انا وصديقتي وما يخبئ لنا القدر

الجامعه

اسفه ع خربطه لصارت بهذه البارت اتمنى تواصلون تكملت البارت......
امورتي: اوك راح اجيبلج كلشي يخص التسجيل امري لله هههه
ريري:ههههه يلا لعد اني راح اكعد ع متجيبن الاستناره
امورتي: اوك... . يلا تعالي هاي كل اوراقج
ريري:ما اشو خفت انتي سجلي بدالي
امورتي: وج لظلين هيج كبر
ريري: انتي ع متجبين الاستتماره اروح ع ذاك الاستاذ شكله حلو شفتي امورتي:هههههه اي شفته بس گصير
ريري:انجبي كل واحد يباوع ع لبحجمه اروح اسأله
امورتي:عههههه توج خايفه اوك راح انتظرج يم الستيج ع متسألين
ريري:هههههه اوك
سلام عليكم استاذ ..
الاستاذ: وعليكم السلام اتفضلي
ريري: استاذ حابه اسأل ع قسم علم النفس شلون واحد يسجل بي
الاستاذ: ابتسامه خفيفه .قسم علم النفس لازم تباشريله مباشر بدون تسجيل يعني هسه ميحقلج تباشرين بي اله ع سنه الجديده
ريري: اها شكرا استاذ
الاستاذ:لا ولو بالخدمه
امورتي:ها خلصتي اسألتج
ريري:اي خلصت
امورتي:تعالي نسجلج
سلام عليكم استاذ احنه طالبات جدد جاين نسجل
الاستاذ :وعليكم السلام مليتي الاستمار لو بعدج
امورتي: ريري ديسألج جاوبي شبيج
ريري:ما انتي جاوبي بدالي
امورتي: لا استاذ مو كل المعلومات
الاستاذ : لعد اخذيه وملي بيه كل المعلومات وبس تخلصين جيبه اليه
امورتي: شكرا استاذ... . امشي ريري نكعد اهناك حت نملي الاستماره
ريري: يلا بس خلينه نكعد بالاخير احسن
امورتي: هاج القلم كتبي المعلومات
ريري: ما انتي كتبي بدالي تدرين خطي مو حلو
امورتي: خررب ع اساس خطي من حلاته
ظلينه نكتب بالمعلومات واتصلت ع بابه اخذت منه باقي المعلومات وبعدها رحنه ع استاذ
سلام عليكم استاذ هاي كل معلومات لطلبته من عدنه
الاستاذ: عطيني اراجع عليهن
امورتي:اوك استاذ
الاستاذ: ابتسامه خفيفه انتي ياقسم
امورتي:منو اني
الاستاذ:اي انتي
امورتي: علوم سياسيه استاذ
استاذ: ههه شنو انتي محاميه مالته كل انتي تسويله
امورتي:هههه لا استاذ بس لان هي ليوم يلا باشرت واني مباشره قبله ف متعرف شي
الاستاذ : هههههه زين كوليلي ياهو احسن علم سياسي لو انساني
امورتي:ههههه استاذ كل واحد وقسمه
استاذ:ههههه اوك تكدرون تاخذون راحتكم وان شالله تباشر بالدوام يوم الاحد
ريري وامورتي : شكرا استاذ
بعدها طلعنه اني وامورتي من الكليه بعد مااخذه محاضره ورحنه لكليه امورتي طليت احضر وياها المحاضرات يعني ظل وياها طول اليوم ماامل وهي صارت دگلي شنو رئيج داومين وياي وتعوفين كليتج يلي بس بالاسم هههههه
امورتي: يلا ريري امشينه خلص الدوام نروح لكراج لان ميته تعب
ريري:ههههه هو اني لتعبانه من كد مامشيت يلا
امورتي: ههههههه لو مواني خلصتلج كل شغلتج والمعلومات وانتي بس كاعده
ريري: ههههه ديلا عاد راح ذليني لعد شنو واجبج تجاه صديقتج غير تساعديني
امورتي:هههههههه والله يالله اوك امشي من ارجع اخابرج وهم اكلج صار وياي قبل مداومين
بعد هذه ركبنه بالسياره ورجعنه لبيبت واني احس نفسي تعباااااانه من وره هل دوام يالله تعب اروح انام احسن شي
.........
7:00pm
امورتي: خليني اتصل ع هاي الخبله ..ترن ترن ترن ترن ترن ترن
ريري : هاي اكيد امورتي متصله ياسسسلام
امورتي: من طاح حظ المشترك تمنيت شي مره جاوبين بسرعه
ريري:هههعههه انجبي شلونج
امورتي: الحمدالله انتي شلونج ردت اشوف معنوياتج بأاول يوم داوم شلونه
ريري: سكتي تعب بتعب مالي خلگ لدوام وفوگ هذه طلاب قسمي احسهم مملين حيييل ماكو روح بالقاعه
امورتي:هههههههه لازم تريديهم يرگصون هههههه امداج عاد هاي اول يوم وبعده تتعودين
ريري:هههه ديلا يلا لمهم عوفج مني كوليلي شنو صار وياج انتي والبنات قبل مااداوم اني احجيلي......
اتركم ويه امورتي تحجيلكم شنو صار وياها هي والبنات وبعده ارجعلكم . امورتي ... يوم التسجيل الجامعي 23\10\2013
اليوم اني وبسومة ورنوش رايحين للجامعة ومحمد ابن عمي هو اللي يودينا
اني قررت اروح بزي رسمي حتى انطي انطباع اولي زين (ملتزمة هع هع)
بسومة: لا اني قررت البس كلة اسود (حسينية ولا ايه هع)
رنوش: تنورة سودة وبليرة سودة وكيمونة وشال اخضر (كيوووت)
وصلنا للجامعة ع الساعة 9 وربع طبعآ اني لابسة كعب طالعة اطول وحدة
رنوش: حقيرة طالعة طويلة
بسومة: انتي متأكدة مرتاحة
امورتي: هههههههه اي
دخلنا وعند الدخول وكفونا لان حسونا مخالفين كلنا ردينا انوو جاين للتسجيل وبعدهاا اول شي رحناا نكمل اوراق رنوش وهي بطريقها تكمل اوراق صبا بسمة جانت كرايبها تنتظرها راحم يسون اوراقها
خلصت رنوش واني انتضرها ورحنا بعدهاا ع كليتي احم احم (سياسي لاتكلمني)
اخذت الاستمارة وكعدت اني ورنا نمليهاا وبس خربانين ضحك وكدامنا واحد مكفخ مضوجنا لهذا احناا ناصبين علي هههههههههه ودخل واحد مممممممم جمال فظيع فد نظيف هههههه عكس لمكفخ .. هناا اكوو شي معرفنا نكتبه فسألنا وحدة جايبه بنتها حتى تسجلهاا ..
امورتي: خالة اذا ممكن شنوو نحط بهذا الـ..... وردتلي حطي ....
امورتي: خالة اني احس شايفتج انتي من الفلوجة
الخالة: اي نعم وتضحك هههههههههه
بنتها(شهد): ههههههه اني همين حاسة نفسي شايفتج(طبعآ شهد راح تكون محور ايامي القادمة بنفس الستيج ونفس القسم ونفس الروح يعني صديقة عمري راح تكون)
بقينا ننتظر يصيحون اسمي حتى اكوم انطي المستمسكات ولانوو اسمي ياباني مينقري لهذا اباع ع الاساتذه يتبسبسون ويباعون بـــ اتجاه الحضور طبعآ عرفت انوو اني ومدا يكدرون يلفظون اسمي
امورتي: باعي رنا اكيد وصل دوري بس ميكدرون يلفظون الاسم يحاسبون غلط
رنوش: هههههههه اي يمكن
لهذا كمت ورحت لــ دكتور علي
امورتي: دكتور تريد امر اياد صح
دكتور علي: ههههههه انتي هي شهل الاسم
وبعدها سلسلة ضحك وية كل الاساتذه الموجودين ع الاسم(عبالك صارلي سنين اعرفهم محبوبة فديتني) وكملت وكلي لازم تحطينا المستمسكات ب قرص انتظرج تجيبي وطلعنا
الخالة: هاا خلصتي
أمورتي: رايحة اسوي القرص
طبعآ هي حبتني كلش واني همين لان متأكدة شايفتها قبل مرة بس مادااذكر
رحناا نسوي القرص عند مكتبة كلية العلوم الانسانية (كلية ريري الخبله مثلها)
طبعآ المكتبة بيهاا صاحبهاا ومجموعة شباب حابين يساعدونه لان زحمة التسجيل واني ورنوش جتي عينة ع واحد مممممممم جمال ع جمال ع اناقة ع ذرابة فديت فديت اسمة عمر
رنوش: امورة انتي ابقي سوي القرص واني اجيب استمارة الاقسام واجي
امورتي: يمه تعوفيني وحدي (غابة لازم كبر) لا عفية ابقي
رنوش: شبيج امر لتتخبلين انتي جاهل ابقي انتي كملي القرص هسة ارجع بسرعة..... بقيت وحدي واحس نفسي راح يغمى علية من الخوف وجهي صاير دم.. كلت للحلووو الانيق لوو سمحت اخوية هاي الاوراق اريدها بقرص
عمر: انتظري نص ساعة
امورتي: مممم لا عفية كلش هواية اني اخاف ابقى وحدي صديقتي عافتني وحدي اريد القرص بسرعة .. دخل ع الحديث واحد ثاني اسمة اسامة كال شنوو المشكلة؟؟ ... عمر : المشكلة نص ساعة .. اسامه: ولا يهمج عشر دقائق يكون جاهز .... طبعآ اني شي خوف شي حر الجوو شي الجمال الكدامي فظيع محبوب ههههههه
عمر: تفضلي القرص جاهز بس انطيني اسمج .. رديت امر اياد ..
عمر: هااا شنوو واني اكرر الاسم اخير شي كتلة جيب القرص انطيني قلم وكتبت اسمي بشكل اعوج و ع الجهة الثانية (ثولني جماله يمه يمه)
بعدهاا اني ورناا طول الطريق نحجي ع جمال وذرابته ونسيت اكوول المكفخ وين منروح طاير ورانه هههههههههههههه
وصلنا للكلية حتى انطي القرص واستلم الكتب ولتقينا بـــــ بسومة وقريبتها وهي هم مستلمة كتب وظايجة منهن دخلناا لقسمي وبسمة راحت لقسمهاا قانون مقابيل السياسه
أمورتي: تفضل دكتور القرص
دكتورعلي: بهل السرعة عفية الشطورة
اخذت رخصة استلام الكتب ورحت ع رئيس القسم وكعدت بالمكتب(بيت لخلفوني هههه)
رئيس القسم: مبيلج طالبة ملتزمة عفية عليج زين بس مرة الثانية الشال ابيض والدوام الاحد
أمورتي: ان شاءالله دكتور بس ليش الاحد عفية خليهاا بداية شهر 11 (باع اللواكة عبالك بابا كاعدة احجي هع هع)
المهم استلمت الكتب وطلعنا لكينا محمد ميت جوع ههههههه وطول الطريق نحجي بسومة قررت تسمي بنتها امر (خل تزوج واخلص منهاا حتى اسم بابا خل تاخذه) .
طبعا هذي الاحداث صارت ويه امورتي والبنات لان اني ماداومت بهذه اليوم وكذلك مره اسبوع من داومي واني ماداومت لان مو كلش اتحميست وهسه هم اتركم ويه امورتي حت تكمل الاحداث هع
امورتي .. ثاني ايام الدوام ف الجامعة 28\10\2013
طبعآ اليوم الاول مر كلة وية ريري لان هي جانت ممسجلة واني وبسمة رحنا وياها
اليوم الثاني جيت وكلي نشاط كالعادة ابتسامة عريضة ودخلت للكلاس طبعآ اعرف بنت وحدة فقط (باربي) وهي اللي انطتني المحاضرات لاني محضرت اول يوم ومااعرف ليش جنت انتظر جية شهد لاني حسيت نفسي اعرفهاا من سنين بس اول اسبوع دوام هي مجتي وريري كذلك المهم عدنا محاضرة اسمها علم السياسة
استاذها اسمة مهند بعدة متعين جديد .. المهم اخذنا محاضرة وانا شاركت طبعآ ونهاية المحاضرة استاذ مهند بيذيع الاسماء الحضور وعند موصل اسمي كال أمر شنوو معنى اسمج؟؟
أمر: استاذ والله مااعرف ناس تكـــ..... قاطعني
استاذ مهند: اكووو واحد ميعرف معنى اسمة
اني ظليت ساكتة لان فشلني ومنطاني مجال احجي بالبداية فحقدت علي وصرت اكره شي اسمة علم سياسة والاستاذ كذلك كلش فشلت وجهي صار دم
اني اي شخص اكره بالبداية بعدين يصير غالي علية (هههههه كلبي طيب)
بعدين حسيت نفسي مبالغة الاستاذ مفشلني بس اني هولت (عياره هع هع )
وشفت القسم اغلبه يحبون استاذ مهند وبعدهاا اني صرت حالي حال الباقين
احترمة واقدره بس ندمانة لاني مرة نسيت نفسي (عفوية ولبكلبي ع لساني مفضحة هههه ) وكلت كدام احد الطلاب انوو استاذ علم السياسه مكروه وشايف نفسة طبعآ هوو مو هيج بس اني حقدت علية من سالفة الاسم ولانه كلفنا بحث واحناا توك كوك بالدوام ان شاءالله محد وصلة الكلام(ههههه وافشلتاه اذا واصل) ... حاليآ كلش مرتاحة بالجامعة لان علاقتي بالجميع طيبة (زينة زينة وهم وين يلاكون احسن مني هع هع تبآ للتواضع )
وهسه نرجع بعد ماامورتي رويت كلشي صار وياها ويه البنات...... .
امورتي: هله ريري شلونج
ريري:هلاوات اكلج راح اظل وياج لحد مااتأقلم ويه طلاب قسمي
امورتي:هههههههه هو انتي مكضته وياي يلا تعالي
ريري: ههههه انجعمي مو ع اساس تعرفيني ع شهد
امورتي: مو حجتلج عنه لو اله تلطشين
ريري: اي بس اريد اشوفه فيس تو فيس
بهذه الاثناء شفت بنت حلو وشقره وعيونه ملونه لا طويله ولا قصيره
امورتي: هله بشهود ابن الحلال عن ذكره بيبان
شهود: هلاوات امور كنت ادورلج لحد ماشفتج اهنا واكفه شعندج
امورتي: والله خبصه جوه گلت اطلع وهم اعرفج ع ريري
شهود هله ريري شلونج حبيبتي شخبارج
ريري هلاوات شهود الحمدالله تدرين امور شكد تحجيلي عنج خبصتني بيج هههههه
شهود وامورتي:هههههههههه
ريري: شنو رئيكم نروح لنادي وهم نتصل ع بنات يجون ونكعد مثل ماكنه بالمدرسه
امورتي: ههههه اي والله خوش فكره يلا امشي نروح لنادي وهم اعرف البنات ع شهود
بعدها رحنه لنادي وظلينه نضحك ونسولف نسينه كل الموجودين رجعنه ايام المدرسه
امورتي: بنات اعرفكم ع شهد صديقتي وحبيبتي
البنات هله والله بشهود اتشرفنه بيج حبيبتي تعالي كعدي ويانه واحسبي نفسج من عدنه ولتخجلين ههههههههه
شهود: بخجل . تسلمون بنات
بسوم: اووووف بنات لو تدرون شنو صار وياي
اوراس: شكو جكمه احجي صار وياج
بسوم: مو هذه استاذ ابو شريعه لان وصلت متأخر رزلني اهئ اهئ وفوگ القهر فشلني كدام طلاب يگلي نزلي الكفه مال قميصج اهئ اااه الله ياهذه هو شعلي
رنوش:ههههههههههههههههه تستاهلين خت مره متسويه وترفعين الكفه مال قميصج
بسوم: وهي معصبه ) رنوش ول سماج رنوش فوك متهديني تضحكين انتي والجكمات اهئ اهئ
امورتي:ههههههههههههه يلا بسوم حت تتعلمين هههههههههه بعد متتأخرين ع محاضره وهم متتفيكين وترفعين كفت القميص هههههههههه
بسوم:امداااااااكم اي والله مو صوجكم صوجي اني اشكيلكم
رنوش: امدااج انتي يعمري خليني اكللكم بدال ما مجتمعين اكلكم اكو طالب ويانه اسمه عثمان هو ممثل الشعبه مالتنه كلش حلووو وكشاخ بس وجه البوم مينطي وجه لحد بس عاجبني شكله
اوراس:ههههههههه يبختج رنوش اني لوياي حلوين بس مالي دخل بيهم بس اكو واحد بغير مرحله كل عاجبني واتمنى اي صدفه تجمعني بي
صبا:هههههه اما اني ف عااادي كلش وياي اهوايه طلاب بس مااختلط وياهم حت بنات مااختلط بيهن اروح واجي وحدي
امورتي:ههههههههه اني الطلاب لوياي مبينين اوادم بس علاقتي وياهم عاديه زميل وزميله
ريري: امده حضي لعد ليش اني مااعرف احد اهئ اهئ
امورتي: ههههههههه انتي داومي بكليتج اول وبعدين تعرفيهم اذا انتي بس ساكنتني شلون تردين تعرفيهم هههههههههه
ريري: انجبي بله مالي خلگج
اه اه شحلات ايامنه واحنه مجتمعين مع بعض من نكعد ننسى كل الموجوين حولينه الله لا يحرمني منكم ولا من خبالكم
مرت ايام واني احضر محاضره بقسمي واول متخلص اطلع بسرعه اروح يم امورتي حت كلية امورتي صارو يعرفوني اول ماادخل كليتهم يكولون توه نورت علوم ساسيه بس اني كـ العاده مطنشه ومااهتم لحد لان كليتي ماخذين عليه انطباع انو اني خشم ومااتحاجه ف اني ظليت هيج حت مرت ايام واني مااخلط ويه بنات قسمي لحد ما تعرفت ع توته وهي شخصيه هادئ ورومانسيه حيييل ظلينه فتره اني وياها صديقات بس بعدين صارت عندي صديقتي فتوشه وتعرفت عليه مع العلم اول مشفته ماحبيته بس بعدين صرنه اقرب لبعض ولحد هسسسسه احنه مع بعضينه الله يخلينه لبعض هع
باليوم التالي رحنه لجامعه بس ماكدرت اظل ف اتصلت ع امورتي حت اجي عليه اذا عده رست
ريري: الوو امورتي اكلج عندي رسيت ساعه 11راح اجي عليج
امورتي: اوك تعالي اني هم عندي رسيت انتظرج لتتأخرين
بعد دقايق وصلت لكليه امورتي ولكته واگفه يم الحديقه تنتظرني
(بصوت شوق ) اموررررتي شلونج
امورتي:هههههههه هله بيج خبول تعالي نتمشه
ريري:هههههه اوك يلا (امورتي اخذتني لمكان عدهم بالكليه مالته مكان مثل البحيره وبنصه مكان بي كراسي وهوه بارد كعدنه بي وظلينه نضحك )
امورتي : ها شنو رئيج بهذه المكان مو يجنننننن
ريري:اي وربي يجننننننن بس اني جعت امشي نروح لنادي ناكل شي
امورتي: واني هم جوعانه بس ماعرف اكل اكلهم
ريري: ولا اني بس لوله دكول لازم تتعلمون تاكلون لان راح تقضون وقت طويل اهنا
امورتي: اوك يلا لعد نمشي نروح لنادي
ريري: اوك يلا شنو تحبين تاكلين
امورتي: ببسي كولا ولفه برگر بقري
ريري: اوك واني ببسي كولا وفلافل لان تدرين مااكل لحوم
امورتي: لو بس اعرف شوكت تبطليلي سالفه مااكل لحوم
بعدها دخلنه لنادي والحمدالله مو زدحام مثل كل مره
امورتي: امشي نكعد اهناك
ريري: انتي احجزي الطاوله ع مااجيب لفات
امورتي: اوك
سلام عليكم خاله اذا مصير زحمه اريد لفة برگر بقري ولفه فلافل وببسي كولا اثنين
خاله :وعليكم سلام فلافل ماكو بس برگر بقري موجود
..اوك خاله عطيني برگر واحد وببسي اثنين
اخذتهن ورحت يم امورتي
هاج عندج حظ بس اني لا يعني راح اظل جوعانه لحد ماارجع لبيت واكل
امورتي:ههههههه محد كايلج متاكلين انطيني اكل متت جوع
ريري :هههههه هاج اكلي واني اشرب ببسي
امورتي: ويييييع وييييع اووووي اووووي (وهي ملامح وجه تغيرت صارت تصيح )
ريري:هههههههههه شبيج
امورتي: سم لتضحكين ويع ويع شوفي شنو بالفه مو اني اكول مااكل شجابني واكلت اوووي ذبانه
ريري :هههههههههه الحمدالله ماجان اكو فلافل الله يحبني
امورتي: ول لتضحكين... ..
ريري:ههههعهههههه راح اسكت...... قاطعتني
امورتي: اروح عليه
ريري:وج وين تعالي
امورتي...... شلونج خاله حابه اكلج تره اهم شي اهنا عدكم صحتنه شوفي شنو موجود بالفه ذبانه مره ثانيه انتبهي لفاتكم (خطيه اكلت المريه بگشوله ههههههه )
خاله... حاضر ابنيتي بس انتي لضوجين غلط وبعد متصير تردين وحده غيره
امورتي: لا لا لا تسلمين ماريد
وبعدها طلعنه خارج النادي واني بس اضحك
ريري: ههههههههه يلا امورتي عادي غلسي
امورتي: سم سم لتضحكين انتي شرايحلج
ريري : هههههههه اوك امشي نروح كل وحده كليته حيييل تأخرنه
امورتي: اوك بس لتحجين لحد ع سالفه ذبانه
ريري: ههههههههه اوك ماراح اكول لحد بس انزله ع فيس تدللين
امورتي:هههههههه وج ريري
بعدها رحنه كل وحده كليته واني صرت اتعود ع كليه بعد مااتعرفت ع بنات بس هم كل يوم اروح وارجع لكليه امور خسرت من وراها ماعرف كم كيلوووووو هههههه وزني راح
بعدها رجعنه لبيت واني قررت ماداوم لان عندي امتحان صعب فقررت اكعد اقره بس اترك رساله ل امورتي شلونج خبله باجر ماداوم لان عندي امتحان صعب... .
امورتي ول ليش امانه داومي حبابه...... .
ريري: امددااج امتحان صعب وهاي المتده مو كلش احبه مكروه العراق القديم... ..
امورتي : اوك شدي الهمه لعد وانجحي واريدج جيبين درجه عاليه اوك ويلا سكري فونج وروحي
ريري:ههههههه اوك يلا ح ادعبل
......... ..
هذه اليوم يوم الخميس واني ماداومت .ف... .
امورتي
من ابشع المواقف لصارت وياية واللي تفشلت بيهاا (تهزءت اوووي هههههه وافشلتاااه) .. يوم الخميس شهد وريري ممداومات واني ضايجة كلش كلش والجوووو ثلج ايدي ابد مطلعتها من جيبي واني معصبة لان عدنا محاضرة حاسبات واني اكرها ماافتهم بيهاا المهم صعدنا للمختبر وهوسة الطلاب وكل احد يدور ويريد يكعد بمكان معين شفت وية الطلاب الشخص المسؤول عن مكتب رئيس القسم اعتقدت انوو يحجي وياهم او يريد شي منهم هذا التوقيت اني بس افتر رايحة جاية طول وعرض (هههههه حتى دائري) يم البورد الخاصة ب الاستاذ واتفاجئت بمسؤول مكتب القسم واللي اسمة استاذ مهند يكرر اكثر من مرة : رجاءآ الكل ياخذ مكانة واني مطنشة الى ان عصبت من كل عقلي شكد ماعاد الجملة
أمر: اني بس يجي استاذ الماده اكعد بمكاني (طبعآ بعصبية بصيحة بنترة هع هع عوزهاا راجدي )
استاذ مهند(مدير مكتب القسم) : بـــ ابتسامة خبيثة اني استاذ المادة (فشلني ياكاع شكي وابلعيني هع هع )
اوووووووه وافشلتاااه مانطقت ولا بحرف فقط وجهي صار دم (مساحيق تجميل ماكوو فوجهي احمر رباني هههه ) ودنكت ورحت كعدت اخر ستول وحتى وسخ مليان ترابه وظليت فشلانة.. خلصت المحاضرة ردت اكحلهاا واعتذر(عميتهااا خالص هع هع ) نوبة فشلت نفسي بالزايد مااعرف ليش هيج مرات اتصرف مثل الجهال (عفويتي قاتلة مفضحة ههههه ) مشيت ب اتجاه الاستاذ
أمر: اكلك اني ماعباليك استاذ(يخربيت اسلوبي المنحط شلون اكله اكلك منوو هذا ابن عمي هع هع ) لهذا ماكعدت من جنت تحجي sorry (واشر ب ايدي ولا كأنوا توني متفشلة )
استاذ مهند: لا عادي ( بكلبة يضحك علية يكووول شهل الطالبة ليكول صف اول ابتدائي
اني حسيت نفسي عميتهاا وتفشلت من جديد هههه نزلت وجمدت بمكاني ع احد المقاعد خارج الكلاس عوزني ابجي اهئ اهئ اهئ .. بالريست حجيت لـ رنوش ظلت تضحك هههههههههههه وترزل بية
رنوش:ههههههههههه امر فشلتي نفسج رسمي
امر: اي والله ياريت الكاع نشكت وبلعتني
رنوش:هههههههههههههههههههههههههههههههههههههه
امر: كافي عاد هههههههه فوك شيني كوات عيني ااشر ب ايدي واكلك ماعاجبني العجب عاااااااااااا فشلة ياربي
رجعنا للبيت اني والجكمة بسومة نفس الخط فحجيتلهاا الصار وهي ههههههههههههههههههههههههههههههههه بلايا تعليق واني من وصلت للبيت اتذكر واضحك وبجيت لان ترصفاتي فاجعة ههههههههههه
...... ..
ريري: هههههههههههههه شنوووووو امدااااج كل هذه صار واحنه ماكووووو هههههه
امورتي: انجبي حت اني اضحك ههههههههههه ع نفسي وع فشله بعد متغبين افتهمتي هههههههههتهه
ريري:ههههههههههههههه ان شالله هو اني بالاحد راح اداوم يمعوده واريدج تشوفيني هذه الاستاذ.........
مر يوم واجه يوم الاحد يلي عندي بي امتحان صعب بس تشجيع امورتي خلاني اشجع واقره......... بعد ماامتحنت طلعت من الكليه وكعدت بالحديقه اشتم هوه ع متجي المحاضره لوراها
فجأه ماشفت غير فوني يضوي فتحت الفون وشفت رساله من توته دكول استاذ وائله يمنه تعالي بسرعه
اني عززززه شلون استاذ وائل هذه ميحب التأخير واني كله بس اتأخر ع مخاضراته خرررب شلون هسسسه...... بعد دقايق دخلت بنايه الكليه وصعدت لطابق لفوگ واني اريد افوت سمعت طلاب يحجون بناتهم يكولون استاذ وائل كل شويه يدخل عليه واحد ويفشله ويطلع يعني مفووول ليوم ميخلي احد يدخل طبعا اني بعد ماسمعت هذه الحجي قررت ادخل لان كلش احب اتحده نفسي فقررت ادخل بس حاطه براسي مااتفشل
ريري: واني توني متوجه لقاعه لبيه استاذ وائل ماشوف غير كل الانظار متوجه عليه (عبالك شخصيه مشهوره وداخله عليهم احم احم ) توني داخل ماسمع غير صوت ولد ورايه يگلي استاذ وائل ميقبل احد يفوت لحالج تفوتين وحت ميقبل احد ياخذ كتبه ويطلع
اني .شكرا اخي بس اني حابه افوت (هذه الولد ظل بس يباوع عليه ويگول بينه وبين نفسه شبيه هاي )
دگت دگت الباب
استاذ وائل : اتفضل منو
ريري: سلام عليكم استاذ
الاستاذ: وعليكم السلام اذا جايه تردين تفوتين ف ماكو فوته لان لقبلج طردتهم (عذه تهجم عليه انطيني فكه احجي شي بالاول هههههه)
ريري: (واني افكر مستحيل اتفشل واطلع بدون مااخذ الكتب ) بس استاذ اني ماكنت ادري انو مبلشه المحاضره
استاذ: حت لو كنتي تدرين لمهم ماكو فوته
ريري : زين استاذ بس اخذ الكتب واطلع بليييييز بليززززز استاذ بليززززز استاذ اريد اخذهم لان ابو الخط ينتظرني يريد يطلع من وقت ليوم بلييييز استاذ
الاستاذ: رغم هيبته صار يضحك والطلاب صارو يحجون بناتهم بس ماعرف وش يحجون لمهم وامي شفت ابتسامه الاستاذ حسيت بالانتصار عبالك مو ماخذه كتب عبالك شو شنو واخيييييرررا ماتفشلت
الاستاذ: اوك يم بليززززز فوتي اخذي الكتب بس هاي اخر مره
واني اخذ الكتب وامشي حسيت كل الانظار ترجع عليه ويباوعون وضحكون طبعا كله تفاجأت شلون اخذت الكتب وبماحاضرة استاذ وائل وطلعت
بعد دقايق طلع الاستاذ وطلعو الطلاب ورا وهمه يباوعون عليه ويضحكون لحد ماوصلت الدرج حت انزل مااحس غير صوت اجه بأذاني بصوت (دلع بلييييززز استاذ بليييززز استاذ )اني ظليت مجمده مكاني من تصرف هذه الطالب بس عادي غلست لمهم احس بالانتصار لان اتحديت نفسي وتحديت الكل المطرودين وكدرت افوت بدون مااتفشل ههعهههههه شعور الانتصار حلووووو تحس مي بارد نزل ع گلبك ههههه
مرت ايام الدوام واني كل يوم اتأقلم ويه القسم تبعي بس وجود امورتي والبنات كان يخفف عليه وهم كنه نجتمع ونظل نحجي ونسولف
لحد مااجه يوم الجامعه وقررت الجامعه تسوي حفله وهم تنكر وكل شي...... .