اصرخي بإسمي فقط

الجزء الخامس 🔞

تاج تحدرت عندها كتقيس ليها فحنكها بلطف: متأكدة انك بخير ممحتاجاش للطبيب؟

حليمة:لا  لا كنظن راها مزيان جاب الله بعدا غير ملي متگرداتش من شي يد ولا رجل .

داوود :باتو اليوم معانا  تال غدا وسيرو على ما ولات شوية

حليمة (برفض):لا ميحتاجش غنمشيو  للدار تما ترتاح كثر ( دارت عند اميمة منوضاها) يلاه راه الشيفور جا نمشيو بحالنا.

داوود محكرش عليهم قرب عاونها حتى وقفات و خرج معاهم حتى ركبو مع الشيفور  عاد دخل كي قلب عليها،مبانتش ليه عرفها غتكون فبيتهم ،طلع النيشان عندها دفع الباب لقاها كاتنصل فكسوتها ،بقات كتدور بالدوبياس بيض و دارت لعنده كتجمع فشعرها...

تاج(ببرود): صافي مشاو؟

داوود (و عينيه كيتساراو على جسمها): شنو داكشي درتي؟

تاج (بعدم فهم):شنو درت؟كان شي مشكيل فالماكلة ؟(رخات ملامحها بحزن) زعما حاولت نديرو كيف شفته فالفيديو

ملي مجوبهاش مشات جبدت ليها تيشيرط من دياله و لبساته و هو غير حاضيها،شوية دارت لعنده كتجمع فشعرها الفوق و هي مبتسمة وكيبان على ملامحها الراحة...

تاج:فراسك كنت محتاجة هاد القعدة مع ماماك وختك بدلت الجو شوية ، بقا مرة مرة تعيط ليهم يونسونا...

هز حاجبه فيها بمعنى من  نيتك، كان عارفها هي لي دارت لختو هكاك حيث بطبعها مكتخليش دقة شي حد عندها، مكانش قادر يحاسبها حيث مشدهاش بالجرم المشهود، الشي لي خلاها تبورد عليه وتنكر ..

حتى هي كانت عارفاه فاش كيفكر و لكن متسوقاتش  ليه و دارت خارجة من تما كتعوج و هي كتغني بصوت عالي متعمدة تسمعو ليه

تاج: يا اطونسيو تغلطو غادي تتسوويطو لي توصلني نوصلها يا من شعرها نجرجها .. ندير ليها صوالح مكاش يا تسموني منريطهاش .

هبطت كتجمع فديك الحالة وهي راشقة ليها كتحس براسها فرغات گاع طاقتها السلبية الشي لي خلاها مستمتعة بأكثر حاجة كتكره و لي هي الشقا.

تاج كانت سالات الشقا وكانت كتستعد باش تطلع تنعس ،بان ليها كاس ديال العصير شاط من العشا دورتها فراسها و بتاسمات بشر...

تاج (كاتمتم ): سالينا من ختك ندوزو ليك نتا دابا اسي داوود

طلعت للشومبر ديالهم ملقاتوش عرفاته غيكون فالبيت لي ولا كينعس فيه ، حلات الباب لقاته عاد خارج من الدوش لاوي على نصه الفوطة وشعره و لحيته كيقطرو بالماء ،غير شافها صغر فيها عينيه بمعنى شنو.

تاج(حنحنت وهي كتقرب عنده هازا  كاس العصير فيديها) :قلت نجيب ليك هاد كاس العصير  تبرد بيه قبل ما تنعس(سولاتو ببرائة) بغيتيه؟

داوود وهو كيحاول يقراها(بسخرية) : نتبرد قبل مانعس؟

تاج (بهدوء) :صافي الى مبغيتيهش بلاش