزولي احس اكو شي صاير گلبي يكول اكو شي جنت خايف وقلق بس اريد اوصل وصلت لبيتنـا الباب كل مرة الجهال يوگفون منتظريني هِـسة محد والباب مسدود ! طفيت السيارة واخذت السويج ونزلت ادگ بالباب ماكو ! زاد قلقي الجيران ع صوت الباب

::ـ الحمدلله ع سلامتك ابو امير

::ـ الله يسلمك ابـو احمد بـس الاهل ماكو؟

ـ ارتبك وضعة شتت نضره عني كررت السؤال
::ـ البيت فارغ؟ صار ساعة ادگ محد عدكم علم؟

جاوبنـي
::ـ ابن اختك ووووو

ـ حجة الي التفاصيل كُلهـا وشلون مات ، احس عقلي بعد ما يستوعب الصاير وهذا كله واني ما عندي علم نطقت اخر جمله واني مستعجل اريد اطير لمكانهم

::ـ وين هسه

::ـ بالدفـن بكربلاء الله يصبركم اخوية

ـ ما اعرف شنو صار وشنو سويت كل الي اذكره ركضت للسيارة واعله سرعة لكربلاء اني مرتين اجت السيارة تنگلب بيـه لكن الحمدلله عدت على خير الشوارع ازدحام لمن وصلت للمقبرة ما احس بكلشي تقربت عليهم جانت وَسـن منتهيـة من البَجي ومحاوطينهـا البقيـة

_________________________________________

" گمريـة"

ـ دخـل محمد جان وضعة متخربط ضايع ما يعرف شيريد اول شي سوا كعـد يم قبر الطفـل واختة بصفة جان يبجي بجي يكسر الگلب حرنـا نبجي على وسن وابنها لو على حال محمد فعلاً جان ما يعرف شجاي يسوي يشيل تراب ويشمره على راسه وصوت البجي مالتهم عالي

ـ حجت وَسـن بصعوبة وهيَ توخر التراب عن وجهه وجسمة
::ـ كافي كافي بعد ما ابجي

ـ ضماها لصدرة وهوَ يبجي ويلوم روحه بكُل الي صار
::ـ صوجي صوجي اني لو ميت وباقي هوَ احسن شلون تسوين هيج شسويتي بحالج

ـ هدء هوَ ورجعت هيَ تبجي اخـر شي مسح وجهة وكال الها
::ـ وعد منـي كـل فترة اجيبج اله بس لا تسوين هيج بحالي كل الموجودين يشهدون اني كل فترة اجيبج لأخر يوم بعمري واذا متت تعالي النـا انتِ

ـ خلت ايدها على حلگة ما قابلة على اخر جملة گـالها هدء الوضع بس گلوبنـا شنو الي يهدئها؟

ـ ورجع محمد يداوم ومن ينزل يروح هوَ ووسن للمقبرة يرجعون اثنينهم متربين وحالهم مخربط الا ان اجـه الاربعيـن رحنـا كلـنا وبقت عهد وجواهر يم الاطفال تخربطت وسن هناك وحار محمد شنو يسوي علمود تكعد اخذها للمستشفى كالوله ضغطها صاعد شكلو الها مُغـذي ورجعت ساكتة ما تنطق بحرف .

________________________________

مرت هاي الايام الصعبـة على خيـر جانت ايام هادئة والي اتضح هذا هدوء ما قـبل العاصفـة ...

يتبـع ..

حسابي الانستا للتواصل ..
zhraa_al_shmmeriy

ﺗﺬﻛﻴﺮ✨
- سُبحان الله .
- الحمدلله .
- لا إله إلا الله .
- اللهُ أكبر .
- سُبحان الله و بحمدهِ .
- سُبحان الله العظيم .
- استغفر الله و أتوبُ إليهِ .
- لا حول و لا قوة إلا بالله .
- اللهُم صل على نبينا محمد .
- لا اله الا انتَ سبحانك
اني كنت من الظالمينَ .
- حسبي الله لا اله الا هو عليه
توكلت وهو رب العرش العظيم .
-اللهم ارزقني من حيث لااحتسب .
-اللهم ثبت قلبي على دينك.
- يارب رضاك والجنه .
-اللهم احسن خاتمتي .
-اللهم اجرني من النار ."